خداع قاتل

15

الفصل الخامس عشر

في شركة السيوفي

تصل مريم الي الشركة في وقت قياسي، ثم تدخل علي مكتبها وتقوم بوضع حقيبتها علي المكتب، وقد تجمعت الدموع داخل عينيها فور سماع ضحكات رقيعه تصدر من داخل مكتبه، ثم تسمع صوت هذه رنا وهي تتكلم بمياعه ودلال شديد، لتقول في نفسها بحزن وألم=بقي عادي عندك خالص كدة يا اسر انك تخوني ماشي ان ما وريتك يبقي مش انا مريم حجازي

ثم قامت باقتحام المكتب بدون استأذان وهي تقول بكل غل وكره له=انت واحد قليل الادب وانا مستحيل اكمل حياتي معاك

ومجرد ما تنهي كلامها، اذ تجحظ عينيها وتقف فاغره الفاه من الصدمة ولم تستطع ان تنطق بحرف واحد اخر فالصدمة قد الجمت لسانها

ليضحك هو بصوت عالي عندما يرها امامه ويقوم من مكانه سريعاً ويذهب يقف امامها ليكونوا وجهاً الي وجه، فأنه يريد ان يراها منذ فترة طويلة ولكن الفرصة لم تسمح له، فيقول لها بابتسامة خبيثة=مريم هانم عاملة ايه والله ليكي وحشه اي اختفتي فين وبقيتي مش بتسألي خالص

مريم برجفه في جسدها من رؤيته امامها مرة اخري=مراد انت انت ب.. بتعمل ايه هنا

ضحك بشدة عليها وبدأ يقترب منها وهي تتراجع الي خلف بجسد مرتعش=ههههههههههه هكون بعمل ايه هنا غير ان جاي اشوف حبيبت قلبي ولا انتي نسيتي ايامنا مع بعض يا حياتي

لتهز راسها بالنفي لعدم فهم ما يريد ان يرمي اليه وهي دموعها بدأت تتحرك علي وجهها دون وعي منها=انت بتقول اي انت اتجنيت

يهتف بمكر=اخس عليكي يا حبيبتي بقا تنسي ايامنا الحلوه كلها مع بعض نسيتي وانتي كنتي مش بتحبي تنامي غير جوه حضني وكنتي دايما تقوليلي انك بتحبيني اوي ومش عاوزة تطلعي من جوه حضني خالص

ليتابع كلامه بحنان مزيف وهو يقبض علي يدها ويحاول ان يجذبها اليه=في اي يا حبيبتي هو انا موحشتكيش ولا ايه

وقد تفاجئ مراد بلكمة قويه تسدد له في وجهه، ليهدر اسر بغضب=سيب ايدها يا حيوان

ثم يقوم بتسديد لكمة اخري له تحت تأثير غضبه الشديد ثم يهتف وهو يجز علي اسنانه بعنف=الشراكة اللي بينا انتهت علي كدة ومن انهاردة مفيش اي علاقة تربط شركتي بشركتك ابداً، وانا مستعد اني ادفع كل الشرط الجزائي يلا بره الشركة ومشوفش وشك هنا مرة تاني فاهم يلا اطلع بررررررررررره

مراد بقسوة وهو يترك يد مريم ويتجه الي اسر=انت عارف انت بتطرد مين انت بتطرد مراد الكفوري،  وعارف يعني اي مراد الكفوري يعني بحركة واحدة بس مني اهد كل اللي انت واقف فيه ده واخليك في الشارع فاهم ولا اعيد تاني

اسر وهو يجذبه من تلابيب ملابسة ويهدر بنبره تحذرية=اعمل اللي تعمله بس رجلك متعتبش باب الشركة هنا مرة تاني و اعلي ما في خيلك اركبه انا ولا بتهدد ولا بخاف