أسيل: لأ يعم لو أخرت هتعمل منى بوفتيك ..اهى ماما جاية اهى
سلوى: ولا ي ياسين انا مش قولتلك متقعدهاش لنص الليل كدا دا بتذاكرو وايدا بيبسى وبيتزا لأ مجتهدين
ياسين: والله ي لولو لسة كنا بنجيب ف سيرتك وبعدين دا احنا قاعدين قدام البيت يسلوى وبنذاكر اهو
سلوى: اخ منك أنت ياسين وبعدين أنت بتاع مذاكرة أنت
أسيل: والله ي ماما قولت زيك كدا بس ع اخر الزمن هو اللى كان بيشرحلى النهاردة
ياسين: شوفتى بنتك بتعايرنى ازاى طب مش هشرحلك تانى يا أسيل
سلوى: متشرحلهاش دى مش وش نعمة
أسيل: ي ماما نفسى تدافعى عنى مرة ضد ياسين
ياسين: اطلعى أنتى منها انا وسلوى صحاب
سلوي: ينيلك ي ياسين يلا يااسيل الوقت أتأخر سلملى ع نجوى ي ياسين
ياسين: من عنيا
.........................................
عند آسيا كانت بتكلم آدم
آدم: ها ي ستى هنبدأ مذاكرة من امتى
آسيا: قولت لماما النهاردة قالتلى تعالى ف اى وقت
آدم: طب اجى امتى
آسيا: تعالى بكرة بس ابقى تعالى ف النهار عشان ناخد اليوم من اوله
آدم: هتنامى دلوقت
آسيا: لأ هعمل جدول مذاكرة وبعدين هنام
آدم: ونطبقه ونحطه ف الدرج هههه
آسيا: دنا هعلمك الادب هتشوف اسيا تانى خالص ف المذاكرة
آدم: هتعلمينى الادب والله انتى بوء
آسيا: هتشوف ههه يالا سلام بقاا
آدم: سلام هكلمك قبل مااجى
اسيا: تمام
..................................................
بدأت الايام تعدى والكل بدأ يذاكر بجد والكل بيشجع بعض كانو بينزلو دروس ومراجعات وضغط فريدة ويوسف مكنوش بيقابلوهم كتيير عشان اختلاف المواد وكانو بيتجمعو كل جمعة عند أسيا ف الفيلا وبيختارو مادة ويراجعوها كلهم من أول اليوم لأخره
عند أسيا ف البيت متجمعين ف الجمعة اللى قبلل الامتحان باسبوع
آدم: حرفيا أول مرة أتنفخ مذاكرة كدا
آسيا: بفضلى طبعا
أسيل بثقة: تربيتى
ياسين: ومين سمعك ياعم آدم آسيل مش رحمانى مذاكرة من أول اليوم لأخره
أسيل: يبنى هتشكرنى بعد الامتحانات صدقنى
ياسين: أو هقتللك مش عارف!
آدم: سورى بس بعد الحرب دى متخلص لازم نسافر
ياسين: أنت صح
آدم: طب يسطا ما تظبطنا مع اخوك كدا مش هو ماسك شركتكو ف اسكندرية؟
أسيل: اه صح يا ياسين أنتو عندكو شاليهات هناك بتأجروها خلى عمر يشوفلنا شاليه
ياسين: واي كمان
أسيل: يعنى بعض منخلص كدا قول لعمو عز ويكلم عمروهو يظبطنا هناك
ياسين: ربنا يسهل
أسيا: طب ربنا معاكو أنتو بقاا يجماعة انتو بتتكلمو ف ايه احنا ورانا امتحانات الاسبوع الجاى
آدم: ما تصلى ع النبى كدا واستهدى بالله
أسيل: خلاص احنا نركز دلوقت ع الامتحانات ونلحق نراجع وبعدين نشوف الموضوع دا لما نخلص
ياسين: هو احنا هنذاكر تانى؟!
آدم: نا دماغى فصلت وربنا
أسيا: طب ننام بدرى النهاردة عشان نبدأ بكرة بدرى
أدم: أسيا مش عايز أعرفك تانى
أسيا بضحك: بتتكلم من ورا قلبك ع فكرة
ياسين: طب يسطا نسيبكو احنا عشان صدعت جامد
أسيل: اه ونا برضو
أسيا: لي ما تخليكو شوية
ياسين: أسيل مش مخليانى انام ي اسيا والله
أٍسيل: انا مش مخلياك تنام!!
أسيا: طب استنى اجى اوصلكو للباب قبل ما تشبكو ف بعض
...........................................
أدم لاسيا: لو قولتيلى ع مذاكرة هسيبك واروح زى اللي روحو دول
أسيا : ايوة ي دوما احنا هنذاكر
آدم: طب اخلع انا بقاا
آسيا: يعم أقعد بهزر معاك أنت صدقت
آدم: انا هحرم اجى عندكو تانى دنا بقيت بسمع المنهج ونا نايم
آسيا بضحك: ههههه يعمري والله صعبت عليا
آسيا سكتت شوية وبصتله: أنت باصصلى كدا ليه
آدم: بتفرج عليكى ونتى بتضحكى
آسيا: احم طب اي هتعمل اي لما تروح
آدم:اممم هنام عشان دماغى هتتفرتك
أسيا: آدم هو حياتك عاملة ازاى
آدم: اي السؤال الغريب دا زى ماالناس بتبقى عايشة
آسيا: لأ مش قصدى يعنى نا من ساعت ما عرفتك اديلي سنتين اهو معرفش عنك اى حاجة غير انك عايش مع جدتك بس
آدم: انتى عايزة تعرفينى اكتر يعنى
آسيا: لا يعنى هو فضول بس لو مش عايز تجاوب مش مشكلة
آدم: مسألتيش أسيل ليه
أسيا: معرفش يعنى حبيت أسألك أنت
آدم:امم أهلي مسافرين فقاعد مع جدتى هنا عادى .. بصى نا همشى عشان مش قادر افتح عينى اصلا
آسيا: اشطا تمام لما تصحى كلمنى
آدم:تمام
.................................................
عند أسيل وياسين ف العربية
أسيل: لأ منا مبعرفش أفضل ساكتة الطريق كله
ياسين ضحك ومردش
أسيل: أنت بتضحك ع اي انا بكلمك
ياسين: طب انا سامعك اهو اتكلمى
أسيل: طب هقولك حاجة.. أنت زعلت لما قولنا انا وادم اننا نقضى اسبوع ف الاجازة عندكو ف الشاليه صح
ياسين: اي الهبل دا بقاا
أسيل: انا ممكن اكلم عمر واتفق معاه ان احنا نأجر ال...............
ياسين: أسيل أسيل فكك من الحوار دا انا ابقى اظبطه بعد الامتحانات متنرفزنيش
أسيل: الامتحانات ااه انا خايفة اوى
ياسين:............
أسيل: تفتكر هنجيب مجموع حلو
ياسين:............
أسيل:مش هترد عليا
ياسين:وصلنا اخيرا
أسيل:طب تمام انا نازلة وفتحت باب العربية وبتنزل
ياسين مسك ايدها: استنى نسيت اديكى حاجة وطلع شيكولاتة من جيبه وادهالها
ياسين: كنت جايبهالك الصبح بس نسيت ادهالك
أسيل ضحكت وبصتله: يعنى انا ازعل ولا افرح دلوقت
ياسين: خلاص متزعليش انا بس مصدع شوية
أسيل: طب خلاص أنت روح نام وارتاح وابقى كلمنى لما تفوق كدا
ياسين: حاضرابقى سلميلى ع سلوى يالا سلام
أسيل: وأنت كمان سلملى ع طنط نجوى
.............................................
تانى يوم عند ياسين
ياسين: يبنى حد يجى لحد بدرى كدا
أدم: صحيت بدرى فقولت اجيلك
ياسين:اه صح دا انا هنفخك
آدم: لي يسطا انا عملت اي
ياسين: يعنى أنت طلبت معاك نروح الشاليه اللى جنب الشركة اللى بيشتغل فيها عمر لأ وبتقول قدام أسيل كمان
آدم: مش فاهم مااقول قدام أسيل عادى
ياسين: انا مش قايلك ان عمرعينه ع أسيل
آدم:أنت غيران ع أسيل يعنى مش عايزها تروح هناك
ياسين: غيرة اي وشغل عيال اي أسيل دى اختى انا بس خايف عليها
آدم: مش فاهم يا ياسين خايف عليها من اي دا عمر اخوك يعنى مش حد غريب
ياسين: يسطا قول عايز اي وقوم امشى مش فايقلك
آدم: اصل اسيا سألتنى عن اهلى كدا بطريقة غريبة مرة واحدة كدا
ياسين: بطريقة غريبة ازاى يعنى!!
آدم: معرفش قالتلى لي عايش مع جدتك وكدا
ياسين: طب ماحكتلهاش لي وقولتلها أهلك مسافرين وأبوك بيتعالج برا وبتاع
آدم: نا قولتلها انى اهلى مسافرين بس وبعدين أستأذنت ومشيت وحسيتها زعلت
ياسين: يسطا عادى يعنى شوية كدا فترة الامتحانات دى تعدى وابقى احكيلها بقا هى ممكن تكون عايزة تفتح معاك كلام مثلا او عايزة تعرفك اكتر
آدم: أنت عارفنى يا ياسين انى مبحبش احكى الفترة دى بالذات بس انا شكلى حاسس حاجة تجاهها كدا
ياسين: بتحبها ي منيل..بص أنت لو بتحبها لازم تفتحلها قلبك وتحكيلها + قوم بقا سيبنى أكمل نوم قبل ما أسيل تيجى تصحينى
آدم: لأ لسة موصلتش انى بحبها بس مش عارف
ياسين: ولا متبسبسش ومتفكرش كتير فكك وتعالى كمل نوم جنبى وابقى روح بالليل كدا كدا نصاية واسيل هتصحينا
آدم: ع رأيك كدا كدا الايام الجاية نفخ مش هلحق افكرف حاجة
.......................................
لو عجبتكو البارت اعملو كومنتات برأيكو وفرحونيي♥️
أنت تقرأ
توأم الروح
Teen Fictionابتدت الحكاية من قبل ما يتولدو .. مامت أسيل وماما ياسين كانو صحاب جدا وجيران ف نفس الوقت .. مامت ياسين كانت ف الشهرر التاسع وماما أسيل كانت ف السابع واللى مكنش متوقع انهم يتولدو ف نفس اليوم :>
