توأم الروح

part 17 finally

أسيل: كان نفسي ياسين يكون معانا النهارده ع الأقل مش هحتفل بتخرجي وعيد ميلادنا وهو مش معاياا
اسيا: هو قالك هيجي بعد يومين
أسيل: اه قالي هيظبط إجراءات السفر واحتمال ينزل بعد يومين.. دنا زعلانه منه اصلا
اسيا: ليه
أسيل: عشان من امبارح بكلمه ومقفول حتى معايدنيش ولا قالي كل سنه وانتي طيبه..هو خلاص سافر وبطل يحبني تقريبا مش عارفه
اسيا: يبنتي بكل يحبك ايه بس اللي بنتكلم عنه دا ياسين
مليكة: hey guys .. مالك ي سيلا ضاربه بوز ليه دنتي بتتخرجي يعني فكي كدا
اسيا: اصل ياسين فاكسلها من امبارح والمفروض أن النهارده عيد ميلادهم
أسيل: متقوليش فاكسلي
مليكة: يستي مسيره يظهر ما يمكن فونه وقع منه أو باظ ومعندوش وقت يكلمك يقولك .. وبعدين إجراءات السفر دي بتدوش اوي ومتخليش حد عنده وقت
أسيل: هو ممكن يبقى جراله حاجه ياسين ع طول بيكلمني ..مستحيل مايكلمنيش ف يوم زي دا
اسيا: يبنتي انتي بتدوري ع النكد .. ي سيلااا النهارده هنتخرج
أسيل: طب هو فين آدم ممكن يبقى كلمه
مليكة: آدم راح يجيب عمر وريم عشان وصلو
أسيل: طب كويس عمر جه عشان أسأله
اسيا: يبنتي خفي توتر انا اتوترت صدقيني ياسين بخير
ريم: congratulations
أسيل ابتسمت: فرحانه انكوا جيتو.. يرب مكونش تعبتك عشان الحمل
ريم: ولا تعب ولا حاجه..عبالك ي مليكة
مليكة: هم السابقون ونحن اللاحقون مش بتقولوا كدا بردو
ريم: ايوه بالظبط كدا.. ونتي عامله ايه ي آسيا
آسيا: انا كويسه الحمدلله.. عرفتو النونه هتبقى ايه
أسيل: هتبقى ولد دا عمر هيطير بيه
ريم: انتي بتقولي فيها.. هو طاير من دلوقتي
أسيل: هو فين مش كان جاي
ريم: مع آدم كانوا جايين ورايا
آسيا: أهم جم
أسيل: ايه انتو فين.. حد كلم ياسين
آدم: اشمعنا
أسيل: مكلمنيش من امبارح ومش عارفه أوصله خايفه يكون حصله حاجه
عمر: لأ هو كويس ماتقلقيش
أسيل: أيوة يعني هو كلمك
عمر: ماهو كلمني وقالي ان ان أنه تليفونه باظ وأنه كويس
أسيل: طب ماكان كلمني من ع اللاب ماهو اصلا بيكلمني من عليه
عمر: ما اللاب كمان باظ
أسيل: بااظو ازاي يعني مره واحد كدا
عمر : ماهو كان مستعجل ووقعو منه ادشدشو
أسيل: ااه طب كان كلمني من اي حتة يطمني عليه
آسيا: خلاص بقى ي سيلا عمر قالك أنه كويس ماتقلقيش بقا
أسيل: طيب
آدم: يلا اقعدو بقا عشان هينادمو ع الاسامي
خلصو الحفله وعمر وآدم استأذنو وريم وآسيا ومليكة وأسيل راحو كافيه وقعدو لحد بالليل وبعدين وصلو عند بيت أسيل ف الجنينة
الكل: سير بر اايز
أسيل شافت الجنينة كلها مزينة وبلالين كتير ف كل مكان والكل متجمع وبيجرو عليها يحضنوها ويعايدوها
أسيل: جماعة شكرا بجد فرحتوني اوي كل سنه ونتو ف حياتي
أسيل كل شوية تمسك الفون مع امل تلاقي مسدج من ياسين بس بيخيب أملها لما بتلاقي الشاشه فاضيه
يعدي الوقت ويجيبو التورته ويولعو الشموع ويحتفلو بأسيل ويغنولها happy birthday to you happy birthday to you happy birthday to asil happy birthday to you
آسيا: يلا اتمني أمنية
عمر: غمضي عينك ونتي بتتمني عشان تتحقق
أسيل اتمنت أن ياسين يكلمها النهارده وأنهم يبقو من نصيب بعض ويفضل يحبها طول العمر .. فتحت عينها لقت ياسين واقف قدامها .. قعدت تغمض وتفتح عينها تتأكد أنه حقيقي
أسيل بفرح: ياسين ( جريت عليه حضنته وقعدت تعيط )
أسيل بعياط: انت وحشتني اوي .. انت ازاي تعمل فيا كدا ومتكلمنيش انا كنت هموت من القلق عليك
ياسين: ششششش انا هنا قدامك خلاص.. انا مش هسيبك تاني ابداا .. وبعدين ينفع كدا اسافر تعيطي ارجع تعيطي اجيلك امتى وقت تكون مش بتعيطي فيه
أسيل بتمسح دموعها: ههههههه دي دموع الفرحة يبني مش مصدقه انك خلاص رجعت
ياسين: اديني رجعت اهو يستي وهدلق عليكي كل يوم جردلين مية عشان اصحيكي
أسيل: ههههههههه طب هصخى اعمل ايه منا خلاص خلصت تعليم
ياسين: ايدا ايدا ايدا هو في حد بيتخرج قمر كدا
أسيل: انا اللي قمر بردو انتو ماعندكوش مرايا ف امريكا تشوف نفسك فيها
ياسين: ليه فيه حاجه ف شكلي غلط
أسيل: لأ مفيش حاجه انت بس عينك اخضرت اكتر وربيت دقنك وشعرك دا معرفش حلو ازاي كدا وايه يعم الطقم الجامد دا .. خمس سنين يعملو فيك كدا فين ايام القميص ابو تر تر وتعالي ي أسيل معايا نقيلي لبس
ياسين: انا مفهمتش بردو انتي بتمدحيني ولا بتشتميني
أسيل: ههههههههه
ياسين: وحشتني ضحكتك
أسيل ابتسمت: انت كمان وحشتني اوي
ياسين: مش هتفتحي الهدايا
أسيل: انا لسه واخده بالي انهم مش موجودين حوالينا
ياسين: عيب عليكي دنا مخطط للحظه دي من زمان .. يالاااا يجدعان أسيل هتفتح الهدايا
سلوى: كل سنه ونتو طيبين يولاد ربنا يفرحكو ديما
أسيل فتحت الهدايا وياسين باصصلها وعي فرحانه
ياسين: دور هديتي بقاا
أسيل: انت كمان حايبلي هدية مش كفاية عملتلي المفاجأة دي كلها
ياسين: افتحيها
أسيل فكت الهدية ولقت علبة اول مافتحتها لقت ياسين ركع ع ركبته
ياسين: قصاد كل الناس دي .. قصاد كل لحظه عشناها مع بعض .. قصاد كل فرحة فرحتهالي لمجرد أنك جنبي .. فأنا بتمنى من ربنا أن كل دقيقة من عمري تبقي موجودة جنبي فيها .. تتجوزيني
أسيل مش مصدقه نفسها دمعت من الفرحة وبصت لمامتها كأنها بتاخخد الجواب منها كلمتها ابتسمت وأومأت بالموافقة
أسيل ابتسمت لياسين: موافقة طبعا
الكل سقف وياسين لبسها الخاتم وباس أيدها
ياسين: كل سنه واحنا مع بعض والسنه الجايه تبقي مراتي
أسيل اتكسفت وبصت للأرض .. ياسين استأذن منهم وخرج هو وأسيل
أسيل باصة للخاتم وفرحانه بيه
ياسين: فرحانة
أسيل: جدا جدا جدا
ياسين: طب بما انك فرحانة اطلبي اي طلب هنفذهولك
أسيل: لأ هو انت محبر اصلا ف عيد ميلادنا لازم كل واحد ينفذ طلب التاني
ياسين: ماشي تمام اطلبي وانا هطلب
أسيل: استنى افكر امممممم خلاص عرفت هتلفلفني بالموتيسيكل لحد م ازهق
ياسين: لحد ما تزهقي وايه كمان
أسيل: ياسين مبهزرش هبقى حنينة عليك متقلقش
ياسين: يبنتي ماهما كلهم جوا اجيبه ازاي
أسيل: معرفش اتصرف دا طلبي وانت مجبر تنفذه
ياسين: تمام .. تمام عشان النهارده بس
ياسين جاب الموتوسيكل وركبو ولفلفها ساعتين وهي مش راضيه يخليه يوقف وراح زود السرعة
أسيل: خلاص خلاص كفايه والنبي هدي السرعاااااا
ياسين: ايوه كدا ناس تخاف متختشيش
أسيل: ماشي يعم شكرا
ياسين: تاكلي
أسيل: هاتلي آيس كريم
ياسين: ماشي يستي
راح جابلها آيس كريم ورجع
ياسين: دوري بقا اطلب طلب
أسيل: مش لما تفتح هديتك الاول
ياسين: جبتيلي هدية!!
أسيل: عارفة أن احنا متفقين مانجبش لبعض هدايا بس دي اخر سنة ف الكلية لازم اجبلك هدية
ياسين: وجبتيلي ايه بقاا
أسيل: افتحها
ياسين خد العلبة وفتحها
ياسين: كارفاتة.. بس انا مبلبسش بدل
أسيل: ما انت هتلبس .. كنت جايبهالك لأول يوم تروح فيه الشركة
ياسين: بس حلوة اوي ربنا يخليكي ليا
أسيل: وطبعا عشان تخففلي الطلب اللي هتطلبه
ياسين: هههههههه هو انتي صعبتي عليا بس هو كدا كدا طلب خفيف وحشني صوتك جدا عايزك تغنيلي اغنية كل ما انساها افتكرها عشان كنت ديما بسمعها وبتخيلها بصوتك
أسيل: بتهزر .. انا كنت ديما بغنيها لما ببقى لوحدي
ياسين: بجد طب غنيهالي
أسيل بدأت تغني: كل ما انساها افتكرها.. مهما اشوف مابشوفش غيرها.. دي الوحيدة اللي معاها وف هواها ارتحت انا.. عمرها ماهتبقى ماضي.. اللي بينا ماكانش عادي.. حب عاش من يوم لقانا ولسه هيعيش مية سنة
ياسين: قشعرتيني كل مرة بسمعك بحس بأول مرة أسمعك بتغني
أسيل: ياسين انا بتكسف اغني قدام حد متخلنيش اتكسف قدامك
ياسين: بس انا مش اي حد
أسيل: اكيد عشان انت حبيبي
ياسين ابتسم: يحبيبي
أسيل: ياسين انا بحبك اوي .. بحس ان ربنا اختارك تعوضني بعد وفاة بابا
ياسين: انا هفضل عوضك وسندك لحد آخر نفس ليا
أسيل: انت فعلا توأم روحي
النهاية
متنسوش تعملو vote وتدوسو ع النجمة قبل ما تطلع⁦♥️⁩
يرب تكون الرواية عجبتگو وشكرا لكل الناس اللى كانت متابعة واللى كانت بتعمل كومنتس تشجعنى واللى كانو بيدخلو يكلمونى ويقول لى استمرى شكرا بجد عشان فرقت معايا جدا ... الرواية دى كانت تجربة ليا ومكنتش هكتب تانى بس والله كلامكو فرحنى جدا وعارفة أنها مش واو بس ع الاقل فرحتگو .. اللى عايز الرواية pdf يبعتلى برايفت وهبعتهاله ⁦♥️⁩

Thanks all💕
#مبتدئة⁦♥️⁩