ياسين: اما انتى جاية ليه يماما
نجوى: انا عايزاك تقنع أسيل
ياسين: أقنعها بأيه!؟
نجوى: انها توافق تتجوز عمر
ياسين: ناااعااام
نجوى: ايه ي ياسين دا عمر كويس وبعدين هى أسيل تطول تتجوز البشمهندس
ياسين: لأ معلش بس هو عمر نازل عشان يخطب أسيل!؟
نجوى: ااه ايه رأيك أسيل بنتنا بردو دنا اللى مربياها
ياسين: ماما سيبينى لوحدى معلش عشان انا مش طايق نفسى واللى فيا مكفينى
نجوى: هو أبوك قالك تسافر فين مخليك كدا
ياسين: ابقى أسأليه
...............................................
ع الجانب الاخر
أسيا كانت عند أسيل ف الجنينة (الجنينة مشتركة ما بين البيتين) وآدم كان جاى
لياسين فقابلهم
آدم: أزيك ي أسيل عاملة ايه
أسيل:كويسة أنت عامل ايه تعالى اقعد
آدم: لأ انا طالع لياسين .. ازيك ي أسيا
أسيا: الحمد لله
أسيل:يبنى أقعد بس تلاقى ياسين نايم دلوقت
آدم: لأ هو لسة مكلمنى
أسيل: طب هروح اناديه حتى بالمرة أسلم ع طنط نجوى أديلى فترة مروحتش هناك
آسيا بصوت واطى: انتى هتسيبينى لوحدى
أسيل: أقعد ي آدم انا هروح اناديه بسرعة واجى
آدم: ماشى
...........................................
نجوى: تعالى ي أسيل يعنى ينفع جيران كدا ومتجيش كل يوم تسلمى عليا
أسيل: حقك عليا ي نوجا انا ابقى اجيلك يوم من أوله لأخره
نجوى: أيوة تعالى دا حتى عمر جاى النهاردة
أسيل: اها أيوة هو كلمنى من كام يوم قال انه هيجى القاهرة هيقعد كام يوم
نجوى: هو بيتواصل معاكى
أسيل: لأ مش كتييير يعنى هو بيكلمنى كل فترة بس هو فين ياسين
نجوى: فوق قافل ع نفسه مش عارفة ابوه قاله ع حاجة ليها علاقة بالسفر من
ساعتهاوهو فأوضته
أسيل: سفر ايه!!
نجوى: معرفش كل ما اقوله ابوك قالك ايه يقولى أسأليه
أسيل: طب خلاص انا طلعاله
نجوى: طب أستنى أقعدى معايا شوية عايزاكى ف موضوع
أسيل: أصل آدم برا هو وآسيا ونا كنت جاية انادى ياس...
ياسين: أسيل!! اي اللى جابك
نجوى: يعنى ايه اللى جابها متيجى براحتها
ياسين: بعد أذنك ي ماما تعالى ي أسيل ثوانى عايزك
أسيل: ايييه جاررنى وراك ليه
ياسين: هى ماما هى اللى جابتك
أسيل: لأ انا جيت لوحدى
ياسين: طب كانت بتقولك ايه
أسيل: فيه ايه ي ياسين مالك مش ع بعضك كدا
ياسين: قالتلك ايه انجزى
أسيل: قالتلى انك قافل ع نفسك .. هو ايه حوار السفر دا
ياسين: هى قالتك انى مسافر
أسيل: قالتلى ان أونكل عز قالك ع سفروانت مدايق بسبب كدا
ياسين: قالتلك حاجة تانى؟
أسيل: لأ كلامنا كان عادى هو فيه ايه بقا انا مش مرتحالك أنت عملت مصيبة
صح وايه حوار السفر دا انت مسافر فين
ياسين: لأ دا بابا قالى ع حاجة اجيبها من شقة اسكندرية ونا مكسل اروح
أسيل: طب ما عمر يجيبها وهو جاى أسهل
ياسين: نتى عرفتى منين ان عمر جاى
أسيل: نوجا قالتلى
ياسين: اممممم
أسيل: ع فكرة أنت بتحورعليا فيه حاجة مش عايزنى أعرفها
ياسين: حاجة ايه بس بطلى التخيلات اللى ف دماغك
أسيل: تخيلات!! طيب
ياسين:فكى ي أسيل مفيش حاجة بجد
أسيل: انا كنت جاية أقولك ان آدم تحت بس وماشية
ياسين: آدم!! طب مطلعش ليه هو محتاج أذن
أسيل: لأ ما آسيا كانت معايا تحت وكدا فقولت أسيبهم يعنى يمكن يتصالحو
ياسين بهزار:ينووحى ينوحى .. مصلحة أجتماعية اويي
أسيل: بس متهزرش معايا انا مش بكلمك
ياسين: انتى ليه مقتنعة انى مخبى حاجة عنك
أسيل: عشان انا عارفاك لما بتكدب
..............................................
ف الجنينة
آدم: هنفضل كدا كتير
آسيا: كدا ازاى
آدم: آسيا اديلنا شهر متقابلناش ولا اتكلمنا
آسيا: هنتكلم ف ايه
آدم: آسيا انتى عارفة انى .. انك غالية عليا ومقدرش أشوف حد ممكن يأذيكى
آسيا: غالية عليك!! .. طيب
آدم: ع فكرة انتى كمان خبيتى عليا
آسيا: ع فكرة أنت مكبر الموضوع يوسف قالى انا بحبك وانا رفضت خلصنا
آدم: ااه فيستغل انى مش موجود فيمسك ايدك
أسيا: وأنت مين ف حياتى عشان يعملك حساب أوي كدا
أدم: انتى عارفة كويس انا ايه ف حياتك
آسيا: لا انا معرفش حاجة اللى اعرفه انك ولا خطيبى ولا جوزى عشان تزعق
وتشك وتتهمنى وتعمل كل اللى انت بتعمله دا..احنا مفيش بينا حاجة احنا صحاب
آدم: يعنى انا بالنسبالك صاحب وبس زى ياسين يعنى
آسيا: والله دا كلامك مش كلامى أنت اللى كنت بتقولى كدا انا ماشية
آدم: آسيا انا عايزك ف حياتى انا مش عايزك تمشى
أسيا: ونا مش لعبة تتسلى بيها ي آدم عن اذنك
آسيا مشيت وآدم راح لياسين
ياسين:انت جيت! احنا كنا لسة نازلين
أسيل: فين أسيا؟
آدم:انا عكيت
ياسين: ايه اللى حصل اقعد
آدم: مكنتش اعرف انها شايلة كدا
أسيل: هو حد يستنى شهر وميتكلمش دا لولا لقيتها صدفة عمرك ما كنت هتكلمها
آدم: منا كنت عارف ان هيجى يوم وهنتقابل
ياسين: هى قالتلك ايه
آدم:قالتلى انا مش لعبة وسابتنى ومشيت
أسيل :ههههههه والله البت دى تربيتى
أدم: انتى بتضحكى وربنا شكلك انتى اللى مشجعاها
ياسين: يسطا دا هى خلتك تقعد تكلمها
أسيل: وهو دا بيفتكر جميل حد وع فكرةهى عندها حق أنا لو كنت مكانها وحد مهم
ف حياتى معبرنيش شهر كامل ولا حاول حتى يكلمنى انا مكنتش عرفته تانى
آدم: ربنا يبشرك بالخير .. بس أبقى حننى صاحبتك عليا
أسيل: بقت صاحبتى دلوقت سلام يعم
ياسين: ما تخليكى
آسيل: لأ يعم اروح انا سايبة ماما لوحدها من بدرى
ياسين: ابقى سلميلى عليها
أسيل: ماشى سلام
آدم: اي يعم كنت متعصب ليه لما كلمتنى
ياسين: ابويا حجزلى تذكرة سفر بعد شهر
آدم: تذكرة سفر لأيه
ياسين: جامعة برا عشان ادرس فيهاا
آدم: أوبس طب أنت عملت ايه
ياسين: مدانيش فرصة أقول لأ حتى
آدم: طب ما تقولك لامك تقنعه
ياسين: مانا مقولتلكش المصيبة الاكبر
آدم: ايه
ياسين: عمر نازل النهاردة وعايز يخطب أسيل
آدم: أسيل بتاعتنا
ياسين: هو فيه غيرها ي آدم ما تصحصح كدا
آدم: أيوة بس دى مش مصيبة إلا لو
ياسين: لو ايه
آدم: لو أنت بتحبها
ياسين: بحبها!! طب مانا بحبها أكيد
آدم: لأ مش بتحبها أخوات بتحبها زى مانا بحب أسيا
ياسين: ...
استوووب
يا رب البارت يعجبكوو قولو رأيكو ف الكومنتات بلييز♥️
#مبتدئة♥️
أنت تقرأ
توأم الروح
Teen Fictionابتدت الحكاية من قبل ما يتولدو .. مامت أسيل وماما ياسين كانو صحاب جدا وجيران ف نفس الوقت .. مامت ياسين كانت ف الشهرر التاسع وماما أسيل كانت ف السابع واللى مكنش متوقع انهم يتولدو ف نفس اليوم :>
