توأم الروح

part 11

سلوى: انتى بتحبى عمر
أسيل: بحب عمر!! لأ عادى يعنى
سلوى: عمر أتقدملك النهاردة
أسيل: عمر!! واتقدملى!! هههه جواز يعنى
سلوى: اما هتتسرمحى اه جواز
أسيل: جواز ايه يماما انا لسة طالعة من ثانوية عامةّ!!
سلوى: ما انتى مش هتتجوزى بكرة انا قولت لنجوى بعد الكلية وكمان كلمت ابوكى وموافق
أسيل: انتو اتفقتوا كمان!
سلوى: وهو عمر عريس يترفض
أسيل: انا وعمر! لأ فاكس
سلوى: فاكس! .. يبت هقوم أضربك
أسيل: يماما عمر من ساعت ما سافر  مقابلتوش غير لما سافرت مع صحابى هو لذيذ وكل حاجة بس مش حاساه
سلوى: اديكى قولتى لذيذ يعنى فيه قبول من ناحيتك وبعدين هيبقى فيه 5 سنين مع بعض هتعرفو بعض اكتر وهتحبيه
أسيل: يماما بس انا مش عايزة اتخطب دلوقت
سلوى: يبنتى انتى لو رفضتيه دلوقت هتندمى وبعدين دى نجوى صاحبتى وجيرانى
من سنين مش عايزين نخسرهم
أسيل: ماشى ي ماما .. بس بشرط لو مارتحتش خلاص ومتخليهمش يجوا دلوقت يعنى خليها ع اخر الشهر كدا تبقى قراية فاتحة ودبل انا مش عايزة خطوبة
سلوى: ماشى هكلم ابوكى اقولو انك وافقتى عشان يحاول يجى
أسيل: طيب انا طالعة أوضتى
أسيل طلعت أوضتها وأول حاجة فكرت فيها هى ياسين رد فعله هيبقى ايه هيفرح ولا لا وياترى كان عارف ولالأ طب لو عارف مرضيش يقولها ليه  ياترى هو دا اللى كان بيحاول يخبيه عليها وقعدت تفكر لحد ما غلبها النوم .. ياسين حاله كان اصعب من أسيل مكنش عارف المفروض يعمل ايه يقول لاسيل انه بيحبها ويخسر اخوه وأسيل ولا يفضل ساكت ويخسر نفسه وكان بيلوم نفسه انه ازاى حبها وامتى حصل كدا وهيعمل ايه ف أبوه واللى لازم يسافر عشان ميخسروش .. أحيانا كتير بيبقى اللى المفروض نعمله عكس اللى نفسنا فيه وايا كان الخيار اللى بنختاره بيبقى لازم فيه خسارة
                       ..............................................
آدم قرر خلاص انه هيروح للدكتور سليم العيادة بتاعته وانه يحكيله ظروفه وزى ما تيجى معاه
...: دكتور سليم فيه واحد برا عايز يدخل لحضرتك أسمه آدم
سليم: طب فيه مرضى برا تانى ؟
....: لأ انا أستنيت لما كله خلص كشفه عشان ادخله لحضرتك
سليم: طب أتفضلى دخليه
آدم: السلام عليكم
سليم بتذكر: ااآدم ..مش أنت زميل آسيا بنتى
آدم:ااه انا زميلها
سليم: أتفضل أقعد ي آدم .. خير فيه  حاجة
آدم: انا كنت عايز أتكلم مع حضرتك ف موضوع بخصوص آسيا وأتمنى إن حضرتك تسمعنى للأخر
سليم: ماشى .. أتفضل
آدم: انا بحب آسيا ونفسى انها تكون من نصيبى انا عارف انى بالنسبة لحضرتك عيل ودى مشاعر مراهقة بس انا بحبها بجد .. انا ان شاء الله ف خلال سنة أو سنتين هبقى بشتغل ف شركة وبدرس .. انا بس جيت أتأكد من حضرتك انى لو أتقدمتلها بعد السنة دى حضرتك هتقبل انا مش قايل لاسيا اى حاجة غير لما حضرتك تكون موافق ع أى حاجة رسمى بعد كدا
سليم: كلام جميل وكل حاجة بس دا كله احتمالات لبعد كدا .. كمان انا معرفش أنت مين ولا ابن مين ولا حتى هتبقى خريج ايه انا معرفش غير انك آدم وزميل اسيا
آدم: انا آدم رأفت مختار أبويا سافر من 7 سنين عشان يتعالج برا وامى واختى معاه ونا عايش مع جدتى حاليا وهدرس هندسة وهتخصص معمارى ان شاء الله
سليم بذهول:  أبوك رأفت مختار!!
آدم: ااه حضرتك تعرفه؟
سليم: ااه طبعا دا كان صاحب عمرى كنا صحاب لحد أولى جامعة وبعدين هو حول لكلية تانية وسافر بعدها سنين قابلته لما اتجوز وبعدين معرفتش عنه اخبار تانية بس هو سافر يتعالج من ايه
آدم: كانسر
سليم: لا حول ولا قوة إلا بالله طب وحالته اي دلوقت
آدم: متابع مع دكتور ومفيش اى تحسن عايش ع الكيماوى
سليم: ربنا يشفيه يرب متقلقش ان شاء الله ..لو محتاج أى حاجة يا آدم متتأخرش أعتبرنى والدك
آدم: انا عايز حضرتك توافق بس ع موضوع أسيا ونا هبقى ممتن لحضرتك جدا
سليم: الحق يتقال أنت لو مكنتش ابن رأفت انا مكنتش هوافق .. بس أبوك كان صاحب عمرى ونا مقدرش ارفض لابنه طلب
آدم: انا متشكر لحضرتك جدا انا مش عارف اقول ايه بس انا هبقى قد الثقة دى وهشيل أسيا ف عنيا
سليم: بس انا ليا شرط اول حاجة تدينى رقم والدك.. هو عايش فين؟
آدم: ف أنجلترا
سليم: انا هكلمه واتفق معاه انا عارف انه مش هينفع يجى بس ع الاقل اتفق معاه .. انا بنتى مش هينفع تدخل وتطلع مع حد غريب عشان كدا أنتو هتقرو فاتحة وهتلبسو دبل ولما تشتغل ان شاء الله هنعمل خطوبة كبيرة ولما تخلصو الجامعة ع خير كدا تتجوزوا
آدم بفرح: انا معنديش أى مشكلة ف أى حاجة تقولها ..حضرتك قولى المعاد ونا هاجى نا وجدتى ونقرا فاتحة
سليم: تمام هبقى أقول لاسيا وهى تبلغك
آدم: بس هو ممكن متقولش لاسيا انى جيت لحضرتك يعنى أحب أنى اعملها مفاجأة وااقولها انا
سليم: ماشى يا سيدى حاجة تانى
آدم: أنا متشكر لحضرتك جدا
                    .............................................
آدم طلع من العيادة وكان ف قمة الفرح وراح اشترى بوكيه ورد وشيكولاتات كتير ووقف قدام الفيلا وبعتلها مسدجات انها تنزل ضرورى عشان فيه حاجة مهمة لحد ما نزلت
آسيا: فيه ايه كل دى مس.... ايه دا
آدم: بحبك
آسيا ابتسمت: ع فكرة مش هتضحك عليا
آدم: انا.. بحبكك
آسيا اتكسفت ولفت وشها الناحية التانية
آدم: طب اي مش هتردى عليا
آسيا بصوت واطى: انا كمان
آدم: بتقولى ايه
آسيا: ونا كمان
آدم: ونتى كمان ايه
آسيا: آدم
آدم: عيون آدم
آسيا ابتسمت: بس بتكسف بجد
آدم: قمرى بيتكسف
آسيا ضحكت: بس مش متعودة عليك كدا انا وبعدين اشمعنا جاى تقولى كدا دلوقت
آدم: طب هو فيه حاجة تانية عايزة اقولك عليها
آسيا: ايه
آدم بغمزة: بحبكك
آسيا: هههههه آدم أمشى
آدم: لا خلاص فيه حاجة بجد عايز أقولهالك
آسيا:طب قول اهو
آدم: انا طلبت ايدك من د\ سليم النهاردة وهو وافق
آسيا بفرح: لا ثوانى ثوانى أنت عملت كدا بجد
آدم: اه
آسيا: آدم أنت بتهزر صح
آدم: وربنا لأ
آسيا : لأ مش مصدقة بجد وبابا وافق كمان لأ فيه حاجة غلط
آدم: هو مكنش هيوافق الصراحة بس طلع هو وبابا كانو صحاب زمان ولما عرف أشفق عليا ووافق هههههه انا كمان مكنتش مصدق انه وافق
آسيا: أنت عملت كدا عشانى
آدم: اه عملت كدا عشانك اما عشان مين يعنى .. انا ي آسيا تقوليلى انا مش لعبة
آسيا: ههههههه أعملك ايه مانت تنح حد يقول لحد انتى غالية عليا ايه غالية عليا دى هو انا أمك
آدم: خلاص بلاعة فتحت هى أسيل طفحت عليكى ولا ايه
آسيا:ههههه صحاب بقاا
آدم: طب ياستى حدديلنا معاد مع السيد الوالد
آسيا: هو بابا قالك انه موافق موافق ولا بيثبتك
آدم: ادخلى ي آسيا جوا انا غلطان انى جيت
آسيا: خلاص خلاص طب هو قالك ايه بالظبط
آدم: قالى هنقرا فاتحة دلوقت وبعدين لما أستلم شغل هنتخطب وهنتجوز بعد الكلية
آسيا: بجد
آدم: اه بجد
آسيا: مش هتزهق منى؟
آدم: لأ مش هزهق منك
أسيا:عارف ي آدم لو بصيت لوحده كدا ولا كدا هعمل فيك ايه
آدم: اها أبتدينا .. انا بقول تدخلى جوا أحسن
آسيا: ماشى ابقى كلمنى
آدم: لأ أستنى انا بهزر انتى رايحة فين
آسيا:هطلع أوضتى ايه
آدم: يعنى انا جاى وجايبلك حاجات حلوة وبقولك بحبك ونتى تقوليلى ابقى كلمنى
آسيا:هههههه اما اقول ايه
آدم: متقوليش حاجة انا أسف اطلعى
آسيا: خلاص.. بحبكك
آدم: ايه
آسيا: لأ أنت سمعتها متستعبطش
آدم ضحك : ههههه ماشى يستى .. هتوحشينى
آسيا: أنت كمان .. يلا سلام
                           ......................................
عند أسيل
أسيل:ألو
آسيا: أسيل عايزة أقولك ع حاجة مش هتصدقى
أسيل: انا كمان عايزة أقولك ع حاجة
آسيا: انتى ممكن تكونى كنتى عارفة اصلا ومخبية عليا
أسيل: لا مش عارفة هو ايه اللى حصل
آسيا بفرح: آدم أتقدملى وهنقرا فاتحة قريب
أسيل: أنتى بتتكلمى بجد!!
آسيا: ااه وربنا انا مش مصدقة انى انا وآدم هنبقى لبعض انتى متخيلة ان بابا وافق
أسيل: شوفتى عشان قولتلك ان آدم بيحبك بجد ونتى مكنتيش مصدقانى
آسيا: بصراحة عمرى ما كنت أتوقع انه ممكن يعمل كدا .. انتى كنتى هتقوليلى حاجة انتى كمان يرب يبقى خبر حلو
أسيل: شكلى انا ونتى هيتقرى فاتحتنا ف نفس الشهر
آسيا بفرح: بتهزرى اوعى يكون ياسين اللى اتقدملك
أستوووووب
يرب البارت يعجبكوو اعملو كومنت برأيكوو⁦♥️⁩
#مبتدئة⁦♥️⁩