سلوى: يعنى اخرتى عمر كان هنا من بدرى
أسيل ابتسمت: كنت مع ياسين
سلوى: لأ ومراجعة مبسوطة .. اللى يشوفك مبقولش انك لسة فاسخة خطوبتك
أسيل: ههههه ي ماما انا معملتش خطوبة اصلا
سلوى: وعملتى ايه
أسيل: عادى اتكلمت معاه وهو أتقبل الفكرة جدا
سلوى: دنا لما شوفته مفاتحنيش ف الموضوع حتى قولت انك غيرتى رأيك وعقلتى
أسيا: طب ايه رأيك بقا انى كنت هقولك ع حاجة وغيرت رأيي
سلوى: شكلك راجع من برا فيه حاجة .. الابتسامة دى مش من فراغ فيه ايه
أسيل: هو انا هقولك عشان مش بعرف اخبى عليكى حاجة
سلوى: قولى ربنا يستر
أسيل: اي يماما هو انا بقولك عاملة مصيبة
سلوى: بعيد ي شر قولى
أسيل: اممم .. انا وياسين طلعنا بنحب بعض
سلوى: نعم
أسيل: لأ عاملينى كصحاب متقفشيش كدا
سلوى: ايوة يعنى ايه طلعتو بتحبو بعض مش فاهمة صحيتو من النوم فجأة قررتو انكو بتحبو بعض
أسيل: لأ مش كدا يعنى احنا حسينا مؤخرا أن احنا مش صحاب بس
سلوى: أما انتو ايه
أسيل: يماما
سلوى: متقوليش ي ماما .. يعنى انتى سيبتى عمر عشان اخوه
أسيل: لأ ي ماما طبعا ياسين قالى بعد مانا قولتله أن انا وعمر انفصلنا
سلوى: ماشى ي ياسين أما اشوفك حاضر
أسيل: ماما بليز متدايقيش ياسين .. اصلا هو مسافر بعد 3 أيام ومش هشوفه تانى
سلوى: مسافر فين
أسيل: هيكمل جامعة برا
سلوى: ياسين هيسافر يكمل دراسة برا ونجوى راضية بكدا
أسيل: هو مش قراره دا قرار عمو عز .. كلهم اتكلمو معاه بس مش راضى يغير قراره دا حتى سحب ورقه من غير ما يقوله حتى
سلوى: يكبدى ي ياسين زعلت عليه .. الواد دا بعتبره ابنى كان عامل حس للبيت لما كان بينط هنا كل شوية
أسيل: ماما انا زعلانة أنه هيسيبنى
سلوى: مع انى عايزة اقطم رقابتك انتى وهو بس ميهونش عليا
أسيل: حبيبتى ي ماما
....................................
تانى يوم
أدم: لأ النهاردة خراب لازم نخربها
أسيل: طب نعمل ايه
ياسين: ايه رأيكو نروح اسكندرية دلوقت
أدم: جامد
أسيا: أنت بتهزر صح
أسيل: تمام روح قول لماما أن احنا رايحين اسكندرية وشوف هى هتقولك ايه
ياسين: مش احنا اتفقنا هنقضى اليوم مع بعض .. سهلة نروح دلوقت ونيجى بالليل
أسيل: عشان انت هتسافر بس عشان كدا هجاريك
ياسين: ولو مش مسافر بردو هتجارينى عادى
أسيل: رخم
أدم: تمام اوي يالا بينا
اسيا: طب...
أدم: مفيش طب انا معاكى
أسيل: طالبة معايا أكل أكلة سمك ع البحر انما ايه لوز
ياسين: المفروض الطلعة دى طلعة أسيا ولا اي ي أسيا مقولتيش جعانة يعنى
أسيل: اصل انا صحيتها من النوم
أسيا: انتى مش صحتينى انتى رعبتينى بس اشطا جعانة
أدم: بتفكرها ليه ي ياسين
أسيا لياسين: صاحبك بيبعنى ع فكرة
ياسين: هههه هو مش دا خطيبك دلوقتى بقا صاحبى
أدم: قولها يعم
قعدو يحكو ويهزرو لحد ما وصلو
أدم: السمك دا جامد
أسيل: اختيارى لازم يبقى جامد
ياسين: انتى بتلزقى ف اى حاجة انا اللى منفى المكان
....: ياسين
ياسين: ريم
ريم: استغربت لما شوفتك عمر قالى أنه سافر عشان يقعد معاك بما انك هتسافر وكدا
ياسين: اه فعلا هو جه امبارح .. انتى بتعملى اي هنا
ريم: كنت جاية اقابل واحدة صاحبتى ف وقت البريك
أسيل: هاى انا أسيل
ريم: أسيل اكيد عارفاكى عمر حكالى عنك .. انتى صاحبة ياسين أوى صح
ياسين مسك ايد أسيل: اها فعلا بس احنا اكتر من صحاب
ريم: بجد فرحتلكو أوي ... مبسوطة انى شوفتك ي ياسين سلملى ع عمر
ياسين: حاضر .. ريم مش عايز حد يعرف أننا ف اسكندرية انا جاى سرقة اصلا عشان قبل السفر وكدا
ريم: اه طبعا مفيش مشكلة انجوى بقاا .. سلام ي أسيل مبسوطة انى اتعرفت عليكى
أسيل: انا اكتر
ريم: باى ي شباب
أدم: مين الطلقة دى
اسيا: مش هلومك عشان هى طلقة فعلا بس هو فيه ايه
أسيل: مين دى ي ياسين أنا مشوفتهاش قبل كدا
ياسين: دى السكرتيرة الجديدة بتاعت عمر مش جديدة اوي يعنى بس اديلها حبة حلوين
أسيل: بس هى ازاى متعرفش أن انا وعمر كنا مخطوبين أو كنا هنتخطب
أدم: ياسين هو أنت وأسيل
ياسين ابتسم: ااه
اسيا: لأ دقيقة هو فيه ايه
أسيل: انا وعمر انفصلنا و
أدم: أسيل و ياسين بيحبو بعض
أسيا: بجد.. بس تصدق لايقين ع بعض
أدم: بس دا حصل امتى .. طلعت مش سهل ي ياسين أنت بردو
ياسين: لأ متنبرش فيها انا مصدقت
أسيا: بس البت دى شكلها عينيها من عمر اوي
أسيل: لأ وشكل عمر كمان عينه منها .. ونا اقول كان عادى ونا بقوله وكنت مستغربة
ياسين: دنا لما اروح هزنقه هخلى وشه يحمر
أسيل: قصدك هنزنقه انا مش هفوت اللحظة دى ابدا
اسيا: لأ بس مقولتوش دا حصل امتى مش كنتو صحاب وأخوات ومتربيين مع بعض ها
أسيل: ههههه خلاص ي أسيا نهارك ابيض
أسيا: وانت يعم الحدق جاى تقولها قبل سفرك بيومين ولا دا من فترة وانتو مقرطسينا
ياسين: لأ يستى ولا مقرطسينكو ولا حاجة انا قايل لأسئلة امبارح ملحقناش نتهنى حتى
أدم: وعمر عارف
أسيل: عايزة اقولك أن عمر هو اللى شجعنى .. هى حاجة غريبة صح بس دلوقت عرفت ليه خلاص
أسيا: بتحبها ي ياسين
ياسين: اكتر من نفسى
أسيل: يروحيي انا كمان بحبك اويي
أسيا: أدم ما تقولى كلام حلو كدا
أدم: انتى عارفة من غير ما اقول انك اكتر هدية ربنا بعتهالى عشان يعوضنى
أسيا: يحبيبى أنت ربنا يخليك ليا
أسيل: جدعان احنا هنا ممشناش
ياسين: ههه قوليلهم أن انا هسافر بعد بكرة معنديش وقت
أدم: اه صح مليكة قررت ترجع مصر السنة جاية وهتاخد الكلية هنا
أسيل: بجد اخيرا قررت ترجع اكيد طبعا فرحان
أدم: طبعا اخيرا هحس أنى عندى اخت
ياسين: يعنى يوم ما ترجع اكون مسافر
أسيا: هتحل مكانك ف الشلة ي ابو الصحاب لحد ما ترجع
أسيل: لأ طبعا مكان ياسين عمر ماحد يقدر يوصله
ياسين: ي جامد
أدم: طب ايه مش هنلف شوية
ياسين: ع الشط عدل
راحو الشط وشمرو البنطلون وقعدو يروشو بعض بالماية ويلعبو وبعدين راحو الملاهى لعبو وهزرو وقعدو يلفو بالعربية لحد مالليل جه وروحو
تانى يوم قضوه مع العيلة كلهم مع بعض وعملوا حفلة باربكيو صغيرة ف الجنينة وبالليل شغلو فيلم
عمر: ع فكرة أنا هبدأ اغير انا متعمليش كدا لما سافرت
نجوى: يحبيبى اقعد هنا ع طول ونا هعملك اللى أنت عاوزه
عمر: طب والشغل دا ينوجا اوديه فين
أسيل: متصدقهوش يطنط دا بيتحجج بالشغل فيه حاجات ف اسكندرية لازم ياخد باله منها ولا اي يعمر
عمر: حاجات ايه
ياسين: حاجات ي عمر ممكن يببقو ناس الموظفين بتوعك مثلا لازم تطمن عليهم
نجوى: هو فيه ايه انتو بتتكلمو بالالغاز ليه
أسيل: متقلقيش ي نوجا دى حاجة بينا كداا
نجوى: طب خليكو انتو احكو ف الحاجات ونا اسيبكو انا وسلوى وندخل جوا
سلوى: احسن حاجة عملتيها
عمر: هو فيه ايه انتو الاتنين مش مرتاحلكو
ياسين: اصل انا قابلت ريم امبارح
عمر: ريم .. قابلتها ازاى
أسيل: اصل احنا روحنا اسكندرية سرقة امبارح
عمر: طب ونا مالى قابلتها امبارح
ياسين: أصلها قالتلى أسلم عليك
أسيل: وبالصدفة مكنتش تعرف ان انا وأنت كنا هنتخطب وان انا صاحبة ياسين اويي
ياسين: وبالصدفة كمان كانت عارفة انك راجع القاهرة عشان انا مسافر
عمر: هو انا حاسس انى متهم وبيتحقق معايا ليه
أسيل: اعترف بس وقول
عمر: اقول ايه دى السكرتيرة بتاعتى يعنى طبيعى انها تكون عارفة حاجات عنى
ياسين: طب هتكدب ع أسيل ماشى تكدب ع اخوك فاكس أنت اصلا مش متظبط من ساعت ما رجعت
عمر: يبنى انا من ساعت ما رجعت مشوفتكش غير النهاردة
ياسين: والتليفونات اللى بالليل بالساعات
عمر: شغل
ياسين: شغل بردو الساعة 2 بالليل
أسيل: قول بس دنا افرحلك
ياسين: ونا ستر وغطا عليك
عمر: امشى يالا أنت والبت دى من هنا
أسيل: انا بت ماشى يسطا هعديهالك عشان بتحب جديد
ياسين: قفشناك حبك بأن
عمر: غور يالا
.....................................
يوم السفر
أدم: تصدق يالا طلعت هتوحشنى
ياسين: ياااا طلع عندك قلب اهو
أسيا: تروح وترجع بالسلامة ي ياسين هتوحشنا جدا
ياسين: وانتو كمان هتوحشونى خلى بالك من البغل دا
عمر: عايزك تنطلق كدا زى اخوك هناك ها .. متقلقش هتتعود
ياسين: اكتر حد مش هيوحشنى ف العالم
عمر: بتقول كدا وأول ما هتحتاس هترن عليا
ياسين: ههههه حصل
نجوى: تطمنى عليك أول ما توصل متقلقنيش عليك
ياسين باس أيدها: حاضر ي ماما
نجوى: ولو احتجت حاجة قولنا ومتقلقش من حاجة
ياسين: ماشى حاضر مش هقلق
سلوى: مع انى عايزة ارنك علقة بس هتوحشنى غلاستك كنت عامل حس للبيت
ياسين: يستى هرجع واصدعك بس انتى متطردنيش من البيت
سلوى: تروح وترجع بالسلامة يحبيبى
ياسين: طب انتى بتعيطى ليه دلوقت مش اتفقنا منعيطش
أسيل: عشان أنت هتسافر ونا هبقى لوحدى
ياسين: مين قال إن انتى هتبقى لوحدك هما كلهم حواليكى ..وبعدين مش اتفقنا انك لما تحسى انك لوحدك تبصى ع ايدك وتفتكرينى
أسيل: انا مش هخلعها من ايدى ابدا
ياسين: ماشى .. وبعدين انا هكلمك كل يوم يعنى هتزهقى منى هتقوليلى ي ياسين اقفل كفاية صدعت من الكلام
أسيل: هههههههه يعم صدعنى أنت وملكش دعوة
ياسين: ايوة كدا افردى وشك .. بحبك
أسيل: أنا كمان بحبكك .. خلى بالك من نفسك ماشى
ياسين ابتسم: ماشى
عمر: يالا يعم عندك طيارة كفاية نحو
ياسين: بلاش أنت .. دانت حظك معايا انى مسافر بس هتروح منى فين
عمر: هههه مش هروح ف حتة انت اللى رايح
ياسين: ماشى يعم .. يالا سلام يجماعة .. أسيل خلى بالك من نفسك
أسيل: حاضر
الدراسة بدأت واتفقوا أنها تكلمه قبل ما تنام وف نفس الوقت يكون هو بيبدأ يومه عشان ينزل الجامعة .. الحياة عند ياسين اتلعبكت ف الأول وبعدين اتعود والدنيا بقت ماشية معاه واتعرف ع صحاب وحس أنها مكنتش بالسوء اللى كان متوقعه ... أسيل مكنتش حاسة بتغيير ف الأول بس بدأ ياسين يوحشها وكان نفسها يبقى جنبها ع الاقل أول سنة من وفاة باباها عشان متحسش بالوحدة بس ف نفس الوقت أسيا بتبقى جنبها وتحاول تشغلها هى وآدم .. عدت سنة وحددوا التخصص معمارى ومليكة نزلت مصر وبقت معاهم ف الشلة ولما كانو بيخرجو كلهم كانو بيكلمو ياسين فيديو كول عشان يحس أن معاهم واستمر الحال ع نفس المنوال 5 سنين
ف حفلة التخرج
.. يتبع للجزء الأخير♥️
...............................
أعمل كومنت برأيكوو يرب البارت يعجبكو♥️
#مبتدئة♥️
أنت تقرأ
توأم الروح
Teen Fictionابتدت الحكاية من قبل ما يتولدو .. مامت أسيل وماما ياسين كانو صحاب جدا وجيران ف نفس الوقت .. مامت ياسين كانت ف الشهرر التاسع وماما أسيل كانت ف السابع واللى مكنش متوقع انهم يتولدو ف نفس اليوم :>
