توأم الروح

part 7

اتجمعو بالليل ع البحر وعملو دايرة وعمر جالهم وسلم عليهم وولعو نار ف النص
أسيا: بما أن القعدة احلوت كدا لازم نلعب
أسيل: ياسين فاكر اللعبة اللى كنا بنلعبها زمان دى ف برطمان الصلصة
ياسين: ههههههههه فاكرة امك عملت فينا ايه لما كسرناه
أسيل: بس متفكرنيش دنا اليوم دا خدت علقة موت
عمر: انا فاكر اللعبة دى
آدم: طب ما تقولولنا اللعبة دى
أسيل: بص يا سيدى كنا بنجيب ورق وكل واحد كان بيكتب عليها سؤال نفسه يعرفه
عن التانى وحكم كدا صعب لو مجاوبتش ع السؤال يبقى تنفذ الحكم وبعدها بنطبقهم
ونحطهم ف البرطمان ونسحب
أسيا: طب منتى كدا ممكن تسحبى الورقة اللى كتبتيها
ياسين:هههههه كانت بتحصل مع أسيل كتيير أوى .. بس بالله عليكى ي أسيل مش
عايزين غباوة ف الاحكام احنا معانا ناس
آدم: خلاص حلو أوى اروح اجيب ورق واقلام واى حاجة احط فيها الورق
ياسين: هتلاقى ف شنطتى ي آدم ما كان ما برسم
كتبو الورق وحطوه ف برطمان وكل واحد غمض عينه وسحب ورقة
أسيل: خلو الورق معاكو وواحد واحد يفتحها عشان منتلغبطش يالا يا أدم ابدأ
آدم: أكتر حاجة عملتها غلط ف حياتك أو50 ضغط متواصل
آدم: لأ هجاوب ارحم.. لا هو قعدت فترة كدا كنت بكلم بنات كتير واتسلي يعنى
آسيا: أنت كنت بتاع بنات!!
آدم: زمان يا آسيا زمان دلوقت ربنا هدانى
أسيل: دورك يااسيا افتحى
آسيا:حبيت كام مرة أو غنى
أسيا: محبتش الحب العميق دا .. حبيت حب العيال الصغيرين بتاع ابتدائى د بس
آدم غمزلها: هيبقى فيه قريب ان شاء الله
أسيل: دورى .. عمرك اتمنيت الموت مرة كانت ليه أو تعزمينا ع حاجة
أسيل: هعزمكو ع أيس كريم من الراجل اللى هناك دا استنو متلعبوش من غيرى
.. انا جيت يالا خدو افتح ي ياسين
ياسين:أعترف بحاجة مخبيها أو انزل الماية دلوقت .. أنتو صحاب مش جدعة ع
فكرة أسيل أنتى اللى كتبتى دا انا عارف خطك
أسيل: ههههههههه ايوة وكان نفسى تيجى فيك الصراحة
ياسين: طب مش معترفلك بحاجة ..خليكوشاهدين  لو جالى ألتهاب رئوى هيبقى
بسببها .. خلع التيشيرت واداهولها وراح نزل الماية وجه
آدم: كنت أعترفت أسهل يجدع
ياسين: اخرس أنت يالا ي عمر دورك
عمر: مين أول حب أو اكسر تليفونك
عمر: ليه أكسر تليفونى أول حب كانت أسيل
أسيل: انا!!
عمر: ااه كنت بكراش عليكى ونتى صغيرة
أسيل: بتهزر
ياسين: كنا عيال ي أسيل
ادم: متيجو نجيب أكل نتسلى
أسيل: اماا الايس كريم اللى ف بؤك دا ايه
ياسين: أسيل الايس كريم مش أكل
عمر: طب انا هروح عشان متعود ع 7 ص والشغل بقاا
آدم: طب بات معانا وابقى روح ع الشغل ع طول
أسيل: فكرة
عمر: مينفعش اروح بلبسى دا لازم بدلة عشان الاجتماعات
ياسين: ايوة بقاا
آسيا: عبالنا يرب
آدم: هتلبسى بدلة ازاى
عمر: ياعم سيبها دنتو فاكرين الشغل دا دلع .. اتخرجو بس ومتعولوش هم الشغل
يالا سلام بقاا
                     ........................................
آسيا: صباح الخير عملتلكو فطار
آدم ابتسم: فطار مرة واحدة دا كتير علينا والله اومال فين أسيل مصحيتش ولا اي
آسيا: لأ صحيتها تلاقيها جاية دلوقت
أسيل: صباح الخير .. أومال فين ياسين
آدم: ياسين حاولت أصحيه مرضيش يصحى
أسيل بأبتسامة شر: سيبه عليا انا هصحيهولك
آدم: براحة عليه دا كان قاعد يكح الليل كله
أسيل: أيدا هو خد برد لما نزل الماية بالليل ولا ايه
آدم: يست دا خد دش وولع التكييف ونام
أسيل: لا دا حسابه معايا دا  .. يا ياسيين اصحى وحد يعمل كدا .. ياسين .. ياسين
ياسين وهومش قادر يتكلم : يا أسيل أنتى بتضربى افطرو انتو مش قادر اقوم
وغطينى ببطانية تانية قبل ما تطلعى
أسيل: ايدا أنت تعبان بجد .. ياسين أنت سخن اويي أنت مش حاسس
ياسين وهو بيكح : انا كويس شوية كدا وهقوم
أسيل: حد يعمل كدا ويولع التكييف وشعره مبلول مش كفاية نزلت الماية بالليل
ياسين: أسييييل
أسيل: طب خلاص بس أعملك ايه أستنى هعملك كمادات عشان السخونة دى تروح
أسيل خرجت وكلمت مامتها
أسيل: ايوة يماما ياسين تعبان ونا مش عارفة اعمله ايه
سلوى: ياسين تعبان ماله
أسيل: احنا صحينا لقيناه سخن وبيكح
سلوى: طب اعمليلو كمادات وخليه ياخد دش ساقع واعمليله شوربه أو أكل خفيف
وجيبيله علاج من أى صيدلية
أسيل: اعمله شوربة منين يماما هنا
سلوى:انتى خايبة يبت دى شوربة .. أدهولى يا أسيل أكلمه
أسيل: مش هيقدر يتكلم دلوقت لما يفوق شوية هخليه يكلمك
سلوى: طيب اعملي زى ما قولتلك كدا وهو هيبقى كويس
أسيل: آسيا تعرفى تعملى شوربة خضار
آدم: ههههههههههه
أسيل: أنت بتضحك ي آدم .. خد أنزل هات البرشام دا من اى صيدلية ونا هعمله
كمادات ونتى ي أسيا اعملى الشوربة ولا أقولك قوليلى اعمل ايه ونا اعملها
آسيا: طب هجهزلك الحاجات ونتى اعملى
أسيل: ماشي عبال ما اعمل كمادات لياسين
أسيل: ياسين فوق شوية هعملك كمادات وبعدها تقوم تاخد دش
ياسين: مش قادر أقوم
أسيل: طب أكلم عمر يجيب دكتور
ياسين: لأ لأ متكلميش حد انا شوية وهبقى كويس
أسيل: طب خلاص مش هكلم حد بس تسمع كلامى
ياسين: ماشى
بدأت تعمله كمادات وهو شوية يهلوس وشوية نايم جت تقوم من جنبه مسك ايدها
ياسين بنصف وعى: متمشيش
أسيل ابتسمت: جاية تانى متقلقش
آدم: اي يسطا انت هتعملنا فيها عيان ولا ايه
أسيل: خليك معاه ي آدم عبال ما اجى
بدأت تعمل الشوربة واسيا ساعدتها ورنت ع مامتها تانى عشان تعرف الحاجات
تحطها واللى متحطهاش
أسيل: انا جييت
ياسين: ايه اللى مسكاه ف ايدك دا
أسيل: دانت فوقت شوية اهو
آدم: البركة فيا
ياسين: أنتى سيبالى آدم دا صدعنى
أسيل: عملتلك شوربة خضار بأيدى
آدم: يسطا أنت مروحتش المستشفى وانت تعبان هتروحو من اكل أسيل
أسيل: تصدق ياادم انا هكب الشوربة عليك دلوقت هوديك المستشفى
آدم: ع ايه الطيب أحسن
ياسين: أسيل انا مبحبش الشوربة أنتى عارفة
أسيل: أنت قولت انك هتسمع كلامى ولو مسمعتش كلامى هرن ع نجوى
ياسين: لأ نجوى ممكن تيجى دلوقت لو قولتلها .. طب هاتى
أسيل: هتعرف تشربها لوحدك
ياسين: د ايه الاهتمام دا كله دنا اعيا كل يوم بقاا
أسيل: دانت لما تصحى بس وتفوق هبهدلك
ياسين: طب ياستى شكرا كفاية
                  .............................................
عند عمر ف الشركة
عمر: أيوة يا ماما
نجوى: ايوة يحبيبى عامل ايه ياسين جالك
عمر: كنت عنده امبارح وقعدت معاه شوية هو وصحابه واتسلينا
نجوى: شوفت أسيل؟
عمر: مالها أسيل
نجوى: اي رأيك فيها
عمر: انتى هتعرفينى ع أسيل يماما
نجوى: يواد انا عارفة انه عينك منها
عمر: يماما السكة دىى اخرتها جواز انا عارفك
نجوى: يعمر مانت كبرت وعايزة افرح بيك
عمر: قصدك عايزة تخلينى انزل القاهرة اقعد جنبك
نجوى: ومالو وبعدين هى أسيل جدعة ومتربية معاكو
عمر: ايوة يماما بس أسيل صغيرة لسة بقيلها الكلية
نجوى: هو انا قولتلك اتجوزها ع طول شوية كدا واخطبها وبعد سنتين تلاتة
ابقى اتجوزو
عمر:ربنا يسهل يماما
نجوى: يعنى موافق
عمر: لسة هشوف وبعدين انتى واثقة اوى انى أسيل هتوافق ما ممكن ترفض
نجوى: لا ملكش دعوة بأسيل انا هخلى ياسين يقنعها
                         ............................................
عدت الايام وياسين اتحسن وبدأو يخرجو تانى وعمر كان بيوديهم اماكن حلوة وبدأ
يتكلم مع أسيل ويقرب منها وهى كانت بتعاملو بعفوية وتهزر بطبيعتها ودايما
كان بيسأل نفسه هتوافق ولا لأ .. وآدم كل يوم بيتأكد أن بيحب أسيا.. ياسين بدأ
يغير ع اسيا من عمر وهو مش عارف الاحساس دا حب ولا عشان هما صحاب
أوى .. آسيا مستنية آدم انه يعترفلها انه بيحبها عشان كل كلامه وأفعاله بتقول كدا
وف نفس الوقت بتتجاهل يوسف اللى بيبعتلها مسدجات ومستنية ترجع من السفر
عشان تقوله انها مش هينفع تحبه بس هى مش عارفة هتقدر تعمل دا وتجرحه ولا
لأ.. عدت الايام وجه يوم النتيجة والكل اتجمع وع أعصابه
ياسين: يابنى اصبر بقاا لسة مظهرتش
آدم: طب شوف تانى ممكن يبقى النت معلق
أسيل: أيوة شوف تانى دا بيقولو فيه ناس جابتها
ياسين: مين اللى بيقولو انتو بتجيبو الكلام منين
آسيا: اناخايفة انا لو مجبتش مجموع هندسة مش عارفة هعمل ايه
أسيل: هو احنا ممكن منجبش مجموع طب هندخل ايه
أدم: انا حاسس انى مش داخل معاكو
ياسين بنفاذ صبر:  بس بس كفااااااية توترر
أسيل: ي ياسين ما كلنا متوترين
سلوى: ها يولاد النتيجة ظهرت ولا لسة
أسيل: لسة يماما اهو بنشوف
نجوى: ربنا معاكو يحبايبى
آدم: شوف تانى كدا ي ياسين
ياسين: ياسين هيولع ف نفسه آدينى بتنيل أهو
أسيل: ظهرت اهو ظهرت
ياسين: براااحة اهدى .. انا جايب الدرجات دى ازاى
أسيل: استنى احسبهالك.. ياسين انت جبت 95.6 مبرووووك
ياسين بابتسامة واسعة: نا جبت كدا بجد
نجوى: لولولولولوليييي  وشوفتك مهندس ي ياسين
ياسين: انتى خليتينى مهندس قوام لسة التنسيق
آدم: أيوة بقاا يصاحبى يا جامد .. شوفلى بتاعتى بقاا
آسيا:لا انا الاول انا الاول
ياسين: حد يدينى رقم جلوسه
أسيل: معلش عشان الغلبانة اللى قاعدة جنب امك دى ما تفضحنى
ياسين: هههه هاتى الرقم هاتى
آسيا: ع فكرة كدا مش فير
أسيل: معلش ي آسيا امسحيها فياا
ياسين: أسيل نتيجتك أهو أحسبيها
أسيل: يرب يرب .. عااااااااااااا ا96% يماااااامااااا
سلوى: لولولولولولولوييييي المهندسة التاانية
آسيا: ي ياسين دمى نشف هيغمى عليا انجزز
ياسين: يبنتى استنى بكتب الرقم اهو يالا احسبى
آسياا بصريخ: اوو مااى جااد 96.2%
أسيل وهى بتحضنها: هييييييييي
ياسين:آدم نتيجتك
آدم: احسبيلى ي أسيل ولو مجموع وحش متقوليش
أسيل: آدم انا مش عارفة اقولك ايه انا أسفة
آدم: مش هحصل هندسة صح انا كنت حاسس
أسيل بصريخ: 95% يا دومااااااااااااا
سلوى ونجوى: لولولولولولولووليييي ألف مبرووك يولاد
آدم لأسيل: ياشيخة منك لله
أسيل: الله يبارك فيكى يماما
ياسين: احنا عدينا بدعاوتكو ربنا يباركلنا فيكو
أسيل: احنا لازم نحتفل
ياسين: استنى استنى اقرى كدا
أسيل: ايدا دا فيه حفلة تخرج ف المدرسة
آدم: لحقو عملوها امتى دى
آسيا: ماما بتتصل هكلمها واجيلكو
أسيل: ماشى
ياسين: طب ايه هنروح
آدم: دايسين وش
سلوى: هتروحو فين
أسيل: دى حفلة يماما عاملينها ف المدرسة
سلوى: طب كويس انهم افتكروكو
أسيا: ها ناويين ع اي
آدم: هنروح الحفلة بالليل
آسيا: طب انا هروح بقا عشان اطمن ماما وألحق أجهز
آدم: ونا ككمان همشى أشوفكو بالليل
ياسين: أشطا يسحب
أسيل بضحك: شوفتى ينوجا جبت أكتر من سى ياسين
ياسين: دا هما كلهم0.4 يقادرة
نجوى: ربنا يفرحكو يرب يالا يا أسيل بقا عايزين نفرح بيكى
أسيل: تفرحى بيا ليه ي طنط يرضيكى أسيب لولو لوحدها
ياسين يغمز لامه: مش عايزة تفرحى بيا انا كمان
نجوى: لأ انا هفرح بيك لما تبقى مدير ف الشركة وتديرها انت وعمر
سلوى: لأ ياسين انا اللى هنقيلو عروسته
ياسين: يا فهمانى ي لولو
أسيل: اوعى ي ياسين تسيبنى وتتجوز الأول
ياسين وهو بيغمزلها:هنتجوز ف يوم واحد ان شاء الله
سلوى: يالا تعالو كلو الاكل هيبرد
                   ...............................................
بالليل
ياسين: انا همشى جنب القمر دا ما تشوفى يسلوى بنتك اللى قاعدة تحلو دى
سلوى: بنتى حلوة طول عمرها
أسيل: ع فكرة بتكسف وبعدين هو انا أطول يعنى أمشى جنبك وأنت كدا
ياسين: انتى أسيل ولا أسيل مجتش ولا ايه يا أسيييييل
أسيل: يابنى بس هتفضحنا يالا نمشى
ياسين: عشان خاطر عيونك بس
                      ......................................
آدم: يالا  ي آسيا اديلى ساعة واقف تحت
آسيا: حاضر انا طالعة اهو عند الباب
آدم : مش معقول آسيا لابسة فستان اخيرا شفتك أنثى
آسيا: نعم !! أنت كنت شايفنى دكر يعنى!!
آدم: أنا قولت كدا؟  يعنى القمر دا كله هيبقى دكر ازاى بس
آسيا: أيوة كدا أتعدل
                  .............................................
ف الحفلة
آدم: انا كنت فاكر الحفلة دى هتطلع أى كلام
ياسين: لأ بس طلعت جامدة يالا
أسيل لأسيا: بت الواد يوسف قاعد يبصلك هناك أنتى مش كلمتيه
آسيا: هاا لأ
أسيل: نعاااااام
آدم: ايه ف ايه
أسيل: لا دى آسيا عايزة تمشى دلوقت فبزعقلها
آدم: تمشى ايه داحنا لسة جايين
ياسين: طب خليكو هنا هنروح نسلم ع اصحابنا وجايين
أسيل: احنا كمان لينا صحاب ع فكرة
ياسين: متتحركوش
أسيل: طيب
أسيل: أسيا أسيا أسيا أسيا
أسيا: ايه ايه ايهه
أسيل: بصى هناك
أسيا: ينهار أسود دا جاى
أسيل:  اعملى نفسك مش شايفاه اعملى نفسك مش شايفاه
يوسف: مساء الخير
                ...............................................................
أستووووووب
بارت كبير أهو يجماعة وخدماكو أى خدمة😹
ظبطونى بقاا كومنتات وقولو رأيكو .. ولو ليكو صحاب بتحب القصص والروايات أعملولهم منشن أنجووى♥️
#مبتدئة♥️