في قسم الشرطه
وخصيصا في مكتب ريان وجوان
ريان بهدوء:عامل ايه في جريمه القتل
جوان بغضب:بت عنيده وغريبه مش راضيه تتكلم وانا يئست من القضيه
ريان بهدوء:ادهاني لو مش عايز تكمل فيها
جوان بهدوء:كنت بحضر الورق القانوني بكده
وأعطي جوان ورقه لريان ليوقع عليها
جوان:كده انت الي مستلم القضيه انا هروح اخلي للواء يوقع عليه
ريان بهدوء:تمام جدا وانا هكلم فرج يجبلي البت علي غرفه الاستجواب
وبالفعل ذهب كلا منهم لوجهته
في المستشفي
كان جواد يجلس في مكتبه يستريح بعد المرور علي المرضي ليغفو قليلا لحلم بان جده ابو والدته قد جاء له
الجد ابو ندي بحزن:انتم ظلمتو بنتي وانا مش هسامحكم أبداً
جواد بقلق:ظلمناها
الجد بغضب:آه ظلمتوها انا مش مسامحكم انتو السبب في الي بنتي فيه انتو السبب انا مدي بنتي لابوك وانا مطمن يقوم عامل فيها كده
وقام الجد بالاختفاء اما عند جواد فستيقظ وهو ينهج بسرعه ليشرب المياه التي أمامه ويتذكر كلام جده ليقوم بالاتصال علي ريان ولكن هاتفه مغلق......
اما في غرفه الاستجواب
ريان بهدوء:مش ناويه تعترفي المفروض اربع أيام علي زمه التحقيق وانتي بقالك اسبوع
المجهولة ببكاء:معملتش حاجه والله العظيم مقتلتهاش هقتل اختي ازاي
ريان بهدوء:خلاص انا مصدقك بس احنا لازم نجيب حق اختك من الي عمل كده
المجهولة ببكاء:لو اعترفت يبقي بفضح اختي وهي ميته
ريان بنرفزه خفيفه:ولو معترفتيش يبقي انتي هتاخدي حكم الإعدام واللي عمل كده يا عالم عايش حياته وقتل آد ايه انا عايز أساعدك يا روان صدقيني انتي كمان
روان ببكاء:اختي كانت بتحب جارنا...وجارنا ده كان وحش وعايز فلوس اختي فاتجوزها عرفي...هي مكنتش مرتاحة خالص بس بتحبه...كانت بتحكيلي شويه وتكتب في مذكراتها شويه...وقبل ما تتقتل قالتلي علي مكان المذكرات وقالتلي لو حصلي حاجه هتعرفي مين الي عمل كده...وفعلا ياسر جارنه ده قال حاجه لرانيا خلاها تتخانق معايا يوميها الصبح وعشان كده انا متخرشمه في وشي...ولما رجعت من كليتي لقيتها ميته جريت عليها ومسكت السكينه ودي كانت غلطتي جريت بسرعه علي المذكرات وللأسف المذكرات عليها حزام بلاستيك كنت متوترة وبعيط وخايفه ومسكت نفس السكينه وهنا البوليس طب علي الشقه وجيت هنا وظابط تاني حقق معايا في الاول
ريان:معاكي المذكرات دي لوقتي
أومأت روان بنعم
ريان:يبقي تجيبيهالي وتيجي علي مكتبي وهيبقي معاكي فرج
نادي ريان فرج وقال له بانها ستحضر شي مهم ويوصلها لمكتبه
اما ريان فذهب لمكتبه متذكرا كلمه اخته
زمزم:الشد والحزم بيجيبوا مفعول في بعض الأوقات وبرضو المسايسه والهدوء بيجيبوا مفعول برضو متتعاملش مع كل الناس بنفس الطريقة.
ريان بمشاكسه :مفيش غير بنت انبارح هي الي تديني نصائح
ليدخل جوان للمكتب مصدوم
جوان بصدمه :ايه ده ياعم ده انت من اول جلسه استجواب وقالت علي كل حاجه وانا حفيان اسبوع ومعترفتش
ريان:والله يبني البت زمزم دي عليها حكم
جوان بهيام:زمزم هيييح
ريان بغضب :أتلم اخوها واقف قدامك
جوان بضحك:ههههه خلاص بتقول ايه بقي زمزم هانم
ريان بابتسامه:بنقول يا سيدي انو الشد والحزم بيجيبو مفعول وبرضو المسايسه والهدوء بيجيبو مفعول برضو وان المفروض نتعامل مع الناس بطرق مختلفه
جوان بصدمه:متقولش انو زمزم الي قالتها
ريان:كنت مصدوم زيك كده في الاول
جوان:ما ممكن تكون قراتها في كتاب
ريان بنرفزه:بذمتك زمزم بتحب القراءه
جوان:لا
ريان بنرفزه:يا شيخ اتنيل مش عارف انت دخلت كليه شرطه ازاي
جوان بضحكه:هههههههه بما انك عملت الإنجاز العظيم ده ما تعزمني يا اخي علي الغدي
ريان بحاجب مرفوع:مش المفروض العكس
جوان بابتسامه:تؤ تؤ تؤ هي كده
ريان بابتسامه:يلا يا عم اعزمك معزمكش ليه حتي اخد فيك ثواب
جوان بضحك:شوفت انا قلبي عليك ازاي يلا
وذهبو لتناول الطعام
في كليه تربيه
كانت جنه تجلس برفقه أصدقائها ليجدو اقتراب شاب منهم وبجانبه فتاه ترتدي ملابس غير مناسبة بالكلية وذلك الشاب محتضن الفتاه من خصرها لتنظر جنه لأصدقائها
سلمي صديقه جنه:يا فتاح يا عليم يا رزاق يا كريم
كارما صديقتهم:ايه ده دول جاين علينا
جيسي صديقتهم:تعالو نقوم نمشي وكأننا مش شافينهم الموقف ده هيغيظ المسلوعه دي جدا
جنه بغضب : اثبتو خليكم قاعدين
الشاب يدعي كرم:هاي بنات
سلمي بكره:وعليكم الهاي جاين وعايزين ايه
الفتاه التي مع الفتي وتدعي سما:جاين نسلم علي جنه يا ام شعر اصفر
سلمي باستفزاز:علي الأقل طبيعي مش صناعي زي ناس
سما باستفزاز:بس شكلو بلدي اووي إنما الناس دي شعرها احسن من الطبيعي
جنه بهدوء:ما علينا مين شعره احلي عشان الكل عارف مين خلاص سلمتو عليا يلا منك ليها ورونا عرض كتافكم عشان هنرش ميه
سما باشمئزاز:بلدي اوووي يا جنه انت ازاي من عيله الالفي
جنه باستفزاز:قدره ربنا عايزني اتولد في العيله دي سلام بقي يا قطه آه ومتنسيش ابقي ظبطي الاكستنشن عشان هيقع يلا يا بنات
لتذهب جنه وأصدقائها من أمام هذا البارد وهذه الحمقاء وهم يبتسمون بنصر
سلمي بضحك:ههههههههه مش قادره هموت
جيسي مقلده فدوه:بعد الشر عليكي يا عمري
لتنفجر كلا من جنه وكارما ضاحكتين
كارما:بت يا جنه بجد مكنش متوقعه انك هتردي عليها بكده
جنه متصنعه الغرور:اقل حاجه عندي علفكره
سلمي:ايه يا باشا التواضع ده كلو
جيسي:هههههه هتروحو ولا نخرج شويه
جنه:انا لازم اروح لان جدو رافض الفتره دي اَي تاخير
سلمي:وانا كمان ماما تعبانه اووي انهارده
كارما:الف سلامه يا حبيبتي
جيسي:الف سلامه يا جميل يبقي مفيش خروج انهارده يلا سلام
ليودع الفتيات بعضهم وتذهب كل واحده تستقل وسيله مواصلات مختلفه منهم من يركب مكروباص ومنهم من يركب سيارته ومنهم من يمشي
ذهبت جنه وركبت السياره الخاصه بها
جنه بابتسامه:معلش يا عمو اتأخرت شويه يلا نروح نجيب زمزم زمانها غضبانه
إبراهيم بهدوء:حاضر يا هانم
جنه بعبوس:هتقولي يا هانم هقولك يا استاذ هاا
إبراهيم بضحكه:هههه حاضر يا بنتي
جنه بابتسامه:ايوا كده
وبالفعل ذهب عم إبراهيم واحضر زمزم واوصلها لمنزل أخويها جواد وريان وأوصل جنه للقصر
دخلت زمزم المنزل واشغلت النور وقامت بتغير ملابسها وأحضرت الغداء وقامت برسم لوحه تخيلتها وهي تجلس في قاعه المحاضرات قبل بدأ المحاضره وبعد الانتهاء منها تنظر لها بتقيم لتجدها جميله جدا لتضع الألوان بجانب اللوحه وتغسل يدها وتذهب للنوم قليلا
اما عند جنه وصلت القصر وقامت بالسلام علي جدها وجدتها وذهب لغرفتها لتغير ملابسها ونزلت للمطبخ للمساعدت أمها في تحضير الغداء فتلك العائله ترفض كثره الخدم في قصرها وتقوم بكل أعمالها المفروضة عليها
استوووووب.........الحلقه خلصت
ياتري سما وكرم ممكن يسكتو علي الي جنه عملته؟
ياتري ريان هيقدر يلاقي الي قتل رانيا؟
اتمني لكم قراءه ممتعه❤️
بقلم :مريم عماد
