فتحات عنيها كتحس براسها تقيل عليها وداتها كولها كضرها كلسات بصعوبة شافت فبيتها وضلام الحال تفكرات شنو وقع ليها ليوم بدات كتبكي حتى سمعات الباب تحل والضو تشعل عليها طلعاة وجها كان فؤاد غي شافتو وهي تزيد فالبكا جا عندها وعنقها عندو وتهيا زادت عنقاتو وبقات كتبكي(فؤاد 27 عام هوا ضعيف ولكن بعضلاتو وبجسمو الرياضي كيخدم فتوصيل دالسلعة ومتاقي الله غزال وحروفو كحلين شعرو كحل وهوا ماشي من النوع لي كيخلي شعر تويل لا هوا يكيحيدو كامل يكيخليه كامل عندو لحية ماشي من داك النوع لي لحيتو عامرا لا لحيتو طويلة شوي مي خفيفة تقريبا كاينة غافدقنو مكيسلمش على لعيلاة وكيف كيقول (لاتوجد نية كنييتي الرسول ومع ذالك قال لا أصافح النساء) هوا باغي مرا منقبة وتكون عارفة حدودها بينها وبين الله ملخر هوا متدين هوا حنين مع ختو وقلبو كبير ومن الصغر عزيزة عليه وبزاااف )
فؤاد : نيدرا شوفي فيا
ندرا كتحرك راسها بلا
فؤاد رفع ليها راسها: شوفي فيا مالك ياك انا خوك لحبيب إوا صافي سكتي ونتي مهدرتيش شي حاجة لي تحشمي عليها بصح غلطي مي متعاوديش وخا
ندرا كتنخصص : والله مكنت باغا نمشي هئهئهئ
فؤاد : اه عارف وشكون لي قال ليك تمشي
ندرا: كوتر
فؤاد: صافي أختي غي سكتي
بقات ساكتة وهي تحس بدوخة
فؤاد: ندرا مالك
ندرا: حاسة بالدوخة
حط يدو على رأسها لقاها طالعة ليها السخانة : نتي سخونة بزاف خاسك تمشي عند الطبيب
ندرا: لا لا بلاش دب نولي بخيير
فؤاد : الوالدة وا الولدة
حنان: نعام مالك
فؤاد كاين شي دوا دالسخانة جبيه نعطيه ليها راه طالعة ليها السخانة و جيبي نعقم ليها الجرحة
مشات حنان جابت ليه لي طلب وجابت ليها مناكل وفؤاد عطاها دوا وعقم ليها الجرحة أوكلها اخرج خلاها تنعس
🌅 صبح الصباح فاقت لقات لفطور حداها ناضت بشويا عليها داتها كاملا كتحرقها دخلات لدو غسلات وجها وهي تسمع مها كدق عليها فاباب دالحمام
ندرا : نعام
حنان: هاكي لبسي هادو
فتحات ليها ندرا الباب وهزات دوك لحوايج كانت كسوا طويلة فالزيتي ومعاها شالها فالباج مفهمات والو قضات حاجتها ولبسات دوك لحوايج وخرجات لقات حنان كتجمع ليها حوايجها فلباليزا
ندرا : ماما فين غاديين
حنان : نتي لي غاداة
ندرا تعمرو عنيها بالدموع : كفاش فين غنمشي؟
حنان : غتمشي عند عمامك فلعروبيا
ندرا شدات ليها فكتفها وكتبكي : هئ هئ لا لا عافك أماما عافك لا هئ هئ انا أصلا مكنعرف تواحد ملي كنت صغيرا مشفتهم هئ هئ
أحمد واقف فالباب : دب تمشي وتعرفيهم تماك غتبقاي سمعتي
ندرا : هئ هئ عافك أبابا حن عليا عافك هئ رطب قلبك
أحمد نترها حتى طاحت حيت كانت شادا ليه فيدو وكطلبو : من اليوم غتمشي لعروبية ومن تما لدار راجلك سمعتي (وخرج)
ندرا: هئ هئ من ديمة كندير غير لي كطلبو هئ معمري رفض طليكم طلب ديمة كندير لي بغيتو عمري مغلط هئ وليوم غير غلط غلطة وحدا كرهتوني فحياتي هئ هئ هئ أش درت أ سيدي ربي أش درت فحياتي هئ هئ
_________________
باقي الأحدات فالقصة
واش غتمشي ندرا لعروبية
وشنو غوقع ليها تما أحداث كتيرا كسناكم
قراء ممتعة
😆😆😆😆😆😆
أنت تقرأ
قصة ندرا ( الدرجة المغربية)
Short Storyقصة رائعة حب غيرة إدمان مرض صدمة خوف زواج فقدان كل هدشي فقصة وحدا وغتعجبكم نتمنا منكم التشجيعات
