ركبات فالكار وشدات بلاستها مدا وهوا يكسيري تكات على الزاج دالشرجم وتفكرات خوتها وعائلتها لي غتعيش دب بعيد عليهم كفاش غتولف بلا بهم بدون شعور بداو دموعها كينزلو وشقو طريقهم على خدها حتى شافت يد مدات ليها كلينكس دورات وجها لقاتو ولد كالس حداها خدات كلينيكس مسحات دموعها وحدرات راسها
ندرا: شكراً
الولد:واش مريضة
ندرا مجوباتوش رجعات تكات على الزاج دالشرجم كتشوف فالطريق وهوا كتافا بمراقبتو ليها مدا عاد نزل راسو مسافت الطريق كانو وصلو لعروبية ناض وقف باش ينزل وهوا يشوفها ناعسا بق كيشوف فيها منبعد قرب ليها وحط يدو على كتفها وحركتها بشويا
الولد: أنسة راه وصلنا
ندرا فتحات عنيها بشويا معسلين بنعاس : ها شكرا
فين هوا دايب فعنيها
ناضت ندرا وقفات وخرجات مع الخرجة وهوا يبان ليها عمها غير شافتو عقلاة عليه مشات جيهتو كتجر فباليزتها ونتقاط بشوي: عمي محمد
محمد دار جيهتها وتصدم مكانش حساب ليه بلي كبرات قد هاكا بتاسم ليها وقرب مناها وقال: بنتي ندرا هادي نتي كبرتي مشاء الله الله إحجبك
ندرا اوردو خدودها : شكرا أعمي واش نت بخير
محمد عنقها : الحمد الله أبنتي ونتي بخير
ندرا قصها من تعنيقة حيت عنقها بالجهد : أيي
محمد بخوف : مالك واش كضرك شي حاجة
ندرا: ها لا لا غير هههه أنا بخير أعمي بلا متخاف عليا يلاه خلينا نمشي راني مواحشا عمتي مريم
محمد يلاه زيدي ركبي
ركبو فاللوطو دايرا بحال الكاميون كيبيع فيها الخضرا فالدوار
وصلو لدار كي وصلو نزلو ندرا عجبها الجو بزاف عجبها الدوار كلو خضر مع جا وقت ربيع لمنضر هائل
دخلو لدار دار بلدية دار كبيرا ومدورا بالبيوت وعندها مراح كبير كيطل على سماء وكاين بير وسط داك لمراح
أنت تقرأ
قصة ندرا ( الدرجة المغربية)
Short Storyقصة رائعة حب غيرة إدمان مرض صدمة خوف زواج فقدان كل هدشي فقصة وحدا وغتعجبكم نتمنا منكم التشجيعات
