بكات حتى تفشات ودخلات لدوش غسلات وجها ورجعت صاوبات زيفها وكلات أمرها لله وخرجات لقات مها وجدات ليها لفاليز و الساك
حنان: هدشي لي جمعت ليك هوا لي غتدي معاك مغتزدي تقلوا سمعتي
ندرا: امممم
مشات كلسات على طرف دالناموسية وساهيا حتى بان ليها التيلي ديالها عرفات بلي مغيخليوهاش تهز تيلي هزاتو بزرب تفاطو وحطاطو فصدرها ودارت عليه زيفها باش ميبانش صدرها وبقات كتفكر فعمامها لي فالعروبية وعند من غتمشي فيهم
(ندرا عندها 2عمامها فالعروبية لول هوا عمها حسن عندو 2 دلبنات وتاني هوا محمد عندو ولد واحد ) ملي كان فعمرها 11لعام ممشات لتما بحكم باها وعمها حسن وقع بناتهم خلاف وتخاصمو ومن تما مبقاوش مشاو لعروبية
فيقتها من سهوتها غير مها
حنان: أرجوع الله نوضي راه حمزا جا يوصلك
ندرا : بغيت فؤاد لي يوصلني
حنان: شوف ليك المسخى مزال كتشرط زيدي قدامي جاب الله فؤاد مكاينش أما كون كاع ميخليك تمشي ويكفيك خاسمتيه مع باه الله ياخد فيك الحق فهاد نهار
ندرا تعمرو عنيها بدموع : علاش حاكريني
حنان: نتي لي حاكرا راسك اما حنا محاكرين حد كنتي عايشة معززا مكرمة حتى قاليك هاد الراس تخرجي الطريق وانتي خرجتي على راسك
خرجو من البيت وندرا مازادت تكلما طلعاط فاللوطو وكسيرا بيها حمزا حتى وصلو للمحطى نزلو من اللوطو هز ليها حوايجها حطهم فالكار لي غتمشي فيه دار عندها لقاها كتشوف فيه وعنيها م معين مشا جيهتها عنقها وباس راسها (فكل الأحوال كتبقا ختو وعزيزة عليه وخا يضربها وخا يخاصمها كيرجع إصالحها حمزا كبر من فؤاد بعامين 28 عام خدام فحانوت لبيع الألبسة الشرعية لنساء تهوا متدين عندو خطيبتو تهي متدينا خدامة معاه فنفس لبلاسة تما تعرف عليها ومن تما عجباتو وخطبها بلا ميمشي يسولها مشى ديركت لدارها حيت هي داخلا صوق راسها وعجبها الحال بزاف فاش خطبها ديركت من دارهم ومهضرش معاها قبل ميمشي عندها لدار وهادشي لي خلاها تعرفو كتر ملي كانت كتعرفو وبدون تفكير وكلات أمرها لله وقبلات وتلدابة وخا خدامة معاه وفبعض لمرات كيكونو غي بوحدهوم فالمحل معمرو قرب ليها ولا هضر معاها إلا فبعض الأحيان كيلقي عليها السلام وسولها على الأحوال)
حمزا : سمحي ليا أختي بزاف على الضرب لي ضربتك راه غير ديك كوتر لعبات ليا براسي وقالت عليك خضرا ممزياناش الشيئ لي خلاني نتعصب
ندرا كتمسح دموعها: انا سامحتك أخويا نت راك عزيز عليا وخا ضربني معليش ولكن صعيب عليا نفارقكم
حمزا : دب تولفي وشوفي راه كاينين بنات عمك تما توانسي معاهم
ندرا: ولكن مكنعرفهمش
حمزا: شوف ليك المدلل دخوها نتي راكي دغيا كديري بلاستك فقلب الواحد ودغيا غتعزي عليهم وغتوليو صحابات وديرو زبايل تما هههه
ندرا :ههههه زعما
حمزا: أه هههه
ندرا : إنا واحد فعمامي غنبقى عندو؟؟؟
حمزا كيركبها فالكار : عند عمك محمد راه غير أتوصلي غتلقايه كيستناك
ندرا : وخا بسلامة أخوية تهلا فراسك وسلم ليا على سناء (خطيبتو)
حمزا : وخا يلاه تهلاي
أنت تقرأ
قصة ندرا ( الدرجة المغربية)
Cerita Pendekقصة رائعة حب غيرة إدمان مرض صدمة خوف زواج فقدان كل هدشي فقصة وحدا وغتعجبكم نتمنا منكم التشجيعات
