قصة ندرا ( الدرجة المغربية)

البارت 11

دخلو للكوزينة بتلاتة
ندرا؛ انا غنفرق عليكم وكل وحدا شنو غدير باش نساليو دغيا
وداد؛ وخا
ندرا؛ هانتي دنيز غتقلي لبطاطة ونتي أوداد غديري لصوص وانا غنقلي لحوت
لمياء دخلات؛ وانا
دنيز؛ ديري شلاضة
لمياء؛ وخا
بداو لبنات فالتوجاد وكل وحدا شنو كتوجد ومخلاتش الكوزينة من الضحك والتقشاب من بعد مسلاو وجدو على الطابلة وعيطو على محمد ومريم باش إتعشاو تعشاو فجو مليئ بالضحك جمعو لبنات من تما وناضو دخلو لبيت ندرا انعسو فرشات لمياء و ودنيز فلرض و وداد وندرا غينعسو فالناموسية كل وحدا تخشات بلاصتها إلا ندرا و وداد لي كتسنا ندرا تخرج من الحمام باش تبدل٠ (الحام كاين فالبيت)
ندرا حيدات اللصقة على الجرح لي فراسها باش ميشوفوهاش لبنات أما طبايع لي فلحمها فراها لابسة تريكو بحكم البرد خلات شعرها مطلوق وخرجات عندهم كي خرجات فتحو فيها عنيهم بتلات
وداد: شعرك غزال أندرا وخصوصا اللون ديالو
دنيز: واو كيحمق ههه
ندرا: هههه شكرا
لمياء : شي مرا قصيتي شعرك أندرا؟
ندرا؛ لا
لمياء: وعلاش؟
ندرا؛ مكانش كيليني خويا فؤاد نقطعو
لمياء : إممم ولكن فالصراحة شعرك واو غزال تبارك الله مشاء الله
ندرا: شكرا
غي كلسات وهي تسمع التيلي ديالها كيصوني
هزاتو لقاتو خوها فؤاد ضحكات وجوبات: ألو
فؤاد: السلام
ندرا : وعليكم السلام لباس عليك
دنيز كدير ليها بيديها إشارات زعما شكون
فؤاد: لباس الحمد الله ونتي لباس
ندرا: لباس أخي فؤاد
قالت فؤاد باش إعرفوه لبنات
فؤاد: ولفتي شوي
ندرا: شوي دب دب نولف وراني تعرفت على بنات عمي أواحد بنت جارتنا
فؤاد: ردي البال من ديك بنت جارتكم ركي مزال عاقلا على كوتر
ندرا: لا أخويا هادو غير وزيدون أخويا بلا متفكرني فيها
فؤاد : وخا أختي غير قلت ليك باش ترضي البال
خرجات وداد من الحمام وقالت: ندرا عافاك عطيني شي تشورت ننعس فيه
ندرا: فتحي لبلكار وخودي ليك شي واحد
وداد: وخا معامن كتدوي
ندرا: فؤاد
وداد كتهضر بشوية : اويلي ومقلتيش ليا نسكت
ندرا: أويلي أش فيها راه غي ولد عمك
وداد: ششش سكتي
ودخلات لدوش
فؤاد كيضحك : هههههه ههه
ندرا: مالك كتضحك
فؤاد: شكون لي كانت كتهضر معاك دب؟
ندرا: غي وداد بنت عمي
فؤاد : إممم مزيان يلاه أختي نخليكم دب
ندرا؛ وخا بسلامة وسلم ليا على ماما
فؤاد : وخا مبلغ
قطعاط عليه
وداد: والله تحشومة عليك ومقلتيش ليا كتهدر فالتيلي
ندرا؛ عادي تنتي
دنيز : قولي ليا بعدا واش بكوص
ندرا : أنا غنوري ليكم تصويرتو
ورات لهم تصويرتو
لمياء : واو غزال
دنيز: والله حتى بكوص عجبني هادا (زعما حمزا)
ندرا: نن أحبيبة هداك مخطوب
دنيز : أممم
وداد: قولي ليا أندرا واش غي نتي لي شعرك حمر
ندرا: كفاش؟
وداد: زعما واش ماماك شعرها حمر وكما بان ليا خوتك شعرهم كحل
ندرا: لا غي أنا
وداد: لعجب
ندرا : علاش
وداد: صراحة كنسمع بلي الشعر الأحمر إراث يعني كتورتيه من شي حد فعائلتك فهمتي
ندرا: اه لا يمكن غي خرافة
وداد: يمكن
بقاو كيهضرو وضحكو حتى نعسو
صبح الصباح أشمن صباح 11:00 هادي ناضو لبسو وخرجو لقاو مريم دارت لفطور وفطرو هي ومحمد كلسو لبنات كيفطرو
ندرا: عمتي مريم
مريم: نعام أبنتي
ندرا: فين مشا عمي
مريم : مشا عند الحاج محمد إعاونهم فدبيح
دنيز : علاش مجابوش غي الحم؟
مريم: لا جابو تور
وداد: تبارك الله هي عارض على الڨلاج كامل
مريم : لا غي عائلتو وجرانو أشمن الڨلاج كامل راه إلا عرضهم كاملين خاصو تور وقنطار دالحم
وداد: وياه عندك الحق الڨلاج كبير وعائلتو كبيرا
مريم: انا غنمشي نعاون لعيالات ونتي أندرا راني كملت شقى جمعي غي الكوزينة وديري لغدا
ندرا: وخا أعمتي
فطرو ولبنات مشاو فحالهم إكملو تهوما شغالتهم