حنان جات كتجري بعداتو عليها وهي الطيح لرض حنان ولات كترعد وأحمد بق غي كيشوف معرف أش إدير ومعرفش راسو أش كان كيدير
حنان كترعد؛: هدشي لي كنتي باغي هانت قلتيها دب شنو غنقولو لناس ها (كتضرب ففخادها) اويلي ولي فخر يامي نتشرد فلحبساات هئ اويلي سعدي شنو غندير دب هئ هئ
أحمد: سكتي ليسمعك شي حد وتجمعي علينا الناس و وسيري شوفيها يمكن باقا عايشة
ناضت حنان مشات جيهتها وحطات يديها على عنقها كتقيس النبض ديالها لقاتها مزالا عايشة ومزالة كتنفس
حنان: ب باقا عايشة
أحمد كلس على السداري : أووف أربي أش هاد الوحلة أربي أش هاد البنت فيها غي لمصايب
سمعو الباب تحل ودورو وجهم جيهتو كان فؤاد لي غي شاف ندرا فلرض مغيبة وحوايجها مزقين عليها وعمرين دم وتحت راسها بقعا ديال الدم كبيرا وجنب فمها الدم تخلع ومشا كيجري عندها
فؤاد بلغوات : ماما شنو واقع ل نيدرا مالها
حنان : عاوني دب نبدلو ليها هاد الحالة ونعاود ليك
فؤاد : وخا
حنان : سير جيب ليا ماء سخون وكأس دالما بارد
مشى فؤاد كيجري جاب ليها دكشي لي طلبات منو
حنان: شد ليها راسها وأنا غنغسل ليها شعرها
رفعها فؤاد وحنان أول حاجة دارت رشات عليها الماء البارد وندرا حلات عنيها بشويا ومكتحسش بدايتها نهائيا شافت فمها وشافت فخوها واحد النضرا ديال الإنكسار الألم العتاب بحلا كتقول ليه فين كنتي باش دافع عليا علاش خليتهم إديرو فيا هاد الحالة خلات فؤاد تنزل من عينو دمعة على حالت ختو لي حتى لدابة معارفش شكون وصلها لهاد الحالة ولكن واعد راسو ملي غيعرف غيخلي لي دار ليها ديك الحالة يندم بزااف
هزات ليها حنان شعرها غسلاتو مزيان من الدم والجرح باقة كتنزف فتحات ليها على شعرها وهما يتصدمو كانت جرحة كبيرة من فوق لودن وغامقا بزاف
فؤاد : الوالدة أش هادشي راه خاص نديوها عند الطبيب الجرحة غامقة بزاف
حنان: راه إلى ديناها عند الطبيب غيجيبو البوليس وغيسولونة على لي دار ليها هاد الحالة شنو غنقولو ليهم ها
فؤاد : واش أمي نتي دب كدافعي على لي دار ليها هاد الحالة راه أنا غنقتلو فاش نشدو سمعتي
حنان : واش غتقتل باك ها أدوي
فؤاد بصدمة : شنو با و واش با لي دار ليها هاد الحالة
حنان : سير جيب ليا نعقم ليها هاد الجرحة راه الدم كينزف نسالي ليها ونعاود ليك أربي الله أش درت فحياتي باش يوقع ليا هادشي
ندرا نزلاة دمعا من عنيها من الهضراة لي سمعاة فهاد اللحضة تمناة الموت حسن ليها
عقمو ليها الجرحة وهزها فؤاد دخلها رجع خرج عند باه لي بق كالس مقال تكلمة مشا فؤاد جيهتو وعنيه فيهم واحد الشوفة ممفهوماش
فؤاد: علاش درتي ليها ديك الحالة
أحمد : واش غتحاسبني دب بنتي وأنا عاقبتها على لي دارت
فؤاد ضحك بستهزاء: بنتك هه بنتك ودير ليها ديك الحالة وخا تكون قاتلة روح ومديرش ليها ديك الحالة
أحمد: واش نت عارف شنو دارت راه لقاها خوها حمزا كتمعشق ليا فلقهاوي
فؤاد: ألقاها معاه فالدار كاع ودير ليها ديك الحالة راك كونتي غتقتلها
أحمد وقف معصب وكيهضر بلغوات: وشنو كنتي باغيني ندير نصفق ليها و نقول ليها برافو على لي درتي هاا دوى
فؤاد محافضة على هدوء عكس الأعصاب لي راكبين لداخلة: ماشي تصفق ليها تشدها من يدي دخلها لدار وتكلسها حداك وتوجها لتريق الصحيحة باش متعاودش دير دكشي وتخرج مع الدراري ماشي تشدها تسلخها بين الناس وتعطيها قتلا دلعصى راه الله قال (رِفْقٍا بِلْقـَوَارِيرْ) وأصلا انا عارف ختي مزيان مستحيل دير شي حاجة بحال هادي من راسها إلا وشي واحد قنعها باش تمشي لتما
أحمد: والله إلى مزيان جي دب نت علمني كيف نربي ولادي التريك الناقصة
فؤاد:عرفتي كون مكنتيش با كنتي غتشوف واحد فؤاد أخر
وخرج ردخ الباب
أحمد تعصب من هضرت فؤاد : وجي نت دب ضربني والله إلى مزيان تربي وتكبر فاللخر اخرجو فيك عنيهم الله ينعلها سلعة
حنان خرجات كتجري من بعد ما بدلات لندرا وقفات ليها النزيف وغطاتها وخلاتها تنعس
حنان :مالك كتغوت أهاد الراجل
حنان: ولادك هما لي غيقتلوني
وخرج معصب وحنان كلسات لرض كتفكر فلي وقع اليوم اما ندرا فنعسات وكتمنا فاش تفيق تلقى كولشي غي حلم
أنت تقرأ
قصة ندرا ( الدرجة المغربية)
Kısa Hikayeقصة رائعة حب غيرة إدمان مرض صدمة خوف زواج فقدان كل هدشي فقصة وحدا وغتعجبكم نتمنا منكم التشجيعات
