بقاو كالسين كيهضرو وضحكو وهضةرا تجبد هضرا
دنيز :حقا مقلتش ليكم
لبنات؛ شنو
دنيز: تحسين حفيد الحاج محمد راه جا اليوم فالصباح
لمياء : حلفي
دنيز : والله
وداد: ونتي فين شفتيه
دنيز : غير سمعت جارتنا قالتها لماما
ندرا: نتوما شكون هادا لي كتهضرو عليه
دنيز: لا متقوليش ليا مكتعرفيهش
ندرا: ومالي كنت ساكنة هنا الغلا
دنيز : لهلا يحييك ليديك أرجليك كلاك بغلا
ندرا خنزرات : وداد قولي ليا شكون هاد تحسين
وداد: هدا حفيد الحاج محمد لمقدم دالڨلاج هوا أغنا واحد عندنا هنايا وكولشي كيعرفو باه كان خدام فأكادير وملي تقاعد هادي عامين رجع لبلاد وتحسين ولدو كان فالمركان كان كيقرا الطب ودب راهو رجع يمكن نجح ورجع
ندرا: امممم
لمياء :اه دكشي ياختي كون تشوفيه متقوليش ولد لعروبية تقولي غي كاوري كيحمق بالزين
ندرا : ههههه تي من نيتك
دنيز: من كرها نوضو خلينا نمشيو راه قريب إودن
ندرا : وخا غي ساينو تيودن
لمياء: والله مسخيت نمشي
ندرا: إوا كلسو تباتو عندي اليوم
وداد: لا شكرا خاصنا نمشيو
دنيز: خليونا نباتو هنا اليوم نتعارفو على بعضياتنا كتر عافك أوداد لما صوني لماما وقوليلها نباتو هنا هي كدير ليك الخاطر عافك عافك
ندرا: وعافاكم باتو غي اليوم
وداد؛ وخا أنا غنصوني لماما
لمياء؛ تنا غنمشي لدار ونرجع
ناضت لمياء مشات تسول ماماها أوداد صونات لماماها قالت ليها غيباتو عند ندرا
دنيز : شنو قالت ليك
وداد: خلاتنا نباتو وقالت ليا غدا فصباح أجيو بكرى حيت فالصباح غدوز عند الحاجة فاطمة تعاونهم فالشقا حيت بالليل غيديرو حفلة لولدهم تحسين بمناسبت نجاحو
دنيز: هي فدا كاينة الزردة
ندرا: شكون الحاجة فاطمة
دنيز : تي كالك عندك تبن فداك المخ مرات الحاج محمد جد تحسين
ندرا: أه تحساب ليا جداه ماتت
دنيز تفركعات بالضحك : هههه تي سايرا تقتلي فالناس ههههه ناري ههه
وداد: هههه هانتي مو سميتها خديجة وختو سميتها سمية
ندرا: إممممَ ونتي سكتي بركا من الضحك
دنيز : هاني سكت ههه
دخلات مريم وقالت: إوا يلاه زيدو صاوبو لعشا ألبنات
دنيز: تاتجي لمياء
ندرا: حتى تجي وتلحق علينا
دنيز : باش أنا نشقى وهي لا
وداد: تي زيدي لمك شكون قالك طيبي شي حاجة على ماكلتك الزينة
دنيز : ومالها مكلتي كي كتجيك
وداد: بحال وجهك
دنيز وقفات : ومالو وجهي بزاف عليك باش تخرج مشكلتي بحالي كنحمق
وداد : إوا هانتي عتارتي غي راسك
ندرا بلغوات : سكتونا نتوما زيدو قدامي للكوزينة
وداد و دنيز : هاحنا
أنت تقرأ
قصة ندرا ( الدرجة المغربية)
Cerita Pendekقصة رائعة حب غيرة إدمان مرض صدمة خوف زواج فقدان كل هدشي فقصة وحدا وغتعجبكم نتمنا منكم التشجيعات
