دخل الطبيب فحصها وقال ليهم بلي ممكن ليهم اخرجها خرجو تحسين ومحمد وخلاو ندرا مع الفرميلا تعاونها باش تلبس
محمد؛ شوف مبغيتش الهضرا لي عاودت ليك يعرفها تشي واحد
تحسين : وانا ماشي حمق نقولها ليها باش تعدب أنا ماشي فحالك
محمد: الله يرضى عليك أولدي
خرجات ندرا وهي حاسة بالدوخة جات طيح وهي تشد فقميجت تحسين وتحسين شد ليها يديها ودورها على عنقو وهزها وخرج بيها ندرا بقات غي كتشوف فيه وهي كتفكر هضرتو لي قال فاش يلاه فاقت تنهدات فاش خشاها فاللوطر ركب حتى محمد وكسيرا لدار وصلو وندرا غير جات تحط رجلها فلرض وهباا هزها تحسين وهي تشبتات فيه ومحمد هز دوا لي شراو ليها وتبعهم لبنات كانو بايتين مع مريم وكانو غادين فحالهم وهما يلقاو تحسين هاز ندرا ضحكو لبنات وخلاو ليهم الطريق وراه محمد بيتها حطها فلفراش
تحسين: انا غنمشي واش نتي بخير
ندرا: أه بخير شكرا
تحسين : يلاه خليت ليكم الراحة
شاف فندرا وخرج ركب فاللوطر ومشا لدار طلع ديركت لبيتو بدل عليه وتكى كيتفكر فيها ومجات فبالو غير اللحضا لي دخل عليها غير بدوبياس ناض كلس ونعل الشيطان وشرب شوي دلماء وتكا ونعس
أما ندرا فعودات ليهم كاع دكشي لي وقع
وداد عنقاتها: أحبيبة هادشي كامل وعودتي لينا والو
دنيز تهي عنقاتها: الله احفضك لينا أختي وخا مغندوزهاش ليك حيت خبيتي علينا
لمياء: هادي هي الصحبة ياك أبنت العبد تنشد داك باك ونوريه ومتشدينيش عليه
ضحكو لبنات وتعانقو
مريم : هيه شتكم نسيتوني
كحزات وداد وخلات ليها بلاصة كلسات حداهم وتعانقو كاملين
مريم : اوا دب نساو عليها هاد الأحزان راه عندي ليكم خبيرا غتعجبكم
لبنات دقا وحدا : شنر هيااا
مريم : ولدي إلياس السيمانة الجاية غيجي لبلاد
لمياء؛ هههه واش بصااح
ندرا : ههه فين كان
مريم: في أسبانيا
ندرا: الحمد الله على سلامتك متشوقة نشوفو
محمد من برا: مريم وا مريم
مريم: نعام
محمد: أجي بغيتك
خرجات مريم
ندرا: الصراحة أنا مكانش فخباري عمي محمد عندو ولد في أسبانيا
وداد: فالصراحة هوا غي ولد عمتي مريم وصافي
ندرا: كفااش
أنت تقرأ
قصة ندرا ( الدرجة المغربية)
Contoقصة رائعة حب غيرة إدمان مرض صدمة خوف زواج فقدان كل هدشي فقصة وحدا وغتعجبكم نتمنا منكم التشجيعات
