حبيت انزلها بدري كتير عن معادها كـ شبه مفاجأه يعني 😂❤ اتمني اسمع رأيكم في النوفيلا كلها عمتا 💙
الفصل الثامن والاخير
............................
_اه يا راسي .
قالتها غصون وهي حاطه ايدها علي راسها بألم وبصت حواليها بتوهان وفجأه انتفضت فجأه وهي حاسه المكان ده مش غريب عليها ده ده
_نفس المكان عارف!
قالها شجر وهو واقف قصاد باب الكوخ وبيبص عليها باستمتاع بصتله بصدمه من انه ازاي عرف اللي بتفكر فيه .. اتحولت ملامحها من الصدمه للغضب وهي بتتكلم : انت جبتني هنا ازاي؟
حرك حواجبه بمشاغبه وهو بيغمزلها : بنفس الطريقه اللي جبتيني بيها !
بصتله بصدمه واتكلمت بعدم انتباه : بوستني !
بصلها شجر بصدمه واتكلم : بوستك .. هو انتي بوستيني؟؟
عضت علي شفايفها بندم علي اللي قالته .. قرب منها وارتسمت علي شفته ابتسامه خبيثه : مقولتليش انتي بوستيني لما خطفتيني.
اتكلمت بخجل ممزوج بالتوتر : بص كانت نزوه شيطان امين .. وبعدين انت كنت نايم اصلا ولا كأنك في غيبوبه مش مجرد خبطه.
بصلها شجر بضيق وهو بيتكلم : بتبوظي اللحظه ليه يا بنتي ليه؟
فاقت غصون من اللي هي فيه واتكلمت بغضب : انت جبتني هنا ليه يا شجر.
حرك شجر كتفه ببراءه : عادي .. عشان نتكلم .
اتكلمت غصون بحده : انا مليش كلام معاك .
شجر بعند : بس انا ليا كلام معاكي.
رفعت غصون حاجبها بعند اكبر: وانا مش عايزه اسمعه !
قرب منها ومسك كتفها بين ايده وهو بيتكلم بقوه : لا هتسمعيه يا غصون لازم تسمعيه امين .. اقعدي .. اقعــدي!
قعدها بالعافيه علي الارض وهي ضمت شفتها بتذمر وهو قعد قصادها وفضل باصصلها كتير فـ اتكلمت هي بزهق : اخلص بقي.
زفر بحنق منها وهو بيدعي ربنا انه يفضل صابر عليها وبعدين اتنفس جامد قبل ما يتكلم بهدوء ممزوج بالتوتر نوعا ما : اسف يا غصون .. انا اسف علي الوجع اللي كنت سببه .. عارف ان اسف مبتريحش بس ..انا فعلا ندمان علي اللي حصل يا غصون .. انتي مكنتيش تستحقي مني كده ابدا وانا مكنتش بفكر غير في نفسي انا عارف ومهتمتش بمشاعرك ولا اللي ممكن يحصلك .. عايزك تسامحيني يا غصون !
اتنفضت غصون بألم كذا مره قبل ما تتكلم بنبره ضعيفه : اسامحك .. انت جبتني لـ مكان .. كله ذكريات حلوه بينا عشان تفكرني بحاجه انا مش نسياها .. حاجه انا لسه بتألم وبعاني منها لحد دلوقتي وعايزني اسامحك .. اسامحك علي ايه يا شجر؟ علي ذلي واهانتي قصادك .. علي انك دوست علي قلبي برجلك ومهتمتش بيه .. ليه كدبت عليا وانت مبتحبنيش يا شجر ليه .. دي اكتر حاجه وجعاني .. انت لعبت بيا !
أنت تقرأ
اختطفني عشقاً
Romanceأوقعتيني في حُبك أختطفتي قلبي وعقلي وروحي "واختطفتيني شخصياً" كان جنونك مُحبب الي قلبي، قلبك الناقي كان يجعل روحي اكثر نقاءً، أبتسامتك لم تفشل يوماً في تغير مزاجيتي.
