^ مشهد خاص ^
............
_ع فكره شويه كمان وهبيع شجر من الغابه دي لاني هترفد والحمدلله !
قالها شجر بضيق وهو بيبص علي غصون اللي قاعده جمبه ...
كتمت بسمتها علي كلامه واتكلمت بالامبالاه : والله مش مشكلتي .. ده كان شرطي وانت اللي وافقت عليه .. وبعدين ماانت قعدت اسبوعين .
رفع طرف شفته وهو بيتكلم بتهكم : يمكن لاني مكنتش لسه اشتغلت مثلا وكنت بشتغل مع يحيي وخلاص ؟!
رفعت كتفها بالامبالاه قبل ما تضم شفتها واتكلمت بنبره مستفزه : مش مشكلتي .
قلدها في طريقتها بصوت خافت موصلهاش وهو بيلعن نفسه من وقت ما قعد في الغابه دي ..
افتكر لما راح يتقدملها واترفض اربع مرات !! في كل مره كان بيترفض منها بحجه انها مش مستعده للجواز مره بسبب انه معندوش شغل رسمي اشتغل ..
مره بسبب ان عيلته متخانقين مع عيله يحيي من جديد بعد ما اتصالحوا .. خلق الف حاجه عشان يصالحهم واتصالحوا .. مره بسبب شعره الطويل وساعتها حلقه كله ...
ابتسم شجر بتهكم قبل ما يتكلم بصوت وصلها ؛ وفي الاخر ضربت معايا خناقه !
رفعت حاجبها بعدم فهم واتكلمت : خناقه ايه ؟
بصلها وهو بيتكلم بسخريه : ابدا .. الخناقه ساعة ما حلقت شعري مع ان ده كان طلب معاليكي .
ضحكت غصون علي جملته وهي بتفتكر لما جالها للمره الرابعه علي التوالي وهو حالق شعره .. اتصدمت من منظره ساعتها وهيئته اللي اتغيرت واتخانقت معاه ورفضته وهو من صدمته متكلمش ومشي من سكات ..
واخرهم لما قالتله ان شرطها انهم يقعدوا في الغابه دي وينعزلوا عن كل حاجه وهيروحوا زي ما كانوا اول مره بدون حاجه !
قام شجر من علي الارض وطلع برا الكوخ بهدوء من غير كلام وهي فاقت وبصتله باستغراب من حالته ديه ...
قامت من مكانها وطلعت وراه برا .. لقته واقف وهو حاطط ايده في جيبه وبيبص قصاده علي الشمس اللي بدأت تختفي بشرود ...
قربت منه بتردد لحد ما وقفت جنبه واتكلمت بهدوء : مالك ؟
لف براسه ناحيتها بدون كلام وبعدين بص قدامه تاني واتكلم بثبات : مفيش !
غصون بتساؤل : تعبت مش كده ؟
بصلها بعدم فهم للحظات قبل ما يتكلم : قصدك ايه ؟
اتنفست غصون بعمق قبل ما تتكلم بتردد وهي مش عارفه ردة فعله بعد كلامها هتبقي ايه بس اتكلمت : اقصد من اني عماله ارفضك واديك حجج مش مقنعه بس انت بردو بتعملها .. اكيد زهقت مش كده ؟
لوي شجر شفته بسخريه قبل ما يتكلم : لا يا شيخه لا سمح الله .. انا ازهق بردو !
غمضت عينها قبل ما تتكلم : انا قاصده اتعبك يا شجر .
أنت تقرأ
اختطفني عشقاً
Romanceأوقعتيني في حُبك أختطفتي قلبي وعقلي وروحي "واختطفتيني شخصياً" كان جنونك مُحبب الي قلبي، قلبك الناقي كان يجعل روحي اكثر نقاءً، أبتسامتك لم تفشل يوماً في تغير مزاجيتي.
