دخول مفااااجئ ...🤭🤭🤭
حبيت اجي اسلم بس قولت مش هاجي وايدي فاضيه فـ جبت معايا مشهد بسيط خالص اتمني يعجبكم 🌚💙💙
^مشهد خاص^
....................
_استني بس يا بسمه يا بسمـــــــه!
قالها يحيي وهو بيجري ورا بسمه اللي دخلت اوضتها في البيت تحت .. وقفت جمبه والدته وهي بتتكلم باستغراب : فيه ايه يا يحيي ؟؟ مالها بسمه؟
بصلها يحيي بغيظ وهو بيتكلم : الهانم زعلانه مني عشان مخلتهاش تنط في النيل .
شهقت والدته بصدمه وهي بتتكلم : تنظ في النيل ؟! ليه يا بنتي كده .. انت عملتلها ايه خليت البت عايزه تنتحر.
بصلها بصدمه من اتهامها وكان هيرد عليها بس سمع صوت بسمه من ورا الباب وهي بتتكلم : انا مكنتش عايزه انتحر يا ماما .. مش علي اخر الزمن هنتحر عشان يحيي.
اتكلم يحيي بتحذير : لمي لسانك يا بسمه احسنلك.
سكتت بسمه للحظه قبل ما تتكلم : تخيلي يا ماما بقوله يا يحيي تعالي انط في النيل وهو ينقذني مرضيش!
لوت والدته شفتها باستنكار قبل ما تتكلم : وانتي تنطي في النيل ليه يا بنتي ؟
لوت بسمه شفتها من ورا الباب بتذمر : عشان اشوفه ممكن يضحي بنفسه عشان ينقذني زي ما بيقول ولا لا .. بس طلع كله كلام ع الفاضي.
برقت والدته من كلامها وبعدين ضحكت واتكلمت قبل ما تمشي : ربنا يكون في عونك يابني .. انا هروح اكمل الاكل قبل ما ابوك يجيي.
مشيت وسابتهم وهو فضل قصاد الباب واتكلم : بقي عايزه تشوفي هنقذك ولا لا .. ما ممكن كنا نغرق انا وانتي ياختي؟
اتكلمت بسمه بسخريه : وبالنسبه للعضلات اللي خانقني بيها بقالك شهرين ورايح الجيم جاي من الجيم ديه ايه؟؟ ولا انت خايف متقدرش تشلني وتتكسف.
كان هيرد عليها بس سكت فجأه قبل ما يتكلم بخبث : قصدك انك تقلتي وانا مش هقدر اشيلك؟
سمع شهقتها من ورا الباب قبل ما يتفتح فجأه وهي بتتكلم بغضب : قصدك اني تخنت؟؟
بصلها من فوق لـ تحت واتكلم ببراءه : انا مقولتش انتي اللي قولتي.
بصتله بغيظ منه وكانت هتدخل الاوضه تاني بس هو مسكها بسرعه واتكلم بانتصار : تعالي بقي عشان سايبك من الصبح .. عايزه تشوفي هفديكي بروحي ولا لا ها .. ده انا هطلع روحك دلوقتي.
ابتسمت بطريقه بلهاء قبل ما تتكلم : عيله هتاخد بـ كلام عيله يا يحيوحتي؟
رفع حاجبه وهو بيتكلم باستنكار : يحيوحتي .. ده انا هرمي من فوق البيت مش من فو النيل يا قلب يحيوحتك.
كانت هتتكلم تاني بس قاطعهم صوت الباب بصلها يحيي بتحذير : هرجعلك بعد ما افتح لو دخلتي جوا تاني هطلع عينك .. ولا اقولك تعالي.
أنت تقرأ
اختطفني عشقاً
Romansaأوقعتيني في حُبك أختطفتي قلبي وعقلي وروحي "واختطفتيني شخصياً" كان جنونك مُحبب الي قلبي، قلبك الناقي كان يجعل روحي اكثر نقاءً، أبتسامتك لم تفشل يوماً في تغير مزاجيتي.
