#Unicode
"အမွှာဟုတ်လား"
"ဟုတ်တယ် Jimin အမတို့နှစ်ယောက်က ရုပ်ကော အကျင့်တွေကော အကြိုက်ပါ မတူတဲ့ အမွှာပါ Miaက အမထက် မိနစ်ပိုင်းကြီးတယ် ငယ်ငယ်ကတော့ အစောက Jiminပြောသလိုပဲ ရုပ်မတူတာကို ခဏခဏကြားရတယ် နောက်ပိုင်းတော့ မကြားရတော့ဘူး Miaက Daddyနဲ့ပါသွားတယ်လေ အင်း အမတို့က Broken Familyပဲဆိုပါတော့ အဟင်း"
Jiminသည် Mrs:Kiaပြောနေသမျှကို ဆိတ်ဆိတ်သာနေ၍ နားထောင်နေမိသည်။
နံဘေးက Taehyungကတော့ အားနာနေဟန်ရှိသည်။
သူများအတွင်းရေးမို့လို့ Jiminလည်း အားနာပေမယ့် သိချင်နေတော့လည်း ခက်ရပြီ။
"ကြားရတာစိတ်မကောင်းပါဘူး အမ အတိတ်ကို ကျနော်က ပြန်ဆွသလိုများ ဖြစ်သွားရင် တောင်းပန်ပါတယ်"
"အို မဟုတ်တာ ရပါတယ် Jiminရယ် အမ က ဘယ်လိုမှမအောက်မေ့ပါဘူး"
Mrs:Kiaမျက်နှာက တကယ်ပဲ အဆင်ပြေနေတဲ့ပုံစံဖြစ်လို့ Jimin သက်ပြင်းကို ခိုးကာ ချလိုက်ရသည်။
ဒီလိုဆို သူ အားမနာချင်တော့။
"ဒါဆို အမ သူနဲ့အဆက်အသွယ်ရလား"
"Miaနဲ့လား အမ အိမ်ထောင်မကျခင်ကတော့ အဆက်အသွယ်ရှိပါတယ် အမတို့ချင်းက အဆင်ပြေကြပါတယ် အမ အိမ်ထောင်ကျပြီးနောက်ပိုင်းတော့ အမတို့ အရင်လောက် မဆက်သွယ်ဖြစ်ကြတော့ဘူး ဒါနဲ့
Jiminက Miaနဲ့ သိလို့လား "
"သိတယ်ဆိုတာထက် ကျနော့်အမျိုးသားရဲ့ မိတ်ဆွေပါ တစ်လောကပဲ ကျနော်တို့အိမ်မှာ တည်းသွားပါသေးတယ် ပြောရရင် မနေ့ကမှ ပြန်သွားတာပါ"
"ဘယ်လိုကွဲ့!Miaက မင်းတို့အိမ်မှာ တည်းသွားတယ် ဟုတ်လား"
Mrs:Kia၏ မယုံနိုင်ဟန် သွင်ပြင်သည် တိုး၍ငြင်သာသော အသံလေးဖြင့် အော်ဟစ်မိသည်အထိ ပြင်းထန်သည့်ပုံစံပင်။
ဆိုတော့ အမMiaရောက်လာသည့်အကြောင်း သူ၏ အမွှာညီမက မသိခဲ့ဘူးပေါ့။
"အမ တကယ်မသိဘူး Jiminရယ် သူရောက်လာပြီးတစ်ပတ်ဆယ်ရက်တောင် မင်းတို့ဆီနေ့ခဲ့သေးရင် တစ်ရက်လောက်တော့ အမဆီ လာတွေ့ဖို့ကောင်းပါရဲ့ အခုတော့...ဟင့်"
Mrs:Kiaသည် ပြောနေရင်း ဝမ်းနည်လာဟန်ရှိသည်။ ဟင့်ခနဲ အသံထွက်လာပြီးနောက် စကားသံတို့တိတ်သွားသည်။
Taehyungသည် Jiminကို ပြူး၍ ကြည့်နေသည်။ မင်း ဘာတွေလုပ်နေသလဲဆိုသည့်သဘော မျက်မှောင်တို့ကျုံ့ကာ Jiminဆီ စိုက်၍ ကြည့်နေသေးသည်။
အမွှာဖြစ်ပြီး ဘာတစ်ခုမှ မတူဟူသည့်စကားကို ငိုနေသည့် Mrs:Kiaကို ကြည့်ရင်း Jiminယုံရတော့မည်။
အမMiaသည် ဘယ်တော့မှ သူစိမ်းတို့ရှေ့ ငိုမည်မဟုတ်၊ ပြောရလျှင် သူသည် ရဲတင်းကာ မာန်မာနရိပ်တို့ စွန်းထင်းနေတတ်သည်။
Mrs:Kiaသည်တော့ လုံးဝဆန့်ကျင်ဘက်ပင် ဖြစ်သည်။
BẠN ĐANG ĐỌC
Mr:Joon's baby JiJi
FanfictionလူႀကီးJoon ႏွင့္ ေပပီ ji ဦးနဲ႔ ေခး ေပါ့ေပါ့ပါးပါး..Typeမ်ိဳးေလးပါ.. အပန္းမႀကီးရင္ ဝင္ၿပီး ဖတ္႐ႈ ေဝဖန္ေပးၾကပါဦးေနာ္ 😘😘😘😘😍😍😍😍 ChimyZin မႀကီး..Gomawor..
