TASIK BIRU

     Enggau pengering diri aku ngelindung anak aku ari enggai kena dinsah apai iya, malam nya ujan bangat amat baka nemu sini ke kami dua manak diinsah apai iya. Sebenar amat aku tu ke diinsah laki aku tang anak aku enggai meda apai iya nginsah aku nya meh iya nyerara apai iya ngicaka badu ko ya. Malam nya meh kami dua manak diburu apai iya sambil deju ke iya aku nyentukka telentang teduduk ba tanah, tunjuk jari iya endang enda lenyau ari nunjuk agai mata aku laban deka diacuk iya tang aku ngadang diri.
Ari majak ujan malam nya kilat ta ngasak amat aja ni ke guntur ngemalat nya ko ku, Stiven alu tama ngagai kereta iya alu setat iya injin kereta alu ninggal ke kami dua manak.

Aku alu angkat megai jari anak indu aku nyadi sepiak jari aku mai kantung garek enggau beg pasar aku nasib ga aku tu bisi nyimpan duit ulih ga kena maya utai nyadi bakatu.
Kami dua manak bejalai aja taja ujan bangat amat, lama diri nganti kereta bisi mansa endur nepan deka ke pasar ngiga Util maya jam tu, maya nya kira pukul 10 malam.
Tudah lama nganti ba tisi jalai nganti kereta ke bisi mansa pengujung iya baru bisi alu dikepai aku meh nasib ka ngetu.

"Ulih dik nganjung aku kepasar?" pia ko Tiffany

"Ulih laban aku bela kin mega. Masuk meh jampat ujan tu" ko indu nya tadi.

   Nyadi alu tama meh Tiffany enggau anak indu iya ke benama Tiara ke dalam kereta.

"Nama seduai basah muyur bakatu. Ari ni seduai?" Helena.

"Di buruk laki aku nya meh kami dua manak tu bakatu" terus terang aja meh Tiffany kapa ya peduli agi nadai malu tauka belalai.

"Endai… Kasih udu dik digaga laki dik bakanya. Kada bisi kusung Util maya tu neh enti seduai ka bemalam ba aku dulu ga anang takut aku orang jai nyadi nama aku Helena" Helena alu tuchum malik ngagai Tiffany ke benung ngenat kediri chelap.

Mula-mula nya sigi enggai meh Tiffany pengujung iya ka ga tudah pulai ngagai rumah Helena.

***

   Datai ba rumah Helena sida iya alu tama ke dalam rumah.

"Tama meh, nganti ditu dulu nganti aku ngambi ke seduai kain mandi dulu lagi seduai alu mandi" Helena alu niki ke sadau deka ngambi kain mandi.

***

Pengudah tembu mandi, Helena alu ngasuh Tiffany enggau Tiara makai laban Helena kasih meda engka empai makai.
Tiffany enggau anak iya alu makai laban alu empai makai tadi.

"Bakani gaya pagila ngiga rumah sewa kah?" pia ko tanya Helena.

"Au ya.." Tiffany.

"Eh, enda ingat ka nanya ke nama dik. Sapa nama dik arh?" ko Helena nanya Tiffany.

"Tiffany Arguelayra nama aku nama anak aku Tiara Ash " Tiffany.

"Au.. Kiut endar nama seduai iya" Helena alu tuchum.

***

Seminggu udah nya.

     Pagi nya tumu Helena telipun ngagai Tiffany tauka nama kangau iya Layra laban deka ngemai Layra tu ngagai endur nguruska tubuh, ko orang putih madah Gym.

"Baru dani pia apuu…" Helena.

"Ermm… Auk baru dani. Saritu cuti laun dani" Layra.

"Aram agai Gym" Helena.

"Uhh… Auk meh nganti aku mandi dulu meh" Layra.

***

     Pengudah Layra tembu nganta, Helena pan alu datai ba luar rumah Layra.

Pon…pon…pon..!!! Ko munyi hon kereta Helena tu tadi.

"Weii!!.. Tu aku nama ta ngeragak ke utai dik tu" Layra alu tama ngagai dalam kereta.