TASIK BIRU
Gie Hermosa Roses
Part 7
Lama Layra agi teberap ke dada Ardo laban nyamai merap tubuh Ardo aja asai, Ardo tu tadi agi engkining orang jai enggai ke bisi nitih ke seduai iya.
Udah nya nadai agi munyi orang ke betimbak, Layra baru sedar kediri agi merap dada Ardo alu jejampat iya ngelepaska diri ari Ardo.
Sida Adrian enggau kaban iya datai ngagai Ardo laban irau ke Ardo enggai bisi pedih nama-nama sekali tepeda ke Layra sida iya alu tuchum sida iya tu tadi.
"Sapa nya tadi?" Ardo.
"Bala sida Thompson nya tadi nasib dik enggau Layra sida enda tetemu ke dik. Aku sigi nemu sida nya sigi bisi ngacau kitu" Melvin.
"Minta hal endar sida nya meda aku empai nunjuk belang ngagai sida bisi ari sida nya ila. Layra nadai ngawa dik?" Pia ko tanya Ardo ngagai Layra.
"Err… nadai cuma tekenyit aja" Layra.
Bala Dean alu beseging ke siku meda Ardo murus buk Layra laban deka ngiga dini bisi pedih ba tubuh Layra.
Ardo alu ngasuh bala iya ngaduka utai ba dalam dewan nya, Nyadi Ardo duai Layra pulai nuju ngagai kereta Ardo.
"Enggai aku enggau dik" Layra pansut baru ari dalam kereta Ardo.
"Tama aja mayuh jaku indu tu" Pala Layra alu denyak ke Ardo badu tama ngagai dalam kereta udah nya ditikup ke iya pintu.
Layra deka muka pintu kereta nya tang enggai nyadi mar ga kereta orang kaya ukai kala nepan utai bakanya pama udah ditikup sigi enda ulih dibuka agi.
Ardo alu tama ke dalam kereta udah nya kereta nya digaga iya auto nemu ngemai kediri bejalai, Ardo alu muka baju iya laban bisi kena timbak mimit kena lengan iya maya ke narit Layra tadi.
"Uii!.. Nama kereta tu bejalai kediri?" Layra alu kesal ati.
"Nibuh bejaku ulih?" Ko Ardo.
"Pey bisi kena dik tadi kasih amai" Layra alu megai lengan Ardo.
Ardo semina ngelilaka mua Layra ke benung ngelilaka telih lengan Ardo tu tadi, Layra malik ngagai Ardo nyu baru iya sedar Ardo ari tadi ngelilaka iya nyu malu Layra udah nya.
"Nama ngining dik meda darah aku nya empa meh enti dik vampire baka cherita dalam tibi" Ardo.
"Dadak iya tu. Bejaku agi dik lagi tempap aku telih dik nya" Layra alu ngelintuka Ardo laban dibai iya malu nyau malik ngagai tingkap kereta.
Ardo semina tuchum aja, nyamai aja asai ati Ardo enti ba tisi Layra. Seduai iya bela enda bejaku semina radio aja kekucah malam nya. Sekali alu dipasang dj lagu orang keruk nya nyu ulih meri skris pending ninga, Nya meh Ardo alu memunyi.
"Ragak udu lagu tu lagi danu bos mangah nya dik lagi" Ardo nyindir Layra.
"Ermm.. Dadak hahaha nadai utai ngenadak dik nya" Layra alu ketawa laban meda Ardo nampar radio iya nya tadi.
Ardo semina ngelilaka Layra ketawa laban enti iya nimbal lagi sigi dipandam Layra telih iya. Ardo ngasai diri diatu ukai Ardo agi laban enti bisi Layra nyu baka orang lain tang enti Ardo siku aja nya baru iya dikelala orang mangah jampat ngambi pemutus enggau ati mangah, Tang pengudah Layra datai dalam pengidup iya.. Layra baka malaikat dianjung petara ngagai iya.
Layra merening Ardo laban enda pejam chelik merening iya lama-lama seduai iya nyu bela anyut tembu beperening enggau pangan diri, Ardo nyu damping sedamping mua iya nuju Layra. PAKK!!. ko munyi kuyu Ardo kena tampar Layra.
"Akai.. Pedih amai!" Ardo alu ngusuk kuyu iya ngena jari.
"Nadai kemajuh dik keja deka nyiun orang jeja" Layra.
"Ingat dik nya au. Ila aku malas ba katil nenemu meh dik" Ardo.
"Kasih utai kanyi. Sigi bakanya jaku orang peturun baya ukai ulih pechaya jaku baya" Layra.
"Enti aku baya dik babi ga tumbung ta kuit-kuit ngapa" Ardo alu nagang diri ka ketawa.
"Dia meh dik berangan nyadi baya enggai dibai dik dadak" Layra alu malik ngagai tingkap chermin kereta ari merening baya kanyi sepiak iya nya.
…
Pagi siti nya chukup manah mua ari perenching aja mata panas tang Layra alu empai dani, tirai nyu kebab-kebab dibai puput ribut tambah mega bisi ikun ni enda nyamai Layra tinduk.
Enda iya nemu bala kaban iya nunga iya ti benung agi jenak tinduk nya, dia bala nya alu merak iya awakka dani.
"Layra!!.." Ko bala serentak ngangau ke nama Layra.
"Eh.. K*ting kita labuh!" Layra alu angkat udah diperak bala kaban iya tadi.
"Selamat pagi queen..!" Ko sida iya baru ga serentak.
"Eee.. Nama hal kita tu. Enda ulih meh aku tinduk nyamai" Layra alu ngusuk mata iya.
"Nya peda dik nya tama berita dik" Ko Helena.
Layra alu jejampat ngambi telipun Helena sekali meda gambar seduai iya Ardo benung berimbai makai beperening pangan diri taja pia enda entu jelas endar gambar nya laban nya dambi belalai.
"Indu beruntung" Ko tajuk berita nganu gambar seduai nya tadi.
"Tu sigi wartawan ngempu pengawa tu ta nadai nemu jenuh ngambi gambar orang ngapa" Ko Layra alu angkat ari atas katil nyau iya mandi udah nya.
"Lawa lah masuk tibi ila ngemai kami queen Riccardo. Kumbai dik Riccardo nya orang bisnes besai empu nya udah ga sigat ah dik indai" Marthina alu ketawa.
"Empu kita dia meh bagi siku-siku" Ko Layra nyerauh nimbal ari dalam bilik mandi.
Layra alu merus ngeli iya ba depan chermin sambil bejaku dalam ati "dupah ka gila baya ukai ulih dikarap udah bansu aku tu. Keterubah ka meh rindu ke kitai udah nya nadai agi sayang bebi nyadi babi nama kangau" Ko jaku dalam ati Layra.
Udah tembu beberus ngeli nuci mua udah nya baru iya berendam ba tab ai nya tab baka orang putih nya meh ke selalu kena orang putih berendam mandi.
Layra alu tekenangka Ardo, bula ga ngumbai ati iya nadai tekinsit meda Ardo sapa-sapa orang indu meda Ardo sigi tekait. Layra narit seput iya laban enggai nesal pama udah nerima orang dalam pengidup iya laban iya sedar iya indu janda bisi anak, nemu orang ukai pemisi. Agi pan orang laki diatu nayuh agi ke jai nya, enggai baka ke udah bulih laki panas baran datai jari ngagai bini, jaku jai pengambih jaku jai pengambih utai jai utai sial aku magang ngempu ko jaku dalam ati Layra. Ai mata Layra alu naya enda sedar laban tekenang ke nasib iya bakanya.
#Betambung…
YOU ARE READING
TASIK BIRU
Romance( Cherita dalam jaku Iban ) Tiffany Argeulayra siku indu janda udah bisi anak siku. Tiffany tauka nama kangau iya Layra, iya mega selalu rindu macha cherita dalam novel, begaga ke cherita nyadi siku penulis tang semina nyadi penulis rindu ati a...
