TASIK BIRU
Gie Hermosa Roses
Part 6
LAYRA P.O.V
Naka meh pengesal atiku udah ga nyu laun datai ba din lagi ketegal jalai jim nadai geguna.
Bakani meh aku tu datai lagi ukai kala enggau orang mayuh macham aku tu anang nya pengerami orang kaya empu sekali aku ke orang nadai nama-nama tu datai ni enda berasai baka orang semut mit.
RICCARDO P.O.V
Datai aku ba dewan ditu baka biasa nyu buring meda orang ka pan enda nya ga udah pengawa, bala orang bisi ngemai tawing meh benung bejugit ayun lundai ( dansing baka orang putih).
Aku semina berandau enggau bala kebukai ke bisi datai malam nya, bala ke gawa nyadung ai semampai kin kia. Indu ke gawa nyadung ai alu nyua ke aku gelas panjai nya bisi berisi ai bisa jenama ari Vodka.
Enda lama udah nya bisi siku indu baru datai, gining-gining iya malik kiba kanan.
Sekali Dean alu nusi ba pending aku madahka nya Layra.
Patut aku asai ke ngelala tang malam tu baka ke ukai Layra tang nya meh Layra matahari ti terang manchar dunya kelebih agi atiku pengudah Layra datai dalam pengidup aku.
LAYRA P.O.V
Tama aku ngagai dewan nya ta gining-gining ngapa meh aku tu baka orang ke dadak nadai nemu utai ukai kala tudah jara.
Enda lama udah nya bisi siku indu tuai kira umur 50 bakanya meh iya, buk iya disanggul katas nyadi mua iya di sido iya udah ga burak ni enda bajik tajapan udah tuai. Tuchum iya pan manis aja tambah ke gincu iya warna merah peda ngeli iya burak. Baju gaun iya warna ijau tuai, kasut tunjik iya warna chelum naka meh penganta indai tuai orang tu sigi baka orang kaya.
"Tiffany kan?" Michelle.
"Au aku meh" Layra alu tuchum.
"Aku tu ibu Marthina menyadi indai kaban dik Thina nya. Aram enggau aku" Michelle alu narit lengan Layra.
Layra alu nitih ke pejalai ibu Marthina nya tadi.
Maya bejalai nitih ke singkang ibu kaban iya nya bisi ngasai baka ke bisi orang merening iya ta angat aja asai.
Layra tetap bejalai enggai malik kiba kanan, datai iya ba bala orang tuai kebukai benung rancak berandau alu ngetu meda Layra datai dia.
"Hai Layra terima kasih udah atai nganti Marthina. Indu nya kumbai dik ka iya enggau utai bakatu" Margaret iya nya indai Marthina.
"Hihi… sama-sama nadai ngawa nya aunty" Layra rindu meda indai Marthina tajapan udah berumur tetap bajik. Marthina udah 30 umur empai meh belaki.
RICCARDO P.O.V
Aku nyu enda ninga ke orang berandau enggau aku agi tembu engkining Layra ti benung rancak berandau enggau bala iya.
Lentik tubuh iya chukup manah, Udah ga ngena baju gaun seksi bakanya ni enda meri aku enseput tinggi enda asai seput aku.
Rindang udu meh iya nyu ketawa dia neh, buk iya panjai nya dikesai ke iya belama. Bala mayuh sigi ngagai iga magang meh mata mula iya tama tadi.
Hmm… bakani ke enggau dik lagi Layra alah bulu belama aku pama meda iya.
Iya ukai nya kedeka aku ukai ciri-ciri kedeka aku indu tinggi ka aku enti iya nya pandak ari aku, enti ciri-ciri iya kebukai sigi bisi iya tama dalam senarai kedeka aku iya nya burak, bajik, lucu, mangah dia magang meh tang nya aja meh nyalah iya pandak haha..
"Ardo nama dik tetuchum bisi endar tu?" Andrian nanya Ardo laban ari tadi Ardo nya tetuchum.
"Ah!? Nadai pan ta nyangka orang ngapa" Ardo.
"Erm… nemu meh aku orang nya. Orang nyin nya meri iya tetuchum" Andrian.
"Nasib dik nemu" Ko Ardo ga.
Bala orang alu mula makai nyadi sida Layra agi berandau tu tadi empai enggau orang makai engka agi ngelak ke orang dulu, taja pia Layra tu sigi antu makai belai malik ngagai endur pemakai nya nyu nelan riur iya meda utai dempa disediaka orang nyenyamai magang ni ka tan ati iya.
Ardo alu ketawa laban nemu Layra ngining meda pemakai nya tang enggai nyadi laban bala dia agi berandau enggai nyadi ga alu angkat nyu enda mereti ga asai.
Ardo alu mansang ngagai Layra laban deka ngemai Layra makai sama-sama.
"Hai aunty ulih aku minta Layra enda lama?" Pia ko Ardo megai lengan Layra.
"Eh dik pia Ardo. Bai meh nadai ngawa" Ko Michelle.
Layra tu deka ngesaika lengan iya ari digenggam Ardo laban meda orang mayuh nyu merening seduai iya enda belilat. Bala orang indu nibuh kira ta mangah mua merening.
"Erm.. Peperening ta acuk leka mata nya neh" Ko Layra bejaku iban ngicaka orang enda nemu jaku iya.
"Anang munyi nya dik enggai ke dik kena laya orang ba luar kumbai dik orang kaya magang ditu" Ko Ardo nimbal iya ngena jaku iban.
Layra alu tekenyit ninga Ardo nemu jaku iban.
Layra alu nguji ngesaika jari Ardo ari majak megai iya mansang ngagai meja endur utai dempa nya.
"Oh reti iya dik nyindir aku ke miskin tu meh!?" Ko Layra nyubit jari Ardo.
"Nama aku bisi nyebut nama dik tadi?" Ardo.
"Leka ke jari aku endai dadak!" Layra alu mandam tengan bau Ardo.
"Pedih nemu dik. Dik tikau aku ngagai katil dik lagi" Ardo alu tuchum.
Bala sida Andrian naka pengaga meda seduai nya tadi ke bepalu-palu enggau pangan diri, manis aja gaya seduai iya sweer Couple ko orang putih.
Datai ba endur utai dempa nya, Layra alu rerangap meda utai dempa nyu deka empa iya magang utai dia.
Ambi iya pinggai enggau sudu alu dambi iya meh utai dempa dia nadai iya ngira mulut orang deka bejaku, enti malu rapar ga rugi enda makai.
Ardo ke meda utai dempa Layra nyu penuh pinggai semina tuchum aja iya, Ardo baru nemu malam tu Layra siku indu ti orang gila utai dempa.
Ardo enggau Layra duduk berimbai makai, Malik Ardo ngagai Layra alu ketawa iya meda cokelat lekat ba tisi mulut Layra kelalu ka makai nyu enda sedar kediri kamah mua.
"Peda dik kamah mulut d" Ko Ardo madah enda alah kena tampar Layra baru.
"Ni buai neh" Ko Layra.
Ardo alu damping agi ngagai Layra, mua seduai iya semak amai nyentukka pengujung iya Ardo nyium mulut Layra. Layra ngenat aja nyepi diri di sium Ardo laban enda ngadang.
Lama diri Ardo nyium iya sekali ninga munyi orang betimbak, tekenyit seduai iya Ardo alu ngelalaika Layra ngagai belakang iya laban deka ngelindung Layra nyadi senapang alu dambi Ardo ari kucik tanchut iya.
Layra tekenyit meda Ardo bisi megai senapang, Dia iya ngingat ke cherita digaga iya nyu nyadi nyata ba depan mata iya empu.
Layra meda laki siku benung tegaring belumur darah engka kena timbak orang tadi, bala orang bujai nyu lari tadi takut enggai kena timbak.
"Belindung ba belakang aku" Ardo alu megai lengan Layra nuju ngagai pintu keluar.
Layra nitih aja jaku Ardo laban debai ati takut nyu gegetak pala patung iya nitih ke singkang Ardo. Sekali maya seduai iya benung deka pansut keluar alu bisi orang deka nimbak seduai iya tang Ardo dulu agi nimbak orang jai nya. Leka strum nya tadi alu pelanting kebukai laban Layra ditarit Ardo ngagai iya nyentukka Layra teberap ke dada Ardo.
#Betampung…
YOU ARE READING
TASIK BIRU
Romance( Cherita dalam jaku Iban ) Tiffany Argeulayra siku indu janda udah bisi anak siku. Tiffany tauka nama kangau iya Layra, iya mega selalu rindu macha cherita dalam novel, begaga ke cherita nyadi siku penulis tang semina nyadi penulis rindu ati a...
