TASIK BIRU

Part 3

     Malam ari lima nya sida Layra bela meresi ke kedai ngirup sida iya sebedau pulai bakanya mega enggau bos sida iya Marthina.
Semua orang alu bebayar pengudah tembu ngirup ba dia jam maya nya pukul 9 malam, ari lima sida iya tutup pukul 9:30 malam tang enti ari satu sampai ari 4 enggau ari minggu pukul 10 malam sida iya tutup.

"Sapa deka enggau aku ngagai LION CLUB lagi?" Marthina.

"Aku ka enggau sapa agi deka enggau?" Christi ngelentik ke jari iya nunjuk agai siku-siku.

"Dik enda enggau?" ko Helena nanya Layra.

"Ermm… ulih ga muai setehis kan" Layra alu ketawa.

"Pia meh. Lagi anak dik sangkai ke ba mak aku awak bisi kawan enggau anak madik ku nya ukai enda teleba seduai iya nya" Helena alu nyimpan penyapu enggau mop lantai ba stor.

LION CLUB.

    Datai ba endur paking kereta sida iya alu pansut ari dalam kereta naka penyegit meh sida iya tu tadi cuma Layra ketawa aja enda bejugit baka bala kaban iya kebukai.
Christi enggau Marthina nyadi Sira enggau Tanziana sida iya dulu bebaris sebedau tama ngagai Kelab nya, nyadi Layra enggau Helena nitih ari belakang.

"Nama mesti bebaris meh?" Layra nanya Helena.

"Au mesti ar kumbai dik Kelab sengapa tu bisi kelas iya empu tu. Kelab iya udah temu dik naka pemanah gaya iya" Helena.

"Urmm… Au ke aja meh" Layra.

Udah datai ba Layra penyaga pintu nya alu minta kad pemendar tama agai Kelab nya enti nadai kad sigi nadai ulih tama, Tang nya Layra baru tama ngagai endur nya nyadi semua nya Christi magang ngadu laban sida iya udah teleba kia.
Udah Helena tembu nyau seduai iya tama, tama ke dalam baka biasa meh petang semina bisi lampu kekelip nya nyadi orang mayuh bisi ke bejugit bekansar enggau pangan diri nemu meh kitai gaya orang dia bela happy munyi ko orang putih.

"Minta ai dik kami udah, enggau Helena baka biasa udah ditemu" Tanziana.

"Ai nama neh?" Layra tu agi ngelilaka orang tukang ngaga ai nya benung ngaga ai ke dipinta bala bukai.

"Ai meh pinta dik aja bisi magang ditu" Helena.

"Vodka please" Layra alu tuchum ngagai ke ngaga ai nya laban kiut amai mua iya dipeda Layra.

1 AM.

     Jam nyau udah nunjuk ke pukul 1 pagi tang ngasuh ranchak agi bala bukai bejugit enda tinggal mega bala kaban Layra tang agi bejugit duduk ba meja sida iya empai mansang ngagai endur orang bejugit kia.
Layra nyu nguap diri pemuas ke lama duduk udah nya ngayam telipun ga udah nya irup iya ga ai, deka iya bejugit lagi nyu lain ga asai laban bala kaban iya ukai kala meda iya bejugit.

RICCARDO P.O.V

     Udah tembu pengawa aku ba LION RESTAURANT aku alu ngagai Kelab aku laban deka muai tusut untak aku kelalu mayuh pengawa.
Tama aku alu mansang ngagai meja VIP empu, datai bala pelayan indu nanya ke nama ai deka irup aku.
Ardo alu nginsap sambil iya merening orang dalam Kelab iya sekali tepeda ke Layra iya, Layra benung duduk nunga bala kaban iya ke udah bisi tawing memagang semina iya aja nadai.

Layra nyu majak ngantuk, Pala Layra nyu baka pala manuk deka tinduk nya meh ka labuh angkat ke iya baru ga pala. Layra alu engkasik ga laban enda nakal chelap, udah ga chelap ni enda nyamai endur tinduk. Lama diri Ardo ngelilaka Layra tu tadi lama diri iya ngelilaka Layra nyu majak geram ati iya singin deka nyium Layra, Dipeda iya mulut Layra ari tisi ambih meh utai dipeda Ardo tu tadi ba Layra bai ati iya udah enda geram meda pemanah Layra ba mata iya.

TIFFANY ARGUELAYRA P.O.V

     Pemuas aku main pesbuk nyu enda nyamai asai, asai baka bisi orang ngelilaka aku. Malik ku Kiba kanan sekali tepeda ke laki suba nya. Patut enda nyamai asai aku tadi enda nemu nya iya ngelilaka aku.
Layra malik baru ngagai Ardo agi meh Ardo merening iya enda bekedip mata iya, pengujung iya di kelintuk ke Layra sekali iya enda liat ati Layra diperening orang ngasak amat bakanya.

"Sapa deka enggau aku bejugit aram!" ko Marthina. Tajapan umur udah 30 lebih tang agi ngancham Marthina ni iya ngira.

Nyau meh bala nitih ke iya semina Layra aja duduk ba meja sida iya dia, puas diri Layra nagang mata iya ngambi ke enda ngantuk nyau iya angkat deka ngagai jamban.
Datai iya ba jamban alu nuci jari iya alu ngadu ke sido iya nangika bisi teberak.
Udah tembu nya iya alu pansut ari endur jamban nya sekali kena tarit orang.
Nyu besandar ba dinding tudah Layra laban deju ke orang ngagai dinding.

"Minta puji endar dik" Ardo.

"Nama ko dik minta puji. Kasih utai dadak!" Layra alu nampar kuyu Ardo.

"Berani dik nampar aku neh. Sayau gamal sigat aku tu kena tampar" Ardo alu deka nyium Layra tang Layra malik kebukai enda alah disium orang laki enda dikelala.

"Udah dik? Aku ka pulai" Layra.

Tang jaku Layra nya tadi alu tunda Ardo baru, Layra alu nampar Ardo baru kedua kali iya laban Layra enggai orang ngemeli ke iya endang sigi ka mangah iya kelebih agi orang enda kelala.
Layra alu nyau ari endur nya ninggalka Ardo siku aja dia, Tudah Ardo tu tadi agi megai kuyu iya laban udah kena tampar Layra.
Ardo semina tuchum aja laban bai ati iya bisi tekait ngagai Layra sabar aja enggau Layra.

"Kini dik tadi?" Christie nanya Layra.

"Ngagai jamban aku" Layra.

"Nama lama udu ngagai jamban?" Sira nanya Layra laban ke irau ngagai Layra udah ga tudah Layra baru kia engka ta tesat pia ko jaku.

"Ka enda lama enti dikacau laki bangka nya tadi" pia ko Layra.

"Sapa laki bangka nya padah ngagai aku lagi sepi iya" Tanziana alu malik Kiba kanan.

Layra alu nunjuk ngagai Ardo ke baru datai duduk ba meja VIP iya tadi, dia meh bala enda memunyi ngasuh nyu gaga.
Enti ku baka dik ka aja aku dikacau laki sigat nya ko bala iya ga, Sabar aja meh ko Layra dalam ati.
Nyau sida iya pulai malam nya, Layra alu tinduk sekali ba rumah Helena.

Pengudah sida Layra pulai. Ardo pan mulai kediri ga nyu enda nyamai nadai meda Layra nadai dia agi, datai iya ba rumah alu mandi udah nya alu begari.
Gali iya ba katil alu ayas mua Layra meh dulu dipeda iya, tekenang kediri kena tampar Layra tadi alu tuchum ga Ardo nyentukka iya tetinduk sampai ke pagi.

#Betampung…