TASIK BIRU
Gie Hermosa Roses
Part 8
Ujung minggu.
Ari minggu nya Layra ngemai anak dara iya ngagai Gereja, Ari minggu sigi selalu tengahari iya datai keja laban pagi nya iya selalu ngagai Gereja.
Datai ba Gereja iya alu making ke kereta iya ba tisi sigi endur making ke kereta.
"Selamat pagi Layra" Pastor Mathew.
"Eh.. Selamat pagi pastor" Layra alu betabi jari enggau pastor Mathew.
Bala orang mayuh datai making ke kereta, dalam gereja pan orang mayuh udah. Enggai muai masa Layra duai anak iya alu tama ke dalam.
…
Tengahari nya, Layra enggau anak iya pulai ari gereja alu nuju ngagai kedai endur iya gawa dia. Mayuh amat orang datai kia sigi nadai nemu nadai orang.
"Tiara..!" Ko Tanziana alu ngambi Tiara.
"Aunty.." Ko Tiara alu nyau meh iya enggau ibu iya Tanziana.
Layra alu engkah ke beg iya ba atas meja endur sida iya empu laban deka ngirup dulu nyu rapar laban pagi tadi nadai asai deka ngirup.
"Bisi ditu sulu dik" Ko Helena nganjung ai teh c peng Layra.
"Sapa suluku?" Layra.
"Nyin sida iya ba tisi amat" Helena alu tuchum laban antara dia bisi narit ati Helena.
Layra alu geginau nilik sekali tepeda ke Ardo benung ngelilaka iya, Sama-sama betaut meh mata seduai nya tadi.
Ardo alu ngenyit ke mata sepiak iya alu tebatuk Layra jejampat iya ngirup ai laban sedekan makai kue.
"Baya nguntik" Layra bejaku engkining ngagai Ardo.
Ardo alu mansang duduk ba depan Layra, kelilaka iya dulu Layra empai bejaku. Layra laban ke enggai kiruh ke Ardo ta makai kue nya aja meh iya malik kebukai.
"Enda nemu lubah makai kue nya ni enda ambih tebatuk" Ardo.
"Ni ko aku meh" Layra alu ngelintuka Ardo.
"Ni ko aku meh nya aku ngerara. Mangah amai nama enda ulih lembut agi kah?" Ardo.
"Sapa dik ngasuh aku lembut enggau dik. Aku minta dik anang ngacau aku ulih. Badu nyeruga aku agi meri aku pedih pala aja ngelayan dik tu" Layra alu angkat ari bangku iya ngelarika Ardo.
Ardo semina ninga aja enda angkat ari meja nya tadi, Bisi pepedih ga ati Ardo ninga jaku Layra nya tadi tang iya empu enda nemu nama kebuah iya enda ulih enti enda meda Layra enda nundi Layra.
Bala orang ke ngirup ba dia merening seduai iya nya meh bala betusi enggau pangan diri dia berandau ke seduai nya kelebih agi Ardo kelimpah ari Melanie nadai indu bukai deka dilayan Ardo.
Marthina meda Layra ninggal ke Ardo kediri dia nyu berasai sinu ga ati iya laban nemu Layra tu ukai orang jai enda nyaga ati orang tang iya tu takut deka nerima orang baru ngagai pengidup iya laban ati iya balat amat telih.
Marthina alu mansang ngagai Ardo, Dia iya alu madah ke Ardo anang kelalu ngambi ati serta ngalah diri ari ngambi ati Layra.
"Ti aja meh jaku aku mesti diingatka dik. Mula aku ngelala Layra iya datai keja ba aku iya lain ukai baka kediatu. Udah kelalu telih ati iya nya enti dik udah nemu cherita iya kebendar amai dik engka baka Layra meh" Ko Marthina.
Udah nya Marthina alu angkat nuju ngagai kaunter, Ardo alu pansut ari kedai ngirup nya alu tama ke dalam kereta.
Jaku Marthina seruran bemain ba untak iya, Tang Ardo berasai salah ga iya laban enti iya majak ngacau Layra nyu majak salah ga laban apai iya deka nyatup iya jadi enggau Melanie.
Ardo alu nyau ari endur nya nadai malik agi ngagai kedai endur Layra gawa.
"Sapa aku..hah! Aku sapa deka ke iya. Layra nya ukai baka Melanie pun!" Ardo alu malu stiring kereta.
…
Layra alu engkining ngagai tingkap meda Ardo nyau ari nya bisi ga asai ati iya sinu, Bula ngumbai ati Layra enda telih laban iya nyu mula bisi ati ngagai Ardo tang enti iya majak nyu makin telih ati iya, Agi pan ukai Layra nemu latar belakang Ardo sida iya nya sebilik anang orang kaya nampuk deka menantu ke orang nadai pemisi datai baka aku sempama gari utai ngapa dikena ngendas penepas tapa tang kita disema kain tenun pua dianchau ngenah nyedia pedara.
Tang biar meh nemu abi telih nya rangkai kediri nemu suman, Lebih penting agi iya nya anak aku nya aja. Dalam pengidup aku semina keja enggau anak aku aja umbas nibuh orang laki datai dalam pengidup aku.
…
SEBULAN UDAH NYA.
Sebulan udah Ardo nadai ngacau Layra, Layra pan sedar ke Ardo udah nadai dipeda iya agi kini enda Ardo pan Layra enda kiruh tang majak iya nadai meda Ardo ati iya berasai seilu-ilu.
Baka ke lemai tu mata panas nyu nurun senurun deka datai ke malam, Layra pansut ngagai balkoni keluar laban ba sadau nya bisi endur ngirup lemai meda pemandang dunya. Ribut ati diri aja lemai nya nyamai amat sambil Layra narit seput, gelas ke berisi ai kupi nya alu dengkah ke iya ba atas meja. Layra alu duduk ba bangku sambil meda bukit ari jauh laban rumah sewa endur iya nya ulih meda bukit tang jauh endur nya ari rumah iya. Ati Layra betanya kediri empu kini penunga Ardo, nyu enda betah Ardo.
"Mami.. Bisi orang meri dik bungai tu" Tiara alu nyua ke Layra bungai ros warna merah dihias enggau manah bisi anak patung jugam warna burak megai bentuk buah ati.
"Pei! Nama dik muka pintu ngapa kati enti orang jai nya baru dik" Layra alu nganu anak iya.
"Nadai orang tadi. Aku ka ngambi mainan aku ba bangku luar sekali meda bungai" Tiara nyaut indai iya Layra.
Layra alu meda kad nya bisi diselitka ba bungai nya alu dambi iya meh nya.
"I miss you.." Nya meh jaku ke bisi ditulis dalam kad nya tadi.
Layra alu tuchum laban iya sigi nemu nya ari Ardo, Sekali ninga munyi loceng pintu ari luar nyau Layra belanda deka muka pintu.
Pengudah iya muka pintu sekali meda Ardo benung tuchum ba mua pintu baka selama sigi sigat belama, Layra alu merap Ardo ngasak amat udah nya nyu nyabak Layra kelalu dibai ati iya enda betah ke Ardo.
"Ehem!.." Bisi orang nyedar ke seduai nya tadi.
Layra alu ngeleka kediri ari majak merap Ardo, malik iya ke kanan meda orang tuai bisi dia.
"Err.. Tu ini ku iya ka meda dik" Ardo.
"Dalam kitai berandau nyu pedih patung aku lama bediri" Rafflesia.
"Hihi.. Bah aram tama ini" Layra.
Inik Ardo alu engkining utai kin kia meda utai ba bilik Layra udah nya tepeda ke Tiara, Kangau ke iya Tiara laban ini Ardo sigi rindu ke anak mit.
"sapa nama dik uchu bajik?" pia ko tanya ini Ardo ngagai Tiara.
"Tiara nama aku ini" ko Tiara nyaut iya endang sigi pandai nyaut orang enti orang nanya iya.
Ardo enggau Layra ba dapur laban deka ngaga ai oren, Ardo alu merap Layra ari belakang empa penenda betah iya nuju Layra. Layra semina tuchum aja enda seduai nemu ini meda gaya seduai nya tadi.
Ini Ardo tu iya manding ke Ardo enggau sapa iya begulai bepangan enggau orang indu ngelamatu tang Ardo enggau Layra tu lain amat deka amat ati Ardo tang apai iya majak ngasuh jadi enggau Melanie. Tang kediatu ini Ardo agi deka nguji deka meda gaya Layra enti ngam dipeda mata sigi ulih idup enggau Ardo pia ko jaku dalam ati ini Ardo tu tadi.
#Betampung…
YOU ARE READING
TASIK BIRU
Romance( Cherita dalam jaku Iban ) Tiffany Argeulayra siku indu janda udah bisi anak siku. Tiffany tauka nama kangau iya Layra, iya mega selalu rindu macha cherita dalam novel, begaga ke cherita nyadi siku penulis tang semina nyadi penulis rindu ati a...
