TASIK BIRU

TASIK BIRU part 4

TASIK BIRU
Gie Hermosa Roses

Part 4

     Pagi ari satu nya Melanie dek ngagai opis Ardo laban lama enda meda Ardo nyu enda betah iya, pagi nya nganta amat Melanie ngica ke Ardo rindu ke iya.
Udah iya tembu udah nya iya alu tama ngagai kereta deka nuju ngagai opis Ardo.

LION LEGACY.

     Datai ba dia Melanie alu tama ngagai Lion Legacy kia, Datai iya ba depan kaunter alu disambut Zara laban sigi udah tugas iya ba kaunter depan kelebih agi enti orang bisi ngiga bos sida iya Ardo.

"Selamat pagi miss Melanie" Zara.

"Riccardo bisi ba opis iya kah?" ko Melanie nanya Zara.

"Au bisi iya ba opis iya empu" Zara.

"Au terima kasih" Melanie.

Melanie alu niki katas ngena lif agai tingkat atas nuju opis Ardo, datai iya ba tingkat atas pintu lif alu tebuka.
Datai iya ba mua pintu opis iya alu muka pintu nadai nemu ditengkuk dulu pintu madah kediri deka tama.

"Sulu…" Melanie lelentik tama tuchum manis.

"Nama ga dik kitu. Aku sibuk saritu" Ardo agi nanda utai ba kertas nya.

"Sigi kitu enda betah dik nya meh kitu ka meda mua sigat dik" Melanie mansang ngagai belakang Ardo udah nya alu diurut iya tengan bau Ardo awak ke Ardo enda lelak meh nya.

Ardo semina ngenat aja diurut Melanie ba tengan bau sambil nya iya nanda kertas ke mesti ditanda sebedau tengahari lagi laban nya deka dianjung ngagai apai iya.
Kira sejam lebih bakanya baru iya tembu nanda alu ngecop kertas nya.

"Hmm…" Ardo alu nyandih ba bangku iya laban nyu penat diri pegu iya.

"Udah tembu kah sulu?" Melanie.

"Urmm.. Udah" Ardo mejam ke mata iya sambil besandar ke pala iya ba bangku.

Melanie mansang ngagai Ardo alu duduk nyakah ba pah Ardo, nyadi kedua-dua jari iya panggai ke iya ba tengan bau Ardo sambil iya tuchum merening mua Ardo ke agi mejam ke mata.
"Kasih amai sulu aku tu lelak" Melanie alu nyium mulut Ardo. "Lelak meh tu nya mesti deka dibuai" Ardo alu tuchum singit.
"Aku nemu bakani deka muai lelak nya deh…" Melanie alu muka baju iya udah nya nyadi meh pengawa seduai ke deka muai lelak Ardo tu tadi.

"Ni bos aku bisi utai deka padah ngagai iya" Justin.

"Shhh.. Anang guai. Bos agi ngelayan indu suntung nya dulu" Andrian magang Justin nangi ke muka pintu nya.

"Bisi dia ga indu suntung nya" Justin alu enda rindu pama Melanie bisi dia.

"Dia meh iya nya. Agi pan apai iya tadi ngasuh aku madah ngagai Ardo ngasuh nganjung iya makai kerumah sida iya. Tu bakani deka madah enti nyu baka uduk" Adrian.

"Kan manah enti iya enggau Layra" Justin ngiling pala.

12:00 AM.

     Tengahari nya anak Layra pulai ati sekula sertai enggau ibu iya Helena laban bela ngambi anak madi iya Sandra. Datai Tiara ba kedai SECRET BAKERY dia iya alu belanda merap mak iya Layra.

"Mami…!" Tiara alu merap tubuh mak iya laban ke agi mit enda ulih berap iya amat nak iya nya tadi.

"Pu… Badas amai mua anak aku datai ari sekula nyu perunsai aja buk nya" Layra ngeraju ke anak iya.

"Perunsai meh laban aku tadi main enggau kaban aku tadi" Tiara alu ngaduka kantung sekula iya ba atas meja sigi endur selalu iya duduk nya.

Layra alu nanya ke nama utai deka empa anak iya sebedau mak iya pansut enda lama ngiga utai dempa ngagai endur bukai, udah nya bala kebukai alu mesau utai dempa sida iya ngagai Helena. Kedai sida iya nya semina bisi ngaga kue aja nadai bejual ke utai dempa baka mee tauka asi.

Seraya ke nganti mak iya datai meli utai dempa, Helena ngasuh Tiara nganjung botol ai amat ngagai meja 5 kia laban nya ulih dianjung iya lempung botol mit.
Tiara alu angkat nitih ke jaku Helena laban sigi udah teleba Tiara tu nulung bala dia awak iya nemu ngereja, datai iya ba meja numur 5 dia iya alu ditanya bala orang laki dia.

"Nya tadi mak dik kah mang?" Dean.

"Ukai nya aunty aku. Mami aku pansut meli utai empa aku" ko Tiara nyaut kiut munyi iya bejaku nimbal orang.

"Au kiut amai. Sapa nama dik deh?" Dean nanya baru.

"Tiara nama aku baka nama mami aku lah. Nama mami aku Tiffany" Tiara alu mansang baru ngagai ibu iya Helena.

Dean alu merening kaban iya Adrian, Justin enggau Melvin. Sida iya alu tuchum aja laban sigi rinduka anak mit kelebih agi nya anak Layra.
"Enti Ardo nyadi apai iya nyadi meh iya dibai kitai main" ko Melvin merening ngagai Tiara ke agi nganti duduk ba bangku seraya mak iya datai meli utai dempa.
"Tang gaya bos kitai nya baka ke ati diri aja peda aku?" Adrian nanya kaban iya. "Entah meh mar ga orang baka iya nya" ko Dean.

RUMAH RUSSEL.

     Ardo tama ke rumah nyadi Melanie tu nitih ari belakang, datai ba dapur meda bala apai indai iya udah nganti ba meja makai.
Bala madi iya indu laki pan bisi dia, madi iya ke indu nya ke benama Rachel sigi enda entu ka iya meda Melanie tu.
Sida iya alu mula makai, Rachel nyu semadi ka berimbai enggau Melanie ka pan enda tat ke aja meh.

"Nama berita apai dik endu?" pia ko tanya Russel apai Ardo.

"Manah aja iya deh ayak. Baka biasa kelalu kisuk laban pengawa iya" Melanie alu tuchum.

"Au sigi baka nya. Enda lama da nyu ka mayuh meh pengawa iya dibai aku" Russel.

"Au pia. Nama enda meh pengawa nya neh?" Melanie.

"Deka ngaduka seduai Ardo udah lama begulai manah alu jadi enda pia ya" Russel.

Ardo alu badu nyuap asi pengudah ninga jaku apai iya munyi nya, sudu nya alu diengkah ke iya ba pinggai.
Russel alu nanya Ardo nama iya ka tauka enggai tang ba penemu Ardo nama utai udah disebut apai iya enda kala enda nyadi.

"Aku empai bisi pikir ka kia" Ardo.

"Kemaya dik deka kahwin deh enti majak bakanya aja. Aku majak tuai kitai enda tau nadai anak laban sida iya nampung keturunan kitai" Russel.

"Aku madah empai empai meh nya!" Ardo alu angkat ari bangku.

"Aku enda ngira dik ka tauka enggai dik mesti jadi enggau Melanie nya jaku pemutus ari aku!" Russel merak iya.

Melanie semina ngelilaka Ardo lari ari dapur, udah nya sambung iya baru ga makai enda alah iya kena danu apai Ardo.
Ardo alu tama ngagai kereta nya alu nyau meh iya ari luar rumah apai iya. Mua Layra alu main ba pikir iya ni iya bisi ati deka kahwin enti ati iya udah bisi siku da tama ngagai pengidup iya.

#Betampung…