TASIK BIRU

TASIK BIRU part 12

TASIK BIRU
Liveanne Gie

Part 12

SEBULAN PENGUDAH NYA.

Pagi nya Layra laun mimit datai kerja laban nganjung anak iya ngagai sekul laban ke indai Helena ngagai sepital tumu pagi puasa enda dasuh lutur makai laban deka ngambi darah.

8:15 pagi.

Layra tama ngagai endur iya keja alu mayuh orang ke mana iya ngucapka selamat hari pengada ngagai iya, bala pekerja laki indu bela ngucap meh bisi ke meri hadiah dalam kotak mit ni ke besai meh. Nya meh tudah Layra tu tadi berikun-rikun tudah iya ngemai hadiah ari bala sama iya gawa dia, jaku terima kasih nadai nemu ngetu laban iya tekenyit serta gaga ati bala segulai enggau iya gawa ngingatka hari jadi iya saritu.

Datai Layra ba ofis iya empu, sekali tekenyit baru ga iya meda bilik ofis iya ta penuh enggau hadiah bungai enggau hadiah kotak ni ke besai ni ke mit meh, apuu.. Udah tau aku bejual ke bungai udah tu ila nyu bangat nadai jalai laban bungai tu nyu ngeraju ga tu ko Layra bejaku.
Bisi bungai ros warna merah nya ba atas meja iya alu bisi siti kad alu baca Layra.

"Happy birthday fireflies. Bisi kotak warna pink ba sepiak bungai ros merah tadi nya kena malam lagi au enda sabar deka betemu enggau sayang."

Alu tuchum Layra macha jaku Ardo dalam kad mit nya tadi. Layra alu ngaga kerja iya ba dalam laptop iya laban malam lagi iya bisi pengawa.
Tengahari nya Layra enda ngirup tengahari laban deka ngerumban ke pengawa iya ke bedau tembu nya.

5:00 lemai.

Arghh!.. Nyamai amat ngeliat baru puas ati pengawa udah tembu. Pukul berapa diatu pey!? Udah pukul 5 lemai akai.. Bakani tu neh hadiah tu mayuh amai nyu beringku aja meh aku tu ka pan enda ngangau ke sida jegit nya meh tu.
Layra alu ngambi telipun iya deka ngasuh bala kaban iya datai nulung iya udah nya iya alu mesej ba wasap grup sida sekaban.

Layra: " hai jegit ku semua ulih kita nulung aku?"

Tanziana: "nama utai nya?"

Helena: "ka pulai meh kami tu tumu kami tutup saritu nama utai deka ditulung kami tu?"

Layra: "nulung aku ngemai hadiah aku dalam ofis aku ditu nyu baka siti kedai tu agi pan aku berumban laban Ardo deka ngemai aku pansut malam tu"

Marthina: "wahh!.. Ulih aja tu nulung gaga endar Tiara meda hadiah nya lagi anang aja bisi hadiah utai orang laki nya, nya baru tekenyit Tiara meda hahaha!"

Layra: "empu dek Mar enti bisi hoho"

🌻🌻🌻🌻🌻

Malam nya Layra enda pulai kerumah laban bisi siku indu sigi orang ngadu ke pisin baju enggau nganta ke orang, keterubah nya tekenyit Layra meda siku indu nya tama ngagai ofis iya alu ngasuh nitih ke iya udah nya tama ga ngagai kereta indu nya ka pan enda nitih aja.
Saritu Ardo nadai telipun tauka mesej, dipeda nadai meh batang idung Ardo nya engka bisi pengawa ba luar.

Enda lama udah nya datai ba rumah Ardo empu seduai iya nya tadi, datai ba rumah Ardo nyu sakai tudah Layra laban rindu meda rumah Ardo nyu baka istana sida raja bangat memesai nya udah ga kawasan iya naka pemesai bisi bungai agi nya.
Layra enggau indu ke benama Saria nya alu ngagai pangking siti, nya meh Layra enggai bebadu ngelila utai dalam pangking nya udah ga katil besai bisi ikun agi udah ga dinding ba pangking nya warna pink.

"Mandi dulu Mrs Riccardo sebedau aku mula nganta ke dek lagi aku nyua ke dek baju tanchut dalam dek lagi" Saria.

"Layra au empai nyadi bini Riccardo" Layra ngangkat ke bulu kening kanan iya ninga Saria ngangau ke iya Mrs Riccardo.