TASIK BIRU

Part 2

Pansut sida empat nya ari kedai wangi nya tadi alu pansut nuju endur paking laban bos sida iya agi nginsap ba tisi pintu kereta.

"Bau endar wangi tu" ko Dean nyium bau wangi ke baru beli iya tadi alu dipancit ke ya ba semua tubuh iya.

"Nya meh minyak wangi iya udu jampat ambih" ko Andrian enggai kiruh ke Dean.

"Ni ko aku meh" ko Dean.

Sida iya alu ketawa, datai ba bos sida iya alu tunchum aja sida iya laban teringatka indu baru ditemu sida iya tadi.

"Bos aku bisi indu deka dikelala aku ngagai dik. Bajik iya" Andrian.

Riccardo semina nginsap aja enda nyaut Andrian, sida 4 nya aja ke kucah-kucah madah ke Layra tu bakani gaya gamal Layra tu tadi.

"Vin, udah temu dik latar belakang Layra?" Justin.

"Anang guai nganti dulu. Okay udah nganti aku macha dulu" Melvin.

Kira berapa minit bakanya sida nganti Melvin tu macha latar belakang Layra alu empai ambih sida ke nganti ngelama nya.

"Apuu.. Nama bangat ngelama nya tu ko ku" Andrian.

"Okay aku macha ke kitai sedia?"

Nama:Tiffany Arguelayra Winston
Umur: 28 Tahun
Status: berkahwin

Melvin alu badu macha, semua sida iya bela enda memunyi ninga status berkahwin. Sunyi sepi baka bisi melikat mansa.

"Nyamai? Alai kita 4 kahwin enggau iya" Riccardo alu tama dalam kereta.

Sida 4 nya alu tama ke dalam kereta enda alah tinggal ke bos sida iya tang agi enda memunyi engka sinu ati deka ngiga bini ke bos sida iya ke udah majak tuai nyu 35 udah umur iya.

***

2 minggu pengudah nya.

Ari ujan bangat amat labuh baka ke nemu ati Layra benung sinu ngenangka diri udah enda begulai sejalai enggau laki iya ngelamatu, Tegenung manah iya ngingat ke masa lalu iya.
Malam nya kira pukul 9 malam kedai ngirup endur Layra keja nya tutup.
Bala sekeda iya udah pulai laban sida iya nitih ke jadual sapa nutup kedai saritu cun-cun maya nya kena ke Layra.

Udah tembu semua pengawa iya alu madam ke api baru iya pansut, maya iya deka ngunci kedai nya datai laki iya kia.

"Sulu... Enda betah dik aku. Enda nyamai aku nadai dik" pia ko laki iya Stiven.

Layra enda kiruh ke laki iya tembu ngunci kedai udah nya bejalai alu deka pulai laban rumah sewa iya enda jauh ari endur iya keja, Stiven tu meda Layra enda kiruhka iya alu ditarit iya ngasak amat jari Layra ta genggam iya amat-amat.

"Leka ke jari aku pedih nemu bangka endar dik tu!" Layra kekusil deka ngelepaska jari iya tu tadi ari digenggam Stiven.

"Sanggup dik idup nadai aku. Meri meh aku peluang kedua kali" Stiven alu deka merap Layra tang Layra alu lari.

Stiven alu enda liat ati meda Layra majak enggai kiruh ke iya alu digagai iya Layra.

"Jaga dik legi. Enti aku bulih d legi pedih dik bangat ta nadai kiruh ke aku dik!" Stiven tetap ngagai ari belakang.

Layra belanda ngasak amat sambil ke belanda sambil nya meh iya malik ke belakang meda Stiven, tudah nyu seput-seput belanda.
Enda lama udah nya sekali alu telantak ke orang Layra.

BUKK!!.. labuh teterap.

Layra angkat jampat alu belalai belakang siku laki nya tang enda iya nemu nya sapa, Riccardo tu ngenat aja meda ulah Layra ke belalai ba iya.