အာဏာရှင်ဆိုးကြီးနှင့်သူ၏အချစ်​တော်ငါး​​လေး[U+Z]MM Translation

Chapter 4 :ငါးအရသာဝက်သား​ကြော်

《UNICODE》
Li Yuလီယွီ- ငါးကြင်းလေး

Mu Tian Chiမုထျန်းချီ /ကျင်ဝမ်- MLရဲ့နာမည်ရင်း/ဘုရင်ဘွဲ့နဲ့ခေါ်တဲ့နာမည်( ကျင်=ဘုရင်ဘွဲ့နာမည် ၊ ဝမ်=ဘုရင် King)

ဝမ်ရှီ- ကျင်ဝမ်ရဲ့အ​စေခံ

Li Yuရဲ့ ကျင်ဝမ်ကို ကပ်ဖားရပ်ဖားလုပ်ချင်တာက လုံးဝကြီး အကြောင်းမဲ့သက်သက်တော့ မဟုတ်ဘူး ။

သူမူရင်းဝတ္ထုကို အစအဆုံးဖတ်ပြီးသွားလို့ Mu Tian Chiကရက်စက်တဲ့ အာဏာရှင်ဆိုတာသိပေမယ့် မူရင်းဝတ္ထုအစမှာတုန်းကတော့ သူကဒီလို မျက်တောင်မခတ်ဘဲ လူသတ်တက်တဲ့သူမဟုတ်သေးဘူးဆိုတာလည်း သိတယ် ။

Mu Tian Chi ကျင်ဝမ်အဖြစ်နဲ့နေတုန်းက အလွန်ဆုံးအေးစက်စက်နဲ့ တစ်ကိုယ်တည်းဘာမှဂရုမစိုက်ဘဲနေတက်တယ် ။ သူ့ရဲ့ မွေးကတည်းက ဆွံ့အမှုကြောင့် ထီးနန်းဆက်ခံခွင့်ကနေ စွန့်လွှတ်ခဲ့ရတယ် ။ ဒါ‌ပေမယ့် ဒီလိုထီးနန်းရဖို့ ရာခိုင်နှုန်းအနည်းဆုံး ဖြစ်တဲ့မင်းသားကနေပဲ ဧကရာဇ်အဖြစ်ကို တစ်လှမ်းချင်းလျှောက်လှမ်းလာခဲ့တယ် ။ လမ်းတစ်လျှောက်မှာလည်း နန်းတွင်းရုံးတော်နဲ့မောင်းမဆောင်နှစ်ခုလုံးကို သွေးထွက်သံယိုသွေးအလိမ်းလိမ်းနဲ့ ဖြစ်အောင်လုပ်ခဲ့ပြီး တိတ်ဆိတ်အေးစက်တဲ့ဘုရင်ကနေ တစ်လောကလုံးကကြောက်ရွံရတဲ့ သွေးအေးရက်စက်တက်တဲ့ အာဏာရှင် ဧကရာဇ် အဖြစ် ပြောင်းလဲသွားခဲ့တယ် ။

ဒီလိုပြောင်းလဲသွားခဲ့တာမှာလည်း တစ်ညတည်းနဲ့ပြောင်းလဲသွားတာမဟုတ်ဘဲနဲ့ ၊ စကာလုံးနည်းနည်းနဲ့တောင် ရှင်းပြလို့မရနိုင်တဲ့ စိတ်ပိုင်းဆိုင်ရာကြမ်းတမ်းတဲ့ အကွေ့အကောက်တော်တော်များကို ဖြတ်သန်းခဲ့ရတယ် ။ ဒီလိုအချိန်မှာ Mu Tian Chiကဘုရင်ဖြစ်နေတုန်းပဲ ရက်စက်တဲ့ အာဏာရှင်မဖြစ်လာသေးဘူးဆိုတော့ ဘယ်သူ့ခေါင်းမှ မဖြတ်ရသေးဘူးဆိုတဲ့ သဘောပဲ ။

ဒါကို Mu Tian Chiကြောင်ဖြူကြီးကို ဖမ်းလိုက်ပေမယ့် မသတ်ခဲ့တာကနေ သိနိုင်တယ် ။

ကြောင်ဖြူကြီး Mu Tian Chiကို ဝင်တိုက်ခဲ့တုန်းက Mu Tian Chiကအပြစ်ပဲပေးခဲ့တယ် ။ သူအပြစ်ပေးတာ မညှာတာတဲ့ပုံပေါ်ပေမယ့် အပြစ်ပေးပြီးနောက်တော့ လွှတ်ပေးခဲ့တာပဲလေ ။ သူကြောင်ကို နေရာမှာတင် သွေးအလိမ်းလိမ်း ဖြစ်အောင်မလုပ်ခဲ့ဘူး။ ဒီလိုမျိုးက သူဧကရာဇ်ဖြစ်လာတဲ့နောက်ပိုင်းမှာတော့ ဖြစ်မလာနိုင်ဘူး ။ အခုသူက လုပ်ခဲ့တဲ့လုပ်ရပ်အတွက် ထိုက်တန်တဲ့အပြစ်ကိုပေးရုံပဲ ရက်ရက်စက်စက်မပြုမှုသေးဘူး ။ သူ့လိုငါးတောင် ကျင်ဝမ်ကိုယ်တိုင်ကယ်ခဲ့တာဆိုတော့ ဒါကသူ့ ရယ်ဒီမိတ် လက်တွေ့ဥပမာပဲ မဟုတ်ဘူးလား ?