ليوم موضوعنا على كيفاش تبني شخصية تاعكي و تعمري وقتك بأشياء تفيدك
نبداو بإسم الله✦ ──
-لازم ديري لائحة تاع صوالح لي تحبي ديريهم و لي باغيا توصليلهم مثلا أنا نحب نرسم نخصص فالنهار وقت للرسم أو أني نحب نتعلم لغة جديدة نخصص وقت لو كان غيز نصف ساعة رايحا تفيدكي .
- الصحة تاعنا ضرورية بزاف إذا لازم تكوني تلعبي كاش رياضة أولا باش تخدمي طاي شابا و زيد تحسنلك مزاجك و لومبيونص... وزيد مام البشرة تاعكي تصفا
- لبنات لازم تثقفو راسكم تقراو كتب كاين روايات شابين كاين كتب تع تطوير الذات و و و...
- مستوى الدراسي تاني مهم علابالي كاين لي مكملوش قرايتهم إذا ولي لقرايتك لو كان غير فدار ديري جهدك باش توصل لأكبر مستوى .... لوكان غير باك... او أكثر ليسونس و لا دكتوراه علاش نون
- تعلموا من عند الأمهات تاعكم (طياب،تنظيف....)
- حسني علاقتك مع ربي سبحانو لأنها الطريقة الوحيدة لي رح تنجحك فأي حاجة تخربي فيها
- كوني دايمن لطيفة مع ناس و إنسانة واعيا متفهمة إذا كنتي أم جربي تفهمي ولادك وش خاصهم إذا كنتي أخت عاوني خواتاتك إدا طاحو فمشكل مش تمشي تفضحيهم و خطيك مالقيل و القال
- إذا عندك شخص فحياتك لازم تبني علاقتك عالإحترام منيش نقول متضحكيش و تلعبي معاه لكن كل شيء بالحدود عزيزتي و كرامتك فوق كل شيء
- متنسيش ثقةلي مدوهالك والديك إذا متخونيش ثقتهم مهما بلغ الثمن
سووووو هادا كل شي لليوم إذا عندكم نصائح أخرى نسيتهم كتبولي فتعليق ❤❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
