نصائح للعناية بجمالك حبيبتي. 1-قبل ما تدخلي دوشي بنص ساعة زيتي شعرك ... 2-اول حاجة تبدي بيها نزع الشعر قبل ما تكيسي و قبل ما تتفتح مسامات جسمك لأنو هادا هو سباب نقاط لي تجي في ساق و خروج شعر خشن، و زيد كي تنزعي شعر إنزعيه بنفس إتجاه النمو باش ماتكبرش المسامات, و كي تسالي حطي خل ابيض و لا ماء +ملح او ماء البحر اذا وجد يقلل من نمو شعر😚 مع الايام و نصيحة خطيكم من لاسيغ توسع لماسامات و تغلض شعر 🤢😰 3-و درك غسلي شعرك بشامبو و ما تمشطيش شعرك و هو مشمخ هنا رآهم قاع ماسامات مفتوحة حاجة باية غادي تنتفيه غادي قاع يطيح و تقعدي تندبي 🤗🤗 و ما تحكيش بدفرتيك الله يرحم والديك دلكي فروة رأس برؤوس الأصابع غير بالعقل 😉☺ كونك حنينة شوية هدا غير راسك ماشي رأس عدوك☺🤣 كي تكملي حطي ابري شومبوا و خليه في راسك .. 4-كيسي جسمك ماتقوليش مانيش مسخة الجسم تاعنا كل يوم كي تروحي ترقدي تتبدل طبقة الجسم سطحية يعني تتنحى القشرة الميتة و تتجدد ،انا وراسك ما تحكيش وجهك راكي غادي غير دريه ديريلو قوماج و غسليه بصابون الطرف روعة ..و تخرجي حطيلو زيت زيتون في الليل قلت في ليل ماشي ديرها في نهار تحرقي وجهك و تجي تدعي عليا😅 5- تقدري دركا تشلي شعرك و ديري جال دوش تاعك و تخرجي بالصحة و الراحة و نصيحة و حدخرا قبل ما تخرجي شلي بالماء بالبارد باش يبقى و جهك و جسمك مشدودين ❤💖 صايي خرجتي ارواحي وين هاربة روحي للكوزينة حطي لاتاي يغلي و الماء تاعو عمريه في قرورة بخاخة و بخي على شعرك (يقوي فروة الرأس و يغذي الشعر..)او (جيبي روز نقعيه في ماء مدة 15 الماء تاعو حطيه في بخاخة و ستعمليه كل يوم على شعرك 😍😍🤩 ) و كي تخرجي من دوش الله يفتح عليك ما تبقايش تعصري في داك شعر و ماتنشفيهش بالساش خليه ينشف على راحتو و ما تحكيهش بالسربيتة كي ينشف حطيلو سيروم ولا زيت و مشطيه 😎😍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
