جلد الدجاجة🐔 موضوع اليوم يعالج واحدة من أبرز المشاكل التي تعاني منها الكثير من الفتيات وكذا النساء☹ ألا وهو جلد الدجاجة أو جلد الإوزة🐓 لكن قبل مانطرقو للعلاج لازم نعرّفو أولا بهذا المصطلح وأسبابو👌 هوعبارة عن حبيبات صغيرة تظهر على الجلد خاصة في منطقة الذراعين و القدمين هذه الحبيبات في الحقيقة هي عبارة عن شعر محبوس تحت الجلد لونها قد يكون مائل إلى الأسود أو الأحمر مما يجعل جلد المرأة يأخد شكل جلد الدجاجة أكيد هي ذات ملمس حرش وتضيف مظهر غير جميل لشكل المنطقة مما يسبب احراج لكثير من البنات 💔والآن بعدما عرفتو وش هو جلد الدجاجة پاسكو كاين بزاف يعانيو منو لكن ميعرفوش اسمو نروحو لأسبابو : هناك أسباب رئيسية لازم كامل تكونو على علم بها: • أولا كاين واحد الپروتين اسمو الكيراتين تفرزو الطبقات الداخلية للجلد تاعنا لكن في بعض الأحيان تتفرز هذه المادة بطريقة مفرطة حتى تطلع للطبقة الخارجية اللي تحتوي على المسامات وتتكدس ثما وتغلق المسامات هاذ الشي ايخلي الشعرة ماتلقاش منين تخرج وتتكور تحت الجلد والإفراز المفرط للكيراتين يكون بكثرة عند وفترة بسبب التقلبات الهرمونية. • ثانيا طريقة نزع الشعر الخاطئة تضيق المسامات ونفس الشيء الشعرة تكون غليضة والمسام الضيق مايخليهاش تخرج. • ثالثا كاين بنات يعانيو من جلد الدجاجة من فترة لفترة يعني ماهوش كرونيك وبصفة عامة يقوى في فصل الشتاء لأنو البشرة تكون جافة وينقص في فصل الصيف كي تكون الرطوبة. •رابعا من أهم الأسباب هو العامل الوراثي. ⭕نحب نوّه أنو #لا فيروسات و أوساخ و تسبب هذه الظاهرة الجلدية.🌸 ••طرق_التخلص_من_جلد_الدجاجة: ✅نزع الشعر بطريقة صحيحة (قولولي إذا تحبو نحطلكم موضوع عليه). ✅الترطيب ثم الترطيب ثم الترطيب كيما قتلكم يكثر جلد الدجاجة في البشرة الجافة. ✅ : مثلا إذا عندك جلد الدجاجة في رجليك اطليهم مليح مليح بزيت الزيتون وامبعد غلفيهم (لفيهم) بپاپي سيلوفان وخليهم لمدة ساعتين وامبعد اغسلي بالماء مليح ونشفيهم لكن ماتغسليش بماء بارد اغسلي بماء دافئ ونشفيهم و امبعدا خلطي ثلاثة ملاعق سكر و ملعقة ملح و شوي عصير ليمون (تقدري تزودي الكمية على حساب الحاجة)وحطيهم وابداي التقشير قشري مليح مليح وامبعد اغسلي بالماء وإن شاء الله تلقاي نتيجة مرضية من أول استعمال👌وفي الأخير مابقى غير نقولكم إن شاء الله ايكون عجبكم الموضوع❤خليلولي أرآءكم❤وماتنساونيش بدعوة خير❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
