1_الاناقة لازم تكوني أنيقة المظهر❤🙃 2_صحتك لازم تاكلي وجبات صحية ومفيدة❤🙃 3_بدلي العقلية ما تحلبي حتى واحد ولا وحدة سيرتو صحابات ديري وحدة تاع القلب ولا خطيك منهم كامل❤🙃 4_كي تشوفيه العبيها ما شفتيش اضحكي العبي مع صحاباتك ماشي كي تشوفيه تولي كي بهلولة 🙄كي يفوت عليك كشغل ما فاتش ولي كي لحديدة❤🙃 5_اهتمي بلاطاي تاعك هي اهم حاجة وكولي مليح وتهلي في روحك وديفولي ❤🙃 6_كي تضحكي وتڨصري وتلعبي فالليل حطي راسك على لمخدة وتتفكري حوايج ضروك نوضي يالعزيزة توضي وابكي فوق السجادة واشكي لربي كلشي تعلمي كفاش تحكي مع الله عز وجل اي حاجة في قلبك قوليها راح يرحمك ويجبر قلبك باش صباح كي تنوضي تنوضي الاز فرحانة وتحسي بقلبك خاطر وسااع ❤🙃 7_كي تحسي بروحك ضعيفة نوضي روحي للمرايا واخزري في روحك وقولي انا قوية حاجة ما طيحني غير لخلقني قوليها ونتي تخزري في عينيك باش ديري ثقة في نفسك وهذيك الثقة تزيد تكبر فيك ❤🙃 8_قولي في نفسك انا بوڨوصة انا نهبل انا شابة انا زلة حاجة ما تخصني عاودي قوليها صحيتي عمري لي يحبني يحبني كيما راني بملاحتي وقباحتي ديريها مليح في بالك تكوني ضعيفة وسهلة الكسر لا تكوني امراة ضعيفة بسبب رجل خدعك خانك لعب بيك تخلا عليك اهملك شبعك كذب وخروطي بالعكس تفكري واش دار فيك (تعلمت بعد السقوط ياتي النهوض)الضربة لي ما تقتلش تقويك وصدقيني راح تكوني امراة حديدية صح حاجة ما تاثر فيك ما تخافيش يمهل ولا يهمل يخلصها غالية في الدنيا والاخرة❤🙃 10_كوني امراة بالف رجل لا تجعلي حياتك تتمحور حول رجل انت لا تحتاجي الى رجل بل انت رجل لنفسك انت امراة من فولاذ كوني اميرة لنفسك❤🙃 11_صلي واقري قرآن عمري وقتك وطالعي كتب تثقفي زيدي المعرفة طوري من نفسك كوني اميرة صالحة ....خليك خسارة لا تعوض❤🙃 12_اختي وحبيبتي وصديقتي ربي يفرحك ويعوضك ويعطيك حساب قلبك ولي باعك تبرعي بيه ولي بدلك بالفول بدليه بالفستق ولي هدرو فيك نقصولك من ذنوبك هذا مكان ولي خدعك قوليلو انا اصلا مانيش سامعة بيك يجي نهار تتمنى تلمح طيفي راني لالاك انا❤🙃 بوڨوصاتي ان شاء الله تكون فادتكم هاذ النصائح😊وما تبخلونيش بتفاعلكم 😍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
