سلام عليكم لبنات🥀💛 الكلام هدا موجه للي عندهم باك لعام لجاي يعني باك 2021 مشي 2020 بقا شهر ونص تقريبا على الدخول المدرسي ودوك يجوزو بلخف،سما لازم من دوك توجدو روحكم نفسيا اعرفو المعدل لي راكم حايين تدوه والاختصاص لي يناسبكم النية متنساوهاش انووا باش يكون هاد التعب وهاد للجهد لي راح تديروه في سبيل طلب العلم لي أمرنا بيه ربي اتوكلو على ربي من دوك وادعوه من دوك باش يوفقكم ويسرلكم الأمور اتقربوا ليه-بصح مشي علاجال النجاح برك فالقراية- لازم الثقة،أولا في ربي بلي راح ينجحكم يعني ادعوا بيقين وثانيا الثقة في نفسكم وفي قدراتكم وفواش تقدروا تديرو عام مصيري،لازم تجبد وتمد كامل واش عندك ادا كانو معدلات لعام لي فات حابطين ولا كنت ضعيف فكاش مادة متخليهاش تأثر على تفكيرك عام جديد حاول تبدا كلش ماللول دير في بالك بلي تقرا وتتعب تنجح نحي الأفكار تاع كاين لي قرا وتعب وسمانة الباك مرض ولا تفرفش ولا قرا ومجابش المعدل تاعو نحي الأفكار السلبية الرسول قال"اعقلها وتوكل" صاو اقراو وتعبوا وديرو لي عليكم واستنا التوفيق من ربي اخطوكم من قصص الفاشلين وحفزوا روحكم وحدكم كيما قلت عام مصيري سما تمسخير تاع العوام لي فاتو مكالاه تتعب شويا فترة اومبعد كي تنجح راح تنسا كلش وكاين عفسة مهمة هي "الغش والاتكال على لخرين" بالتنقال مراح تربح والو والعمل تاعك راح يولي مفيهش بركة اتكل على روحك وبس وللبنات يعني ادا حبيتي تحطي راسك فالقراية لازم تنقصي مالفايس والمسلسلات وخصوصا العلاقات المحرمة يعني ادا كان عندك واحد تحبيه ديري في بالك بلي مراحش تقدري توفقي بين الدراسة وهو ناهيك عن كونها حاجة تغضب ربي راح تضيعلك قرايتك ومستقبلك وفالنهاية ربي يوققنا كامل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
