1- أول حاجة : تزوجي كي تكوني جاهزة للزواج ، مش كي يجيي العريس المناسب . 2- ماتصرفيش كل دراهمك على العرس و على كلام فارغ و نساء فارغة راح يعلقوا على العرس وعليك – حتى لو كانوا هدوا النساء بمناصب مهمة بمؤسساتهم – النسا نساء !! 3- ماتعرضيش في عرسك غير الناس اللي (صح) تحبك .. مش مضطرة تستضيفي ناس حاسدة وحاقدة علاخاطر "لازم" تعرضيهم .. 4- مش مهم تكوني (تعرفي) تطيبي ، المهم تكوني (تحبي) تطيبي . 5- شهر العسل أحلى حاجة في الزواج ، ماتستغنيش عليه علاخاطر بعدوا تبدا كل المسؤوليات . طبعا ادا وفرتي دراهم العرس ليه راح تروحي أحلى مكان في العالم . 6- ماتصدقيش المسلسلات العربية إنه في (الحماة) تكره زوجة ابنها بلا سبب ، إنتِ المسؤولة عن أي انطباع يدوه (دار حماكي) عليك ؛ لإنك انتي الدخيلة عليهم مش هوما . وما تقدريش تتخيلي شحال حلو شعور حب ام زوجك وبناتها ليك واشتياقهم لزيارتك وكلامهم عليك بالخير قدام الناس . 7- دار مملكتك وذوقك الخاص مش ذوق بنات عمك مثلا . 8- كل ما سطاليتي روحك و نظمتي دارك سرعة بكل تفاصيلها وخزاناتها ودروجها كل ما شعرتي بالاستقرار أكتر . 9- كي تستقبلي النساء في دارك حافظي على الأحاديث الدائرة بينكم ، احكي عن (أفكار) مش عن (أشخاص).. ما تخليش داركك مقرّ للغيبة والنميمة والهدرة في أعراض الناس . 10- كي يجييك ضيوف جهزي الضيافة كامل قبل ما ييجوا ، باش ما تبقايش رايحة جاية على الكوزينة وتعرفي تقعدي معهم وتفتحو نقاشات مليحة.. . 11- ماتسمعيش لتعليقات الآخرين وانتقاداتهم لحياتك وتفسدي على روحك .. هوما فعليا يكونوا حاسدينك بصح الستيل الجديد (ما نحسدكش عيني عينك .. خليني نسمملك عقلك) 12- اجعلي دارك وراجلك أولويتك الأولى ورتبي بعدهم الأولويات الثانية ؛لإنه هوما اللي راح يبقاولك بعد رحلة بحثك عن تحقيق ذاتك . 13- نوضي من الرقاد مبتسمة ومتحمسة ، بعد مدة دارك راح يشبهك . 14- لوّني حيوط دارك بألوان زاهية ومشرقة ، الحياة ألوان . 15- كي تحبّي راجلك صح راح تحبي كل متعلقاته من:( أهل وعمل وأصدقاء أو حتى أطفال من زواج سابق) 16- الرجالة مش كيف كيف ، يعني ما تعامليش راجلك كيما أختك تعامل راجلها (تعاملي معه بناءً على تصرفاته معاك برك) 17- ما تقضيش (كل) نهارك في تنظيف الدار والطياب .. إنتِ "ربّة أسرة" مش "خادمة" ، إنتِ "كيان" مش "آلة تنظيف" 18- شاركي راجلك (أحلامه وأفكاره) وخليه يشاركك أحلامك ومخططاتك المستقبليّة ، واحلموا بحياتكم الجاية مع بعضاكم.. واتناقشوا بـ (أفكار) مش بـ (أغراض البيت) برك . شفتي : الخادمة ماتعرفش تدير هاك . 19- البيوت أسرار .. مش ضروري الدنيا كل تعرف إنو راجلك يعاونك في قضية الدار ولا طياب ..😇 20-شبعتكم نصائح وتم تقليشكم بنجاح هاقلشوني بالكومنت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
