Second Person (season_2) ✨We Meet Again✨[Completed]

Chapter_9 (uni+zawgyi)​

Unicode🌻

ဧည့်ခန်းထဲတွင် ရုပ်ရှင်ကြည့်နေကြသော လူသား(၃)ယောက်။

ရုတ်တရက်ဆိုသလို ထို(၃)ယောက်ထဲမှ ကောင်ငယ်လေး​တစ်ယောက်သည် မေးခွန်းတစ်ခုကို ထမေးလေသည်။

"ကိုကို... ဒီဇာတ်လမ်းမှာ ဘယ်သူကစပြီးမှားယွင်းခဲ့တာလဲ​ ဟင်"​

ကောင်ငယ်လေးရဲ့အမေးကို ကောင်လေးဟာဖြေရခက်နေပံုပင်။ Somဆိုတဲ့ကောင်မလေးဟာလည်း​ ကောင်လေးထံမှအဖြေကို သိပ်သိချင်နေပံုရသည်။ ရုပ်ရှင်ကား၏ ပြီးပါပြီဆိုတဲ့စာတန်းထိုးကိုလှည့်မကြည့်တော့ပဲ ကောင်လေး၏မျက်နှာကိုသာ စိုက်ကြည့်နေ၏။

ဇာတ်လမ်းလေးဟာ အနည်းငယ်ရှုပ်သည်။ ကောင်လေးဟာကောင်မလေးနှင့် ချစ်နေပါလျက်၊ လက်ထပ်ဖိို့ရည်ရွယ်ထားပါလျက်နဲ့ နောက်ကောင်လေးတစ်ယောက်ကို ထပ်ချစ်ခဲ့သည်။ ကောင်မလေးဟာကောင်လေးကိုသိပ်ချစ်ခဲ့သည်။ သို့ပေမယ့် ကောင်လေးဟာ ကောင်မလေးကိုမရေွးချယ်ခဲ့ဘူး။ သူရေွးချယ်ခဲ့တာ ကောင်လေးကိုပင်။ ကောင်ငယ်လေးကိုတော့ သူသိပ်ချစ်ခဲ့သည်။ သို့ပေမယ့်​ ဇာတ်သိမ်းဟာ မလှခဲ့ဘူး။ ကောင်မလေးရဲ့ လုပ်ကြံမှုကြောင့် ကောင်ငယ်လေးဟာ သေဆံုးခဲ့ရသည်။ ထိုနည်းတူ ကောင်လေးဟာလည်း သိပ်မကြာခင်မှာသူ့ကိုယ်သူအဆံုးစီရင်ခဲ့သည်။

သေကွဲတဲ့လေ။

တေွးမိတာလေးနဲ့တောင် ရင်ထဲအောင့်သက်သက်နဲ့  အသက်ရှူရကြပ်လာ၏။ ခေါင်းထဲမှာ အတေွးတေွရှုပ်ပွပြည့်ကျပ်နေသည်။ ကျွန်တော်ဒီကားကို မကြည့်ခဲ့သင့်ဘူး။ မကြာခင်​မှာပဲ​ ဘယ်ဘက်ရင်အံုရှိနှလံုးသားတစ်စံုမှတင်းကြပ်နာကျင်မှုနှင့်အတူ​ မျက်ဝန်းအစံုဟာ သူ့အလိုလိုမှိတ်ကျသွားခဲ့သည်။ သခင့်၏ အလိုမတူပါပဲလေ။

.........................

ဘေးပတ်ဝန်းကျင်တစ်ခုလံုး​ အဖြူရောင်နံရံတေွကြီးသာ။  ။

ကျွန်တော့်နားတောက်တဲ့တစ်ကောင်လို ကပ်တွယ်နေတတ်တဲ့​ ကလေးငယ်ဟာလည်း​ ဘယ်ပေျာက်လို့ဘယ်ရောက်သွားမှန်းမသိ။

အမြဲကျွန်တော့်ကို​မခံချင်အောင်စနောက်တတ်တဲ့ Somဟာလည်း​  ဘေးနားရှိမနေ။