سافرت ليلي الشاليه لتفاجئ عمر الذي سافر للاطمئنان على المشروع هناك وعندما وصلت سمعت أصوات بالداخل ف اقتربت وسمعت عمه يقول : عمر شكلك نسيت انها لعبه من الاول
عمر : عارف انها كانت لعبه وننتقم منه في ليلي بس خلاص انتقمنا منهم وهي بقيت مراتي وكتبتلي توكيل ومضيتها على تنازل
عمه : مش كفايه ياعمر اللعبه لسه مخلصتش وانت بصراحه عرفت توقع ليلي كويس بس غبي عشان خليتها تحمل
صدمت ليلي من كلامهم هل ماتسمعه حقيقي هل بالفعل عمر يكذب عليها تراجعت للوراء وخرجت مسرعه وأوقعت ألفازه بالأرض
سمع عمر الصوت فخرج مسرعا ووجد وشاح ليلي ع الارض لم يصدق هل كانت هنا وسمعت كل شئ وجد السائق الخاص بليلي وقال : ليلي فين
السائق : لسه خارجه حالا على مخرجت من العربيه كانت اختفت
خرج عمه وقال : انت زعلان عشان سمعتنا ماهي كده كده كانت هتعرف
عمر : كانت هتعرف ازاي
عمه : انا خليت المحامي يتصرف في التوكيل والتنازلات اللي انت مضيتها عليها والصبح كله هيعرف أن شركتهم هتفلس
عمر بعصبيه شديده : انت ازاي تتصرف من غير ماتقولي احنا بدأنا سوا مكنش ينفع تعمل كده من ورايا انا لازم ادور عليها
عادت ليلي الشاليه مره اخرى وظلت تنظر لعمر
فلاش باااااااااك
لم تستوعب ماسمعته وخرجت مسرعه لم تتحمل ذلك وجدت هاتفها يرن باستمرار كان حسن وبعده مروه احست أن هناك شئ فردت على مروه وسمعتها تقول : ليلي ايه اللي حصل ازاي تسمحي لعمر انه يلغي كل التعاقدات في الشركه ويخلينا مضطرين نسدد الشرط الجزائي احنا كده فلسنا
أغلقت الخط دون الرد وعادت الشاليه مره اخرى
بااااااااااااك
عمر : ليلي قلقتيني عليكي ياحبيبتي
ليلي : حبيبتك بيتهيقلي خلاص اللعب بقى على المكشوف كفايه كدب وتمثيل بقى
عمر : انا عارف مهما هقولك مش هتصدقيني بس والله العظيم انا حبيتك بجد اول مره شوفتك حبيتك وتعلقت بيكي مكنتش اعرف فعلا انتي مين مش هنكر ياليلي واقولك اني مكنتش متفق مع عمي اننا ننتقم منكو فيكي بس والله مكنتش اعرف ان انتي كنت عارف ان فيه حفيده مسافره بره وهترجع بس والله العظيم معرفتش أن انتي ولما عرفت مكنتش عارف اعمل ايه البنت الوحيده اللي حبيتها تطلع هي عدوتي ساعتها والدك توفي وجدك كمان ومشاكل زادت بينك وبين عمك وابنه قلت خلاص جت من عندهم وهنتقم منهم بس بعيد عنك عمي ضحك عليا واتصرف من ورايا حقك عليا
هنا شعرت ليلي بدماء ونظرت لعمر وقالت : البيبي هيموت هيموت
حملها بسرعه للمشفي وذهبت لغرفه الفحص طلبت ليلي من الطبيبه السماح لعمر بالدخول وعندما دخل قالت : انا اسفه بس لازم تدخل عمليات حالا لأن الجنين مات
عمر : بتقولي ايه بنتي ماتت
الدكتوره : انا اسفه بس هي نزفت كتير جدا والحمل كان فيه مشاكل للأسف لازم تدخل عمليات حالا عشان المدام متتعبش اكتر لأن فيه خطر على حياتها
كانت ليلي صامته لاتتحدث لا تشعر بأي شئ مستسلمه لما يحدث
بغرفه مروه كانت لا تستطيع الوصول لليلي كانت تستمع لصوت حسن وهو منفعل على جميع من بالقصر
اتصلت بادهم : حبيبي معلش مش هقدر احضر معاك العشا فيه مشاكل في البيت
أدهم : مروه انا عرفتهم هتكوني موجوده وده عشا عمل يعني لازم تكوني موجوده
مروه بقله حيله : حاضر يا أدهم هحاول
وأغلقت معه وذهبت لتخبر والدتها
عندما رآها حسن قال : الهانم رايحه فين
مروه : عندي عشا عمل مهم عندك اعتراض
حسن : مفيش خروج من هنا فاهمه
تدخلت والدتهم وقالت : ملكش دعوه بيها ياحسن فاهم هي حره ومش صغيره وهي بلغتني وانا وافقت
حسن : ومن امتى الحنيه دي والرضا ده عليها
نظرت والدتها إليها وقالت : روحي انتي لشغلك وخلي بالك من نفسك
بالمشفي كان عمر يجلس على كرسي بجوار سرير ليلي وقالت : مبقاش حاجه تربطنا ببعض ياعمر خلاص انتقامك واخدته وزياده كمان ياريت تسيبيني في حالي وملكش دعوه بيا كفايه اللي خسرته
عمر : متقوليش كده ياليلي انا مش هقدر ابعد عنك وصدقيني هصلح كل حاجه
ليلي : هتصلح انا مش فارق معايا حاجه ياعمر سيبني في حالي ارجوك انا مبقيتش مستحمله خلاص بنتي وماتت وانت ثقتي فيك انتهت خلاص ومش عايزه اعيش معاك لحظه واحده اللعبه خلصت ومبروك عليك
عمر : انا هسيبك دلوقتي وهروح اخلص إجراءات الخروج ونتكلم في بيتنا ياليلي
لم ترد عليه لكنها نظرت لهاتفها فمروه لم تمل من الاتصال بها
ذهب عمر لإنهاء إجراءات الخروج لليلي وعندما عاد لم يجدها فسأل عليها الممرضه فقالت : دي خرجت وراك على طول
عمر : ازاي انا مشفتهاش خالص
خرج عمر مسرعا وحاول البحث عنها ووجد الطبيبه فسألته : انت هنا دي ليلي خرجت من شويه تدور عليك
شعر عمر أن ليلي تركته ولن يراها مره اخرى
اتصل بهاتفها وجده مغلق فتأكد انها تركته ولا تريد أن تراه مره اخرى
وصلت مروه المطعم ولكنها فوجئت انه خالي ولا يوجد أحد به أوصلها احد العاملين لطرابيزه فوجدت أدهم ينتظرها لم تستوعب اي شئ
أدهم : حبيت اعملك مفجاه زي ما كنتي بتتمني فاكره
مروه : انت لسه فاكر يا أدهم كنت صغيره ساعتها واحلامي كلها ورديه
أدهم : مينفعش يكون نفسك في حاجه ومعملهاش وبعدين يلا تعالي نرقص سوا
ذهبت معه لحلبه الرقص وكانت سعيده ولا تصدق ماهي فيه
عادو لتناول العشاء وعندما انتهو وجدت أدهم يضع أمامها علبه صغيره بها خاتم
بكت مروه بشده هل أحلامها تتحقق مره واحده البسها أدهم الخاتم وقال : لازم نتجوز في أقرب فرصه يامروه كفايه اللي ضاع مننا
مروه : مش عارفه اقولك ايه دي الحاجه الوحيده اللي عايشه عشانها
أدهم : يبقى لازم نستعجل ونتجوز
وصل عمر القصر وأخذ يبحث عن عمه فوجده بغرفه المكتب قال : انت ازاي تتصرف من دماغك ده مكنش اتفقنا
عمه : انت حبك للهانم نساك سبب قربك منها نسيت ان أهلها كانو سبب افلاسنا في يوم من الايام
سمع من في القصر كلامهم وقال والد عمر : ممكن افهم فيه ايه وكلامكو ده معناه ايه
عمر : انا معنديش وقت احكي حاجه انا خسرت مراتي وبنتي ماتت
والدته بصدمه : ليلي فين ياعمر وبنتك ماتت ازاي
اخذ يبكي بشده ولا يعلم ماذا يفعل وارتمي بحضن والدته
عمه : عمر اللي حصل حصل خلاص وانتقمنا منهم محدش قالك تحبها
نظر والد عمر لشقيقه وقال : فهمني ايه اللي عملتوه حالا
قص عليه كل شئ من البدايه حتى نجاحهم في إفلاس أهل ليلي
صدم الجميع منهم حتى ندى انهارت وأخذت تبكي بشده على ليلي وقالت : حرام عليك ياعمر ليه تعمل فيها كده دي كانت بتحبك بجد وفضلتك على أهلها
نظرت لها والدته بغضب وقالت : انت فعلا كنت بتضحك عليها ياعمر
عمر ومازال يبكي : ابدا والله لما حبيتها مكنتش اعرف ان هي دي والله
فصفعه والده على وجهه وقال : وعرفت هي مين ليه كملت ياعمر ليه دي امنتك على كل حاجه ليه يا ابني ونظر لشقيقه وقال : وعمك ده كداب هو اللي طماع والطمع عماه
نظر عمر لوالده مستفهما : يعني ايه كداب يعني هما مش السبب في افلاسنا زمان
والده : ابدا عمك السبب وأجر ناس اتهجمه على الفيلا وقتله مامت ليلي
نظر الجميع ناحيه شقيقه فقال : كدااااااب محصلش محدش عرف يثبت حاجه كدااااب
قالت والدته : روح ياعمر دور على ليلي وهاتها يا ابني روح دي مبقلهاش حد خلاص
بمنتصف الليل بإحدى قرى الصعيد سمعت الحاجه سعيده طرق على باب منزلها ففتحت وقالت : دكتوره ليلي
يتبع.....
