رواية إتهام "مكتملة"

♥ الاتهام الثالث عشر ♥

"عيناها تقنع الملحدين بأن الله مبدع>>♥♥

ثرية بحزن وهي تضع يدها علي خد عمار كأنها تواسيه:الطفل ده يبقي ...يبقي انت يا عمار

صدمة وقعت علي عاتقه حقا هل انا هذا الطفل الذي حُرم من امه وابيه هل انا الطفل الذي عاني من الوحدة طوال الوقت هل انا الطفل الذي يعتقد اهلي الان انني ميت واذا عدت لهم فهل سيصدقوني وسيصدقوا انني ابنهم ام هل سيعتقدون انني مجنون

عمار بصدمة والموع تنهمر علي وجهه دون توقف:ااانا
ثرية وهي تواسيه :ايوا انت يا بني اهدي يا حبيبي عشان خاطري انا عارفة ان الي حصلك مش قليل بس ربنا يجازي الي كان السبب

عمار بانتباه لا يخلو من الصدمة:ومين السبب يا ماما ثرية ..مين الي جابني هنا

ثرية :عمك احمد نوح الي اتوفي امبارح.... صدقني يا بني انا مكنتش اعرف غرضهم هما كانوا جايين ليا وقالولي ان ابوك وامك ماتوا وهما هيسافروا برا مصر ووصية والدك ان ولاده ميسافروش برا بلدهم عشان كده قبلت اني اخدك بس مكنتش اعرف ان الحكاية كده

صدمة اخري وقعت علي عاتق عمار ظل يحدث نفسه قائلا هل احمد نوح هو عمي واذا كان هو عمي فلماذا فعل بي هذا ..لقد حرمني من ابي وامي ولكنه توقف لحظة عن التفكير ثم تذكر اخته... اخته الصغيرة يا إلهي هل لدي اخت هل حقا هذا يحدث اما ماذا فوعد هي اختي يا لهذا القدر

عمار وقد انفجر من البكاء وارتمي في حضن ثرية حتي هدأته ثرية بكلامها
ثرية :يابني كل حاجة مقدرة ومكتوبة انا عارفة انك تعبت وان اكيد عيشة الميتم مش زي عيشة البيوت وان يكون ليك ناس تراعيك وتحتويك زي امك او ابوك بس يا حبيبي لو مكنش ده حصل مكنتش اتربيت هنا ودخلت مدرستك واتعرفت علي موسي صاحبك وحبيت اخته كلارا
عمار وقد ادرك صحة كلامها :ماما ثرية انا عندي اخت
ثرية بصدمة :بجد يا بني وعرفت ازاي
قص عليها عمار كل ما حدث وكيف تعرف علي وعد وكيف عمه ظلم اخته كثيرا واهانها وعاملها كالخادمة

ثرية بحزن :ربنا ينتقم من الي كان السبب حسبي الله ونعم الوكيل في الي فرقكوا عن بعض روح يا حبيبي اترمي في حضن اختك وكون لها السند والضهر وراعيها وخد حقكوا من الي اسمها شاهي وبنتها دول

عمار بغضب واصرار ممزوج بالبكاء:صدقيني يا ماما ثرية هاخد حقي وحق اختي منهم تالت ومتلت كمان

سلم عمار علي ثرية وذهب ذهب لكي يري اخته حبيبته واخذ ملف الطفل معه حتي تصدق وعد والجميع انه اخيها

في منزل يوسف نورماز

كانت وعد وكلارا يذاكرون دروسهم فهم من المتفوقين حرفيا حتي تحدثت كلارا
كلارا بتعب :كفاية كده انا تعبت
وعد بارهاق:وانا كمان بصراحة ..نكمل بكرة بقي
كلارا بحب ومرح :بجد يا دودي انا مبسوطة اوي انك عايشة معانا بجد حاجة جنان ..ايه رأيك نقوم نرقص
وعد بمرح : وماله يلا بينا