Taming The Cold Boy (AWESOMELY COMPLETED)

Alitaptap

3

Hindi ko mapigilan ang mga hagikgik ko habang tinitingnan ang boxers ni Athan sa kamay ko. Wala rin akong pakialam kung nagmumukha na akong tanga rito sa kwarto ko habang pinaglalaruan ang piraso ng damit niya. Noong wala akong magawa ay isinuot ko ang boxers sa manika na kamukha niya at tinitigan iyon.

Agad akong pinamulahan ng mukha ng maalala ko ang itsura niya noong lumabas siya ng banyo at nakita na hawak ko ang kanyang underwear. Napangiti na lamang ako at halos mapatili sa kilig. Pakiramdam ko ay kinukuryente na ako sa sobrang saya.

Geez. I got it bad.

Tumayo ako at kinuha ang memopad ni Daddy. Tiningnan ko ang schedule ng AEGIS roon at kung saan ang sunod nilang gig. Wala silang nakasched ngayong araw pero bukas ay pupunta sila sa Bohol para kumanta roon. Napanguso na lamang ako dahil malayo ang sunod nilang gig. Hindi ko tuloy alam kung paano ako magpapaalam kay Daddy at kung anong klaseng alibi ang pwede kong gawin para lamang makatakas ako at makapanood sa kanilang gig.

Linggo naman bukas at wala rin kaming pasok sa Lunes dahil foundation day ng aming school.Maluwag ang aking sched kaya pwede naman akong pumunta sa Bohol para manuod.

Nagbihis ako bago ko sinundan si Georgina paalis. Habang nasa kotse ay panay ang ayos ko sa pigtails ng aking buhok. Sinundan ko sila sa unit nila Athan pero napatigil ako ng makita ang isang babae na kasama ng buong AEGIS. Mukhang nagaaway sila kaya lumapit pa ako para makinig.

"Si Toryang yan. Kakauwi lang niya kahapon." Sagot ni Stanley, ang boyfriend ni Ate. Nakita ko kung paano nainis si Georgina habang nakatingin doon sa babae.

Napanguso ako. She is pretty. Iyong inosenteng mukha niya ay talagang maganda. Bilugan ang kanyang mata habang ang buhok niya ay natural ang pagkakakulot. Pero kapag ngumiti siya o di kaya'y nagtaas ng kilay ay nahahalata mong hindi siya basta bastang babae.

Ilang beses pang nagkasagutan bago tuluyang naiwan si Georgina at Stanley sa may hallway. Walang nagsasalita sa kanilang dalawa habang ako naman ay nagtago ng mas maigi sa likod ng mga plastic na halaman na disenyo roon.

"Wag ka na ulit makikipag-usap sa kanya ng ganon Georgina." Madiin na sabi ni Stanley bago tinalikuran ang kapatid ko at tuluyang umalis. Hindi na ako nagdalawang isip. Agad akong tumakbo pabalik sa kotse para sundan silang lahat.

---------------------------

Halos mabasag ko na ang binoculars ko habang tinitingnan ko kung gaano kaspoiled iyong babaeng Toryang ang pangalan. Naiinis ako dahil ang buong AEGIS ang nakapalibot sa kanya. At mas lalo lang akong naiinis noong sikupin ni Athan ang buhok nito para lamang maitago sa ilalim ng cap na dala nto.

Sheez! Nakakaiinggit. Gusto ko rin ng ganun! Nakakabwisit naman eh! Hindi ba pwedeng ako rin ang alagaan mo Athan? Sige na please?

Sunod lang ako ng sunod sa kanila hanggang sa tuluyan na silang makauwi. Ako naman ay dumiretsyo sa unit ni Athan bago kumatok. Ilang sandali lang ay bumukas iyon at bumulaga sa akin si Iñigo, ang kanilang keyboardist.

"Sino ka?" suplado nitong tanong. Napangiwi na lamang ako at winagayway ang hintuturo ko.

"Ang harsh mo I." natatawa kong sabi. Tumaas lang ang kilay niya bago lumingon sa loob at may kinausap roon. Maya maya ay narinig ko ang boses ni Athan kaya nagstanding ovation na naman ang mga alitaptap ko sa dibdib.

Kalma lang mga alitaptap. Boses pa lang yan. Wala pa ang mukha niya. Shocks! Geez! Oh my!

"Ano na naman?" bungad niya sa akin. Nakakunot ang noo niya habang nakatingin ng matalim sa akin. Iyong matalim at malamig na titig. Nakakapangilabot. He's so hot when he is cold. I don't even know if that is possible at all.