أنا "ريم" ..عندي 40 سنة .. من حوالي 23 سنة كنت في 3 ثانوي بس مكنتش زي باقي البنات .. انا اصغر اخواتي و البنت الوحيدة على ولدين "مصطفى"و"يحيى".. كنت معقدة جدا بسبب معاملة بابا ليا وماما ما بيدها حيلة .. لأنه كان دايما فاكر اني مليش لازمة أو خلفة البنات عموما .. هو كان من عيلة في الصعيد بتكره خلفة البنات وبتعاملهم أسوأ من الخدم .. "يحيى" اخويا كان بيجاريه لكن "مصطفى" عمره ما عمل كدة .. كان دايما بيقف جمبى ويساندني ويدافع عني ضدهم و ياما اتخانق مع بابا و"يحيى" بسببي .. مكانش ليا غير صاحبة واحدة "بسمة" زميلتي في المدرسة وجارتي كمان وكانت اقرب واحدة ليا .. طول عمري بحب الكتابة وقراءة القصص والروايات والحاجات دي .. كنت عايزة ادخل اداب أو دار علوم لكن بابا وتحكماته غصب عليا ادخل علمي وادخل كلية الطب .. ذاكرت كتير اوي وعملت مجهود كبير السنادي .. اللي خلاه يوافق اني اكمل تعليمي هي جدتي الله يرحمها لان في عيلته مكنش في بنات بتتعلم .. المفروض ان دة أول يوم امتحانات ليا .. صحيت على صوت المنبه ولبست وراجعت شوية لحد ما امي جهزت الفطار ...
صباح الخير
ماما: صباح النور يا حبيبتي .. يلا عشان متتأخريش
بابا : خير ؟! .. وهيجي منين الخير
ماما : براحة على البت شوية يا حج
بابا: اسكتي انتي .. اسمعي يا بت
نعم يا بابا
بابا: انا خليتك اهو تكملي تعليمك .. لكن قسمًا عظمًا ان ما جبتي مجموع حلو وفلحتي في امتحانات الثانوية دي هتشوفي ايام سودة ..
اللي تشوفه يا بابا
بابا : طبعا اللي اشوفه
مصطفى: بابا كفاية ضغط عليها النهاردة اول يوم
بابا : اسكت انت خالص .. مش عايز اسمع صوتك
يحيى: ايه يا بابا .. انت بتزعق للنحنوح اللي في البيت احسن مشاعره تتجرح *كان بيتكلم بإستهزاء*
مصطفى: ماتتلم يالا
انت مالك اصلا .. ايه دخلك في الكلام دة ؟!
بابا : اخرسي يا بت متكلميش اخوكي الكبير كدة بدل ...
مصطفى: ريم .. يلا انزلي عشان ماتتأخريش انا جاي وراكي
نزلت وانا متوترة بسبب الثانوية العامة .. خايفة من الامتحان وقابلت "بسمة" تحت وفضلت تكلمني ..
بسمة : صباح الخير.. جاهزة ؟!
اه جاهزة
بسمة : مالك ؟!
مفيش
بسمة : باباكي اتخانق معاكي تاني ؟!
هو كل يوم كدة دة العادي
أنت تقرأ
شمسٌ في اخر طريق مظلم ♥🌇
General Fiction"لا يوجد شيء في الحياة افضل من تحقيق الاحلام.. فمن عاش لتحقيق حلمه فسيبقى عالٍ وذو مكانة .. ومن عاش بلا هدف أو كرير فهو ميت "♥
