قطع تفكيري رسالة على الموبايل من رقم غريب بيقولي اني لازم أقابله في كافيه كدة جنب البيت لأنه معاه امانة ... في الاول خوفت بس قومت بعدها جهزت ونزلت للكافيه دة ولقيت "منير" مستنيني...
انت تاني ؟!
منير : وحشتيني
انت عايز ايه مني ؟!
منير : عايز اقولك اني مش عايش .. عايز اقولك اني من غيرك ولا حاجة
وانا مش عايزاك
منير : واشمعنا عمر ؟!
عمر !
منير : اه .. عمر اللي هيموت عليكي وانتي كمان هتموتي عليه
بس انا مبفكرش فيه اصلا
منير : لكن هو بيقربلك .. اللي متعرفيهوش ان عمر بتاعك دة يبقى صاحبي ومتربي معايا
هو انت اتربيت اصلا ولا شوفت التربية عشان يتربى معاك ؟!
منير : ليه بس الغلط .. عموما الله يسامحك
الله يسامحنا كلنا
منير : انا بس جاي اقولك انا بحبك ...
وانا مش طايقاك .. سيبني في حالي يا اخي *وبدأت ازعق واللي في المكان خدوا بالهم *
منير : اهدي بس .. ريم انتي بتاعتي .. ملكي .. واللي يفكر ياخدك مني هاخد روحه حتى لو كان اغلى واحد بالنسبالي
وبعدها سابني ومشي .. وانا على نار وخايفة عشان في حد هيتأذي بسببي من غير ما يكون ليه ذنب .. محستش بنفسي وطلعت الفون من الشنطة وكلمت "عمر"...
عمر : الو
عمر انت كويس ؟!
عمر : اه .. مالك يا بنتي في ايه ؟!
انا عايزاك تسامحني .. متزعلش مني
عمر : وازعل منك ليه ؟!
انا مش هقول اي حاجة .. كل اللي هقولهولك عشان خاطري انا تاخد بالك من نفسك
عمر : ابوكي عملك مشاكل تاني ؟!
لا مش بابا .. بس عشان خاطري خد بالك من نفسك
قفلت السكة وروحت .. كنت منهارة وحاسة اني منفصلة عن الدنيا أو في غيبوبة ومش فايقة اتكلم مع حد خالص حتى صحابي مبكلمهمش.. و "عمر" من آخر مرة كلمته بيحاول يرن عليا ويبعتلي واتس وانا مبردش .. يعني أقوله ايه .. اقول انه هيخسر حد قريب منه عشاني وممكن يخسر حياته برضو .. طبعا اتخنقت وكان لازم حد يسمعني وملقتش غير "مصطفى" كلمته واتقابلنا...
مصطفى: ينهار اسود
انا مش عارفه اعمل ايه
مصطفى: طب والحيوان دة ايه اللي فكره بيكي ؟!
معرفش ..بس كان بيتكلم جد .. نظرته كان كلها انتقام
مصطفى: وانتي ازاي سبتيه يمشي .. كنتي ضربتيه بسكينة ولا إزازة وخلصنا
أنت تقرأ
شمسٌ في اخر طريق مظلم ♥🌇
General Fiction"لا يوجد شيء في الحياة افضل من تحقيق الاحلام.. فمن عاش لتحقيق حلمه فسيبقى عالٍ وذو مكانة .. ومن عاش بلا هدف أو كرير فهو ميت "♥
