الكل تنح ومحدش عرف يتكلم لحد ما بابا قطع السكوت دة..
بابا : يعني ايه مش موافقة ؟!
يعني مش موافقة
بابا : وهو دة يتعايب .. دة متربي ومن احسن عيلة في البلد وكسيب الحمد لله
انت عايزني اتجوز واحد كنت من سنة بقوله ياعمي ؟!
بابا : مش عيب .. فيها ايه
لا فيها كتير .. اولًا أكبر مني جدا في السن .. ثانيًا مش معاه شهادة عُليا .. ثالثا ودة الأهم اني مبحبوش
بابا : ثالثًا ايه يختي؟!
مبحبوش
بابا : ومن امتى وبناتنا يعرفوا الكلام دة .. مفيش حاجة اسمها حب .. دة مش هيأكلك ولا هيشربك
وفلوسه مش هيريحوني
بابا : ومين هيرضى يتجوزك بدلعك وقرفك و كليتك اللي ملهاش لازمة دي .. دة كويس أنه بصلك اصلا
دي حاجات انا مليش يد فيها
بابا : خلاص انا اتفقت معاه وكتب الكتاب الخميس الجاي
وانا مش هحضر كتب الكتاب
بابا : هتحضري .. وهتتجوزيه غصب عنك
كفاية بقى .. انت ليه بتحسسني اني غلطة عمرك .. كل الناس بتكرم ستاتها وبناتها وانت بتتعامل معايا ومع امي بجفاء وجحود .. بص لأصحابي وشوف اهاليهم بيعاملوهم ازاي .. انا كرهت الجواز وكرهت البيت وكرهت العيشة كلها بسبب المعاملة اللي مش فاهمة ايه الغلط اللي عملته عشان اتعامل كدة ...
وبابا نزل فيا ضرب بعد الجملة دي .. بس كنت مبسوطة اني قدرت اطلع اللي جوايا .. بس الصدمة أنه فتح باب الشقة وطردني برا البيت وامي لما حاولت تحوشه ضربها هي كمان .. وفضلت قاعدة قدام البيت مش عارفه اعمل ايه ولا اتصرف ازاي وكمان بابا مكتفاش بكدة .. رمالي شنطة هدومي على سلم البيت انا البنت اتطرد من بيتنا واخواتي الرجالة لو عملوا ايه يراضيهم .. سمعتهم من ورا الباب وهما بيهدوه ويقنعوه يرجعني ..
يحيى: بابا ليه كدة ؟!.. مش معنى انك تكسرلها ضلع يبقى تطردها
مصطفى: انت ليه بتعاملها بالجحود دة ؟!
بابا : جرا ايه يلا انت وهو .. هتحكموا عليا في بيتي
يحيى : سيبتها للشارع هتجبلنا العار اكتر ماهي جايباه
مصطفى: عار ايه .. عار ايه يازبالة يا اوسخ اخ عرفته؟!
بابا : اسكت يلا خالص
يحيى : اسم الله على نحنوح العيلة .. اه ياخويا هتجيبلنا العار وانت طبعا عشان بتحب تتغفل هتبقى هايص
أنت تقرأ
شمسٌ في اخر طريق مظلم ♥🌇
General Fiction"لا يوجد شيء في الحياة افضل من تحقيق الاحلام.. فمن عاش لتحقيق حلمه فسيبقى عالٍ وذو مكانة .. ومن عاش بلا هدف أو كرير فهو ميت "♥
