دخلت الصالون لقيت بابا قاعد على الكرسي وباصصلي
بابا : حمد الله على السلامة يا هانم
الله يسلم حضرتك
يحيى : طبعا مش لاقية كلام تقوليه
وانا مش هلاقي كلام أقوله ليه ؟!
ماما : انتو عاوزين تبوظولي فرحتي .. مبروك يا حبيبتي
مبروك على ايه ياجماعة ؟!
مصطفى: جبتلك النتيجة .. 97% يابنت الايه
وقتها الفرحة مكانتش سايعاني .. فضلت ابص لأمي وابص ل "مصطفى" وانا فرحانة اوي وكل اللي عملته نزلت سجدت على الأرض وعمالة احمد ربنا على مجموعي ومجهودي اللي مراحش هدر .. بس فرحتي مبتدومش وسمعت كلام كتير من ابويا و"يحيى"
يحيى : انتي مبسوطة باللي جبتيه دة
أيوة طبعا مبسوطة
بابا : طب بتاخد من 98% ..
مش مهم بس انا نجحت وبمجموع كبير
بابا : مش مهم ؟! يعني هتخالفي امري.. عرفتي بقى انك عار علينا
على اساس ان عيلتك دي كلها دكاترة .. دة احنا المتعلمين اللي فيهم اساسا
يحيى : اتكلمي بأدب يابت
انا بتكلم بأدب وانت ملكش حكم عليا .. يا بابا بسمة جابت أقل مني واهلها فرحوها وافتخروا بيها اشمعنا انت
بابا : عشان فاشلة زيك بالظبط
لا مش فاشلة .. بس عشان اهلها بيحبوها وناس طيبين وابوها معزز منها مش زيك دفنتني من صغري وبتتعامل كأنك مخلفتش من اصله ...
ويوم ما كنت فرحانة خدت علقة معتبرة .. بابا فضل يضرب فيا كتير وكل دة عشان كلية الطب اللي مش مقدرلي ادخلها هو طب اهم مني ؟!
جريت على بيت "بسمة" وفضلت اعيطلها واشتكيلها من أفعال بابا وتصرفاته وهي مكانش قدامها غير تواسيني وتهون عليا ... بقيت بتعامل بطريقة وحشة جدا في البيت
والتنسيق مدخلنيش طب بس اختارت ادخل اداب زي ما كان نفسي بس دخلت قسم علم نفس ..
عدت اجازة بحلوها ومرها ودخلت الكلية خلاص .. وصحيت من بدري عشان اجهز نفسي قبل ما حد يصحى فيهم عشان بصراحة مش عايزة اكلم حد ولا اشوف حد لكن "مصطفى" مسابنيش طبعا ونزل معايا ووصلني لغاية الجامعة ....
انا مكنتش عايزة اتعبك
مصطفى: لا بعد كدة اتعبيني .. ولو نزلتي من غيري تاني هقلب عليكي
خلاص متزعلش
مصطفى: فاكرة يا بت .. كنت اخدك من ايدك كدة وانتي صغيرة و اوديكي المدرسة ..
اه واشبط في عم سعيد البقال
مصطفى: كنتي بتلبسيني في الحيطة .. بس الايام دي بتجري بسرعة اوي .. من يومين بس كنتي عيلة في ثانوي
أنت تقرأ
شمسٌ في اخر طريق مظلم ♥🌇
General Fiction"لا يوجد شيء في الحياة افضل من تحقيق الاحلام.. فمن عاش لتحقيق حلمه فسيبقى عالٍ وذو مكانة .. ومن عاش بلا هدف أو كرير فهو ميت "♥
