في يوم كنت رايحة عشان اخر يوم تصوير لقيت حد خبطني في كتفي واعتذر .. بلف عشان ارد عليه لقيته "منير" حب الجامعة الفاشل فاكرينه.. انا فضلت واقفة مصدومة لحد ما هو بدأ الكلام ..
منير : ازيك يا ريم
ازيك يا منير انت تمام ؟!
منير : وهبقى تمام ازاي ؟!
عادي .. زي ما عشت حياتك كل دة
منير : صدقيني انا عشت في جحيم من بعدك وكنت مجبر
مجبر!! .. مجبر تحرجني وسط اهلي وتهزقني وتفرج عليا الجامعة كلها
منير : كان نفسي اطلع سبب اكرهك بيه بس مش عارف انا لسة .....
انا مستعجلة دلوقتي .. ومفيش كلام بينا اصلا ولو مسبتنيش في حالي انا هعملك فضيحة هنا
سبته ومشيت بس فضلت برضو مصدومة.. مش انا اللي محدش هيبصلي ومش انا برضو المعقدة يبقى هو راجع ليه .. عموما انا سبته خلاص وعندي اللي يشغلني عنه .. شوية ووصلت مكان التصوير وبعد مجهود طويل اوي خلصنا وكنت فرحانة اوي خلاص كدة كلها شهر ولا شهرين وهبقى سيناريست .. بس "عمر" كان حاجة تانية .. كان زعلان ومتنكد وحتى مكانش عايز يبصلي واحنا بنتكلم ..
مبروك عليك يا عم الفيلم الجديد
عمر : الله يبارك فيكى
انا واثقة أنه هيكسر الدنيا
عمر : اه اه .. ان شاء الله هينجح
مالك ؟!
عمر : مالي مانا كويس ؟!
انت كدة كويس !!..لا تكون البت الشعنونة خطيبتك دي مزعلاك
عمر : مش هي اللي زعلتني ... انا ماشي
"عمر" مشي بس بعد ما بصلي بطريقة غريبة اوي .. شوية وماجي جتلنا ...
ايه المفاجأة الحلوة دي !
ماجي : مبروك يا قمر
الله يبارك فيكى
ماجي : انا قولت مينفعش يبقى اخر يوم ومجيش احتفل معاكو
معانا على طول .. اومال بسمة فين ؟!
ماجي : بسمة امتحانها النهاردة يختي أول يوم .. رجعت مهدودة و نامت ..
اه صحيح انا نسيت خالص .. طب يلا بقى عشان منتأخرش على المحاضرة
ماجي : محاضرة ايه ؟!
في محاضرة الساعة 2
ماجي : انا لسة جاية من هناك
ايه ؟!
ماجي : انتي مش معايا شكلك .. الساعة 4 يا ماما
ياخبر .. انا معرفش مواعيدي مالها كدة
ماجي : صحيح هو عمر ماله ؟!
ماله ؟!
ماجي : زعلان كدة ومكشر
تلاقي الشغل تعبه ولا حاجة .. يلا بقى نمشي احنا
وعدى حوالي شهرين وكانت امتحاناتي على الابواب ودي آخر سنة .. كنت مركزة في مذاكرتي اوي ومش فاضية ولقيت بسمة داخلة بتصوت وتسقف زي المجنونة ...
بسمة : مبروك يا كوكووو
ايه يا هبلة انتي دة ؟!
ماجي : يا عيني هي علوم تعبتك اوي كدة ؟
بسمة : علوم ايه .. عندي ليكو مفاجأة كبيرة
ايه .. هتقدمي في السيرك
ماجي : طب والله بالاستعراض بتاعها دة تخش العباسية 😂😂
بسمة : دمكو خفيف الصراحة 😒
خلاص يا ماجي .. ايه المفاجأة
بسمة : فيلم الأستاذة هينزل السينما
ماجي : بتتكلمي بجد ؟!
بسمة : اه .. يوم 17 الشهر الجاي يعني بعد امتحانات معاليكم
يعني .. يعني خلاص كدة !!
ماجي : ماشية معاكي انتي
انا مش مصدقة نفسي بجد
بسمة : لا صدقي .. انا فرحتلك اوي بجد
ماجي : اوعي بقى تتشهري وتنسينا هاا
عيب عليكو دة انا هولع فيكو اصلا
وفضلت مستنية اليوم دة بفارغ الصبر .. عدت الامتحانات ببطئ شديد بس اخيرا جه يوم فرحي .. اليوم اللي مكنتش فاكرة أنه هيجي كدة .. لبست احلى حاجة عندي ورحت السينما مع "عمر" والبنات .. بصراحة الفيلم كان حلو جدا وحقق مشاهدة عالية .. خلصنا ورجعنا البيت البنات طلعوا وانا فضلت واقفة مع "عمر"...
عمر : مش قولتلك هتنجحي
مش كنت مقموص .. ايه اللي جابك ؟!
عمر : بصراحة مقدرتش استحمل.. مينفعش الفيلم بتاعي يتعرض ومشوفهوش
مانت اللي عامله
عمر : بس كان لازم نكون وسط الناس .. وعشان انتي طيبة و تستحقي الخير ربنا وفقك
الحمد لله
عمر: بس ايه الفساتين الحلوة دي
بجد شكله حلو؟!
عمر :انتي زي القمر بصراحة .. اي حاجة انتي فيها بتبقى حلوة
ميرسي .. على فكرة انت كمان شكلك حلو النهاردة
عمر : النهاردة بس
مانت كنت مكشر كل يوم .. النهاردة مبتسم يبقى حلو
عمر : ضغط شغل بقى .. يلا تصبحي على خير
وانت من أهله
طلعت البيت ومن التعب نمت بسرعة بس حلمت بحاجة غريبة اوي .. "عمر" و "منير" كانوا حاضنين بعض ولما انا جيت "عمر" جه يسلم عليا و"منير" استغل الفرصة وطلع حبل خنقه بيه .. مكملتش الحلم بس لما صحيت كنت مستغربة شوية وفضلت افكر لحد ما قطع تفكيري رسالة على الموبايل من رقم غريب بيقولي اني لازم أقابله في كافيه كدة جنب البيت لأنه معاه امانة ... في الاول خوفت بس قومت بعدها جهزت ونزلت للكافيه دة ولقيت "منير" مستنيني...
أنت تقرأ
شمسٌ في اخر طريق مظلم ♥🌇
Ficción General"لا يوجد شيء في الحياة افضل من تحقيق الاحلام.. فمن عاش لتحقيق حلمه فسيبقى عالٍ وذو مكانة .. ومن عاش بلا هدف أو كرير فهو ميت "♥
