"بسمة" رنت عليا وفضلت اتكلم معاها ...بس فجأة لقيت حد وقف ورايا ومسك دراعي .. بصيت ورايا لقيت "عمر" وكان شاب طويل ووسيم بس كان واقف مكشر .. وعشان انا مشوفتوش قبل كدة ومعرفوش كنت بتكلم بجدية معاه ...
ايه دة في ايه ؟!
عمر : حضرتك مين ؟!
حضرتك اللي مين وازاي تمسكني كدا ؟!
عمر : حضرتك واقفة في مكان التصوير وانا عمال انادي عليكي وانتي واقعة على ودنك
ماتتكلم بأدب وتحترم نفسك
عمر : انا بتكلم بأدب واتفضلي اخرجي برا
لا مش هخرج .. وانت مين اصلا عشان تخرجني ولا تدخلني
عمر : بقولك اتفضلي من غير مطرود *وراح ماسكني تاني*
انا مسمحلكش تلمسني .. انت مين اصلا عشان تكلمني بالاسلوب دة ...
وفضلت ازعقله والناس اتلمت علينا .. وهو وشه ضرب 100 لون ومشي بس وهو ماشي "ماجي" قابلته ..
ماجي : عمر .. انت رايح فين يبني
عمر : مفيش ..
ماجي : مالك شكلك متضايق ؟!
عمر : واحدة كدة طالعالي فيها
ماجي : رجعت للشقاوة هااا
عمر : شقاوة ايه وزفت ايه .. كانت بتتكلم في الفون بصوت عالي وعاملة ازعاج في البلاتوه كله
ماجي : معلش اهدى بس
عمر : اومال فين آنسة ريم اللي قولتي عليها
ماجي : ريم هناك .. اوباااا دي شكلها بتتخانق هي كمان
عمر : هي دي ريم ؟!!
ماجي : أيوة يبني هي
عمر : طب مش كنتي تبعتيلي صورتها كنت عرفتها
ماجي : هي دي البت اللي ...
عمر : أيوة .. وشكلي عكيت الدنيا
ماجي : نهارك اسود .. طب تعالى وانا هتصرف
وخدت "عمر" وجت ..وانا كنت متعصبة جدا ومش طايقة نفسي ولما شوفتها كملت خناق معاها ...
انتي كنتي فين كل دة ؟!
ماجي : معلش والله حاولت ادور على عمر ومكنتش اعرف ان الدنيا اتلغبطت كدة
انا مستنياكي بقالي كتير و .. ايه دة
ماجي : ايه يا بنتى؟!
انتي جايبة الحيوان دة معاكي ليه ؟!
عمر : حيواان !!
اه حيوان وستين حيوان كمان
ماجي : ريم الله ..
عمر : بعد اذنك يا ماجي .. *وعمر ساب المكان ومشي*
أنت تقرأ
شمسٌ في اخر طريق مظلم ♥🌇
General Fiction"لا يوجد شيء في الحياة افضل من تحقيق الاحلام.. فمن عاش لتحقيق حلمه فسيبقى عالٍ وذو مكانة .. ومن عاش بلا هدف أو كرير فهو ميت "♥
