شمسٌ في اخر طريق مظلم ♥🌇

Part 9

                                       

"مصطفى" بقى الصراحة اول ما شافهم متوصاش واتكلم بكل وضوح ..

مصطفى:انا كنت مستني موضوع بابا يبرد عشان اتكلم .. عارف اني لو عشت عمري كله حزين عليه مش هيكفيني واهو عدى 6 شهور تُقال اوي وهو مش وسطنا

الله يرحمه

عمر : ربنا يرحمه ويخليلك والدتك الخير والبركة

ماما : تعيش يا حبيبي

مصطفى: دلوقتي لازم كله يعرف الحقيقة .. ماجي انا بحبك

ايه الدلقة دي ؟!

بسمة : هوب هوب .. كدة من غير مقدمات

مصطفى: انا عمري ما عرفت اجمل كلامي ولا احط مقدمات .. بس هي فعلا خطفتني اول ما شوفتها وعشان كدة انا حبيت اقول كدة قدام الكل

ماما: مكنتش اعرف ان دي اللي هتوقعك *كانت بتبص لماجي عايزة تقولها حركتيه ازاي*

ماجي : الحقيقة انا اتفاجئت *بتبص في الارض بكسوف*

مصطفى: عشان كدة يا عمر انا جايبك عشان اطلب ايديها منك لاني معرفش حد من اهلها غيرك

عمر : وانا مش هلاقي انسب منك ليها .. وهنعرفك على أهلها كمان ياعم

مصطفى: طب مش نسمع رأيها الاول

ماجي : رأيي

اه رأيك في ايه يابنتي

ماجي : سيبيني على راحتي بقى .. بصراحة أنا كمان كنت بحبك بس طالما قولت انا كمان هقول وموافقة على فكرة 😂

عمر : دة انتو متفقين بقى !!

بسمة : يا عم بقالهم كتير مندمجين سوا

اهل "ماجي" نزلوا مصر بعدها بأسبوع و "عمر" عرف "مصطفى" عليهم وطلب ايديها منهم .. وبعد شهر من التجهيزات كان معاد خطوبتهم وكنت فرحانة اوي بيهم .. بس قبل الخطوبة بيوم في حد خبط علينا الساعة 2 الفجر ولما فتحت ملقتش حد .. بس لقيت جواب مرمي قدام الباب ولما فتحته لقيت مكتوب فيه ....

"ايه .. انتي فاكرة اني مش هعرف اوصلك .. اديني جيت اهو من تاني وهندمك .. انتي دخلتي معايا في حرب كبيرة اوي ياريم وانتي اللي هتخسريها وهتخسري معاها حاجة غالية عليكي ومش محتاج اقول اني انا اللي هنتقم منك اشر انتقام دلوقتي"

بصراحة انا خوفت جدا .. تاني يوم رحت مع البنات لل Makeup artist عشان نجهز للفرح وحكيت ل"بسمة" على اللي حصل ف قالت ان ممكن يكون حد بيهزر من ولاد الجيران ولا حاجة ..
حضرنا الفرح وكنت لابسة فستان Baby blue و حاطة makeup خفيف وكان شكل الفستان محليني اوي .. الفرح كان في نادي على النيل واشتغلنا رقص وهيصة ل "مصطفى" و"ماجي" وكنا كلنا فرحانين بس فجأة "عمر" شد ايدي وخرجني برا ..