حياة مراهقة ليبيّة

الجزء التاني (القسم الأول)

حياة_ مراهقة_ ليبية❣
إسراء_ أل_  شهوب.
❤🧡❤🧡❤🧡❤🧡❤🧡❤🧡❤
طارق ياطارق .....
"أكيد مستغربين ؟!.....
من طارق ؟.........
" طارق والد المرحومة زهرة "..........
إيه ماشاء الله عليه ؛ كبر اووللّى طول فعرض مجسم ، وعضلات، راجل عسكري👨‍✈️💪 بس حنون 🥰
حبّه كله غيره يغار حتّي من أي حد ينطق إسمها طبعه هكّي غيرته صعبة وحبّه صعب وغضبه صعب وطبعا أني نحكي علي
"حبّ الرّجّالة"....
إيه الحب مش حب الذّكورة إلّي توا موجود حبّه لملاك حب صافي ....
طبعا قصّة طارق إنّه كان أكبر واحد فخوته وهوا إلّي كان لما يشوف فأمّه تعاني من بوه يوقفله وماكانش يسمح لبوه يمس أمه بسوء ولا حتّى يعاركها وهذا هوا سبب كره بوه ليه مع إنّه سبب تافه بس هكّي كان عبدالله، واحد تافه
كان ديما متحمّل المسؤلية، وكان بوهم يخلّي فيهم أسابيع، ومرّات حتّى شهور من غير ماكلة وهو كان يطلع ويخدم ويتحمّل فمسئولية أمه، وخواته، وخوته تخيلو ولد صغير عمره 10سنين......
بدل مايلعب ويقرا ويتعلم ماشي يخدم علي خاطر خوته ،وأمه بش ما يجوعو كان طبعه قاسي بس مع إلّي يحبّهم حنين وقلبه كبير
ومايرض فيهم دقّة شوكة وهوا أكثر من تألم على فقدان أمّه وأكثرمن وجعاته وقلبه تحرق
أمّا البقية فكانو صغار وماكانو واعيين بلِّي صاير وإنّهم بدو يتامي وطبعا هدا غير معاملة مرة بوهم إلّي كانت إطّلع فيهم فلمطر البرا وتقوللهم باتو البرا زي الكلاب، وماتخشولي حوشي وتمسخوه كانو يقعدو فلمطر والصّقع البرّا وهما جيعانين .......
"أوّل مرّة ياناس نعرف ونشوف عيلة هكّي عانت وهكّي عاشت علاش شن ذنبهم شن دارو
إبتلاء من ربي وكلّه بأجره ".......
وهكذا مشو وعاشو الولاد عند خالتهم من ضمنهم طارق ....
💮💮💮💮💮💮💮💮💮💮💮💮💮
Back to the past........
قبل( 18)سنة
منال : يمي يايمي تعالي لولد أختك راهو درهلي كبدي ....
غزالة : ها خيره شن دارلك ....
منال : يمي راهو مزّقلي كراستى شن بندير أني تو أه .....
غزالة : معليشي بنيتي وخيّك هادا عامليه زي وخيك صغير .....
منال : ووووه يايمي وه أني قدّاش بنتحمل أه
قداش .....
غزالة : معليشي معليشي ماصار شي تو وراس بنيتي نشريلك وحدة جديدة غدوة .....
طارق : خالتي....
غزالة : خش خش واليدي خش...
طارق : أني ماشي توصّي على حاجة...
شبحت لبنتها وبعدين شبحتله لا لا سلامتك وليدي مانبّي شي....
منال : يمي خيرك ماقلتيله....
غزالة : أصصصصص 🤫..... قتلك أني تو نشريلك مش هو هيّا نوضي نوضي.....
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
طلع طارق وكيف جاي بيخطم لقي ملاك  مقعمزة على التّراب وتلعب بيه....
ضحك عليها وعلى ملامحها الطّفولية البريئة وسرح فيها قعد يتأمّل فملامحها قعد واقف يشبحلها وهو ساكت وعلى وجهه إبتسامة
طارق وقتها عمره 11سنة
من وهوا صغير هي خاشة قلبة ببرائتها وحلاوتها ....
وكل ماتكبر يزيد يكبر حبه ليها
"كل سنة كل يوم "......
لعند ماكبر ولاّ عمره 17
وجي اليوم إلّي اعترف فيه بحبه ليها
"بعدها توالت الأيام والأحداث".......
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
"بدي عمر طارق 23سنة"
"و جي عرس أخت ملاك غزلان"....
هوا كان خاش للمخزن إلّي يطيّبو فيه بش يجيب الصّفرة متاع الغدي .....
ووقتها ماكنش فيه حجاب قدام أولاد الخلات والعمّات فري شوية هكّي.....
طارق : هي خالتي هاتي ...
غزالة : هيا هي إنتي ياملاك نوضي أرفعيله الصّفر بسرعة ...
ناضت وهي متحشّمة كانت لابسة شورت قصير لعند الرّكبة وتيشرت أحمر مع إنّها صغير وعمرها 15 بس كانت ملامح جسمها بارزة وحلوة أكثر أنوته  ...
أوّل ماتلفّت طارق تصدم قعد جامد فمكانه وهو يشبحلها ومركز فيها وفملامحها ....
ملاك بخجل : هاك الصّفر....
إستاقض طارق لما سمع صوتها ووعي على نفسه عدّل ملامحه إلّي تحوّلت للغضب فجاة لما ركّز على لبسها وقال بصوة عالي كلّه أعصاب هادا شن،ها هادا شن إلّي لابستيه وخيرك ماتحطّي حاجة على راسك شن هي سابية شايفتيها ولا شنو خشي خشي الداخل ألبسي حاجة مستورة خشي وخدي الصفرة منها ...
تلفت مشي وخلاّها مصدومة عيونها تعبّو دموع خشت الداخل وماكانت متوقعة طارق الحنين إلّي عمره ماجرحها يتكلم معاها هكّي...
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
بعد مرّور العرس سكّرة علي روحها الباب متاع الدّار كل ما تدكّر الموقف تبكي وكل ما تسئلها أمّها ولاّ خواتها تألّفلهم تقوللهم إنّها تعبانة من القراية والمدرسة بس هما ماكانو يصدّقو فيها بس ماكانو يبّو يضغطو عليها
ومر هكّي اسبوع وهي هكّي بس هو كان كل مرّة مايشوفهاش فيها يتعدّب ويزيد شوقه ولهفته ليها ....
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
خشّت للحمّام بعد كمّلت غسيل إلدّبش ... طلّعاته ،وعصراته، وحطاته فلبانو ...
طلعت من الحمام وقفت قدام باب إجنان ...
سعاد : فتحي يا فتحي ...
فتحي : ها نعم ...
سعاد : مافيه حد خنطلع ننشر الدّبش ...
فتحي : لا لا؛ أطلعي ...
طلعت سعاد بش تنشر الدّبش فجنانهم بس الفيراندا ماكانتش مغطية يعني ماكانش فيه سور عالي كانت مفتوحة ...
يطلع ولد عمّتها محسن من قطعتهم وهوّا كيف جاي بيخش سيارته تقابله وحده سمرا تنشر فدّبش وتغنّي ....
أكثر شي لفت إنتباهه صوتها الحنيّن والحلو كانت وقتها لابسة قفطان لعند الرّكبة نص كم ومطرّز وحلو وأحمر من تصميم أختها غزلان  وتجي عمّتكم سعاد تتلفت تلقاه واقف زي الصّنمْ جامد وعيونة فنجال مفنصات وفاتح فمه من الصّدمة ...
تسكّها عيطة تقلب البانو وتخش تجري
إستاقض لمّا سمع البانو طاح مشي ركب سيّارته وطلع بيها بس خلاّ شي منّه معاها ... "عقله".........
عقلك وين طار يامحسن بشوي علينا 😁🤣🤣🤣🤣🤣🤣.....
محسن : يالله راني كيف قلت بسم الله أستغفر الله يامحسن مالقيت أمتى تطلع غار تو أخخخخخ ههههههههه واللهي هبلت يامحسن بديت تتكلم مع روحك ......
"مش منك يامحسن ياه منك ياسمره"......
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
"خشّت سعاد وهيا تندب قدّام خواتها"....
ملاك : خيرك خوي ضربك ؟...
سعاد : ياريت ياريت ...
هبة : ها.... شنو ؟!...
سعاد : محسن ...
ملاك : خيره ؟!...
سعاد : ياربي كان شوفتوه كيف ولّلى ....
هبة : غار إستني شويّة شويّة لحضة محسن ولد عمتي !!....
سعاد : إيه ...
ملاك : بلحق وهدا أمتى روّح من ألمانيا ؟!!...
سعاد : ماندري عليه ؛ أخخخخخخخ ياحليلي أني ياحْبيني عليّا وخلاص هوا طول إلخمس اسنين إلّي  فاتو وهوا يشوف فشّقرات والمرتبات يجي هني أوّل مايصبّح الصبح يصبّح علي شكلي ياحليلي عليّا أني ياحليلي 😓😞😣😖....
ملاك : أهدي يا حمارة وخيره شكلك تهبّلي وهوا شن شاف ؟...
"شدّت شعرها وقعدت إتنتّش فيه وهي تقول".
سعاد : شوفو شوفو شن شاف شوفو شفتو...... "حطّت يدها علي قفطانها"....
وقالت : شفتو شفتو ولاّ شن شاف بالك ماشفتوش.....
" دارت دورة وقفت".... 
وقالت : شفتو تو ولاّ، ركّزتو ولاّ، عرفتو تو شن شاف مانقوللكمش خدي فكرة حلوة علينا تهبّل من هنى ورايح معاد طالعة ناشره حاجة .....
هبة :أيه وبدّات منضرك خووووورااااافي وبعدين ماديريش السّبلة على العمل والخدمة ....
"قالتها وهيا تضحك هجمت عليها سعاد وبدو يتعاركو ".....
ملاك تضحك عليهم : ياتافهة وشن شاف عادي ...
سعاد : تي شن تقولي إنتي تي شن شن شاف تخيلي روحك هك ويجي طارق يشوفك هك شن تكون رد فعلك ....
ملاك : عينك أني أحلى وشعري أنعم ....
هبة : فعينك شعرك أحرش منها ...
سعاد : ههه وتقول شعري أنعم ...
نجمية : هوا يحبّني وحايقبل بيا كيف ماأني ....
سعاد : إيه جرّبي أطلعي قدّامه هكّي نتحداك ياملاك....
ملاك : والله إلّا مهبولة إنتي بش بعدين يقعد يكشّخ عليا ....
هبة : لا كشخ عليك لأنك طلعتي قدّام الرّجّالة جرّبي تطلعي قدّامه هوا بس هكي ....
ملاك بغل: باه وتو تشوفو ...
سعاد بنفس نبرة الغل : تو نشوفو ....
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
"السلام عليكم "....
هبة : من فوق نفسها وعليكم السلام ...
خيرية: بدلع تبو نعاونكم فحاجة ...
ملاك : سلامتك ...
خيرية فنّصت فيها ...
سعاد : إيه ياخيرية نبّو سلامتك بس بس ...
خيرية : خيركم ...
هبة : ماخيرنا شي غار قلنا غريبة خيرية هادا وين تفكّرة إنّها عندها خدمة وينها قبل مش باينة ...
خيرية : إيه صح معاكم حق إنتم ماينفع معاكم الخير ....
سعاد : شنهو شن تقولي إنتي ...
خيرية : إلّي سمعتيه ....
"ملاك جت بتهجم عليها من كثر الغيض شدتها هبة بسيف" ....
هبة : ترا ريّحينا هي خشي بري لدارك ياسر من غير فتنة ...
خيرية : تو ولّيت أني إلّي نفتّن ها ...
سعاد : إيه وطلعتي وحدة من تحت الحس  مس ...
خيرية: باااااهي باه تو نشوفو ...
هبة : بلّطي البحر ...
"ناضت هبة وفاتت من جنبها وطنشتها  وتبّعوها سعاد و ملاك"....
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
حركة هبة وسعاد وملاك غلط لاكن شن بيديرو الغضب وأفعاله وطبعا هادا كلّه صار وغزالة وفرج مش فلحوش ....
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
محسن ........ يامحسن .....
محسن : ها خيرك تعيط !!...
طارق : أني إلي نعيط إنت إلّي أبصر وين طار عقلك ...
محسن : شن تقول إنت أه ...
أنس : مش منّه من إشّقرا إلّي واخده عقله ....
"فنّصو الزوز فأنس بصدمة"...
طارق : حاله هادا أنس مايهنّي روحه لسانه هكّي طوله ....
أنس :اسكت إنت وإنت قول يلّا قول فمني تفكّر..... ها ؟...
محسن : تي والله إنت إلاّ خلاص معاش فيه حشم ولا شي، تي خيرك راك راجل راه تحشّم بعدين لاهي شقرا لاشي أني إلّي نبّيها من هني ...
"وكيف جاي طارق بيشرب من طاسة الشاهي شرق قريب تخنق مدّله أنس المية" ...
محسن : خير بلاك ؟!!...
أنس : شنو تقول إنت من هنى !!...
محسن : إيه خيركم تقول من قالكم أني قتلت واحد ....
أنس : لا غار مستغربين بس يعني قلنا هادا طلع البرّا خلاص بنات ليبيا سكّر عليهم ....
محسن تي شن تقول إنت أه خيرني أني مهبول راني قاعد بعقلي شن أني كافر بش ناخد وحدة مش مسلمة أه بعدين بنات بلادي مانبدّلهم أم العيال نبّيها ليبيّة ...
طارق وأنس : أووووووووو ....
أنس : والله معاش عرفناك !!.....
محسن : خيرني معش عرفتوني درت عملية تجميل أني قاعد زي ماكنت إنت لو كنت مكاني راك تو متزوج أربعة مش حتّي وحدة ...
أنس : والله هدا الشّرع حلّل أربعة ....
محسن : والله إنت ماتعرف من إشّرع والدّين كان هالجملة بس أسكت أسكت ...
أنس : هههههههه والله خلّيت مكانك هي ...
طارق : إيه شن بترجع؟ ...
محسن : لا لا خلاص كمّلت وتميت خلاص بنحط تعيني ونتريح ...
طارق : مبروك ...
محسن : الله يبارك فيك أنس هاشن إنت ؟...
أنس : السّنة هادي ونطلع من هنى نخش هنى ...
محسن : وشن قرّرت تخش ؟...
أنس : كهرباء.....
محسن : كويس،......وطارق إنت شن قررت؟ ...
طارق : والله قاعد إنفكّر شن بنخش ...
محسن : فكّر على مهلك ...
أنس : إيه ومش ناوي تقولنا من هيا إلي خدتلك عقلك ؟؟...
محسن : أسمع بالي رايق ومش معكّره أسكت خيرلك راهو ....
أنس : غار قول قول هيا تي غار هيا ياراجل 😁😁😁.....
محسن : شبحلة شبحة من فوق للوطى مشي وخلاه ....
"طارق يعزق أنس عزقة على قلبه "...
طارق : لسانك هدا يبي قصّان تعرف ...
أنس : إيه نعرف أسمع جيعان موت للشر ...
طارق : أحرف منّك ...
أنس : خش خش خنشوفو ...
طارق : لا لا، أني هني البرّا خش إنت ....
أنس : علاش أه حوش خالتك !!...
طارق : تي غار هيّا بلا جو ماتبداش عاد ....
أنس : لا بنبدا هيا خش خش بلا جو زايد ....
طارق : بنستناك هني بتخش باه ماكش خاش أني مانخش مادام خالتي مش موجودة ....
أنس : وأني شن نقول ؟!!...
طارق : ماك صحيح وجه ...
أنس : إلحق فيا ..
طارق : خش خش هيا بلاجو...
أنس : مش أني صحيح وجه هي برّا أقعد فيها
طارق : تبّي تقعد جيعان أه ...
أنس : لا بنخش ومش جايبلك ...
طارق : هيا باه سقّدنى ...
"سقّد طارق أنس وأنس قعد كل مرة يتلفت زي الغبي والعبيط لين خش "....
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
روّح فرج وكيف خاش لدّار لقي خيرية تسبّح فدموعها وطبعا فرج مع خيرية وبدّات هي قاعدة عروسة يعني طبعا تخلّطت مع بعضها جاها مخلوع ....
فرج : خيرك شن فيه ؟!!...
خيرية : أني كيف طلعت قلت خنساعدهم ...
فرج : إيييه ؟...
خيرية : وأني جيت قتّلهم خنساعدكم تعرف شن دارو ....
فرج : إيه شن قالو ؟!...
خيرية : قالولي لا لا مانبّو شي وبرّي خشّي لدارك ياسرك بلافتنة....
لزّتني ...
أني خلاص يا فرج الحوش ماعاد قاعدة فيه بكّل ....
فرج : خلاص تو نعرف كيف نتصرّف معاهم أمسحي دموعك تو نوضي ديرينّا ماناكلو ....
"خيرية مسحت دموعها زي إلبنت العاقلة وناضت توتّي فلغدي إلّي داروه ملاك وهبة
لراجلها فرج "..........
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
غزالة : شن تقول إنت ...
فرج : زي ماسمعتي يايمي وهادي مش أوّل مرّة تشكيلي راه وأني كان ماتعدّل أسلوب إلبنات معاها ناخدها وناخد حالي ونمشي وماعادا قاعد فيها ....
"ناض من جنبها وطلع "....
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
طارق : غار هيا يا هبة ...
هبة : ياطارق صعب وكان تو راك بوي لما يقتلها ....
طارق : هبة راني ليا أسبوع وماعاد نقدر نتحمّل باللّهي عليك ...
هبة : باهي تو نحاول ....
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
ملاك : لا
هبة ملاك .......ياملاك؛والله كان شفتيه وهو يترجّى حرام نوضي تكلّمي معاه ....
ملاك : لا مانبّيش أني معاش نبّي نشوفه بكّل....
هبة : أسمعي يابنت علي خاطر قلّك غطّي شعرك ولاّ خشّي علي خاطر يغار ومايرضي هكّي إدّيري فيه هكّي طارق وهكّي هوا دمّه حار وإنتي من أول ماعترفلك حبّيتيه وقبلتي بيه ها شن طرالك تو ...
ملاك : لا مانيش طالعتله إلّي يحبني ما يكشّخش عليا هكّي كان سمعتي شن قالّي ....
هبة : ها وشن قالّك🤨؛غطّي شعرك وباه شن فيها هالحاجة الكبيرة نوضي بلا تجعبير زايد كانك مش راضيةنوضي، نوضي أوواجهيه ماتقعديش هكّي إنتي معاش تبّيه ؟؟....
"ملاك اتصدمت فكلام أختها وقعدت ساكته"..
هبة : ها جاوبي معاش تبّيه نوضي إنهيها معاه من تو ماتقعدي تعدّبي فيه والله مايستاهلك تو ياخد خير منك وهوا كان زاد الموضوع عن حده مش حيفضّلك على كرامته راهو وهو راجل وأني أكثر وحدة نعترف بشّي هادا .....
"ملاك نطّت وهيّا تقول : بسم الله من قالّك إنتي إنّي معاش نبّيه أه عليك فال ....
هبة : ههههههه نوضي نوضي يامطقوقة نوضي ....
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
ملاك : ها نعم شن تبي ...
طارق :نبّي سلامتك وراحة بالك بس 😍😍...
ملاك : هههه ماخف دمّك ...
طارق : تو هادا كلّه علاش هاالخشم يصب والدّموع تصب علاش كانك مش قادرة من أوّلها قوليلي ناخد حالي ونمشي ...
ملاك : شن تقول إنت ها ...
طارق : هههه قولي مش قادرة نعيش بلاك
ياطارق نحبّك ياطارق مش شن تقول إنت ها قالهالها وهو يقلّد فصوتها ....
ملاك: عينك ....
طارق : ملاك ياملاك تو بللّهي قوليلي من الغالط تو أني ولّا إنتي خوديها بلعقل الرّجّاله يومها طالعين خاشّين وإنتي طالعتلي بتوتة تحشّم ....
ملاك بصدمة +تفنيصة عيون : شنو ...
طارق إيه إيه ، ماتفنّصي فيا عيونك هادم كان مانحبّهم راني فاقصهم من زمان إنتي ترضي تطلعي بها اللبسة لشّارع أه ...
وكان إنتي ترضي أني مانرضي .....
ملاك: ماكنتش طالعة بيها وبعدين إنت بس إلي طلعتلّك بيها ...
طارق : ها وشن أني ماني والد خالتك ياهبلة كيف تطلعي قدّامي وبعدين باب المخزن كبير وإنتي مش مدرقة وباينة شن هادا ...
ملاك : تو إنت جاي بتحاسبني ولا بتعتدر
"طارق تفلق بضحك" ...
طارق : ههههههههههههههه تو هادا كلّه الكلام ماهمّك همّك بس نعتدر يامطقوقة ...
ملاك : خلاص أني خاشّة يامحترم طلعت مش محترمة أني ...
"طارق شد يدّها "...
"تلفتت "...
ملاك : إنت صدّقت روحك عاد ...
طارق : نحبّك راني ...
ملاك :كذّاب ...
طارق محاول أنه يخفي غضبه شد علي إيدها: شنو............. تعرفي كان قالهالي واحد غيرك راهو توا فلقبر ..
"ملاك توجّعت بس حاولت تكتم وجعها وفكّت يدها منّه" ....
طارق : شوفي يابنت خالتي كانك تبّي ولّا ماتبّي راك تعاوديها الحركة هادي نعاود نفس التّكشيخة بالك تحسابيني بنقولّك أني غالط لا تتحمّلي وراسك فوق رجلك وحتّى تتحمّلي وإنتي فرحانة ولأنّك قاعدة صغير نساير بس فيه حدود للمسايره ... 
ملاك : لا والله إنت خديت راحتك هلبا هكّي ..
طارق : هههههه تعرفي لسانك طول ولاّ هو هكّي من قبل وأني مش ملاحض ....
ملاك : وتضحك زيادة ...
طارق : ههههه ماهو ياهبلة ملامحك إضّحّك هههههه ...
طارق : شوفي أني لأنّي راجل ومانرضهاش فيك أكيد مش حنخلّيك هكّي وكان تعاوديها تاكلي طريحة وتتحمّليها غصب عنّك ....
ملاك : لا لا هكّي مايساعدنيش ...
طارق : ههههه ....
ملاك : أضنّي مافي شي يضحّك ...
طارق : ماهو أني نحب ملامحك لمّا تعصّبي يبدا وجهك أحمر ، شوفي يابنت خالتي لأنّي راجل بنقولهالك أني مانتحمّلش فعرضي تبّيها بطّول بلعرض هيّا هكّي ...
"ملاك ساكتة وهي تشبحله إقتنعت بكلامه بس جزء منها قاعد يكابر وفنفس الوقت خجلانة ".
طارق : ها شن صارلك زمطّي لسانك ...
ملاك : لا مش هكّي ...
طارق : خيرك سكتّي ...
ملاك : شي ...
طارق : والله يابنت أنْطُقْ العشرين إن شاء الله ماضال إلاّ وخاطبك وقولي قالها وكلامي مش حنرجع عليه وغصب عنّك ولاّ برضاك تبّي ولا ماتبّي غيري ماك واخدة ولأنّك صغير كلامي هادا شبه مش حتفهمية .....
"ملاك لارد ساكتة وتشبحله ومشاعرها ...  مختلطة على صدمة على خجل على متحشّمة علي مش مستوعبه" ....
طارق : هاهبلة شن قلتي ...
ملاك : شن بنقول ...
طارق : هههههه واللّهي إلّا لسانك مشي خداه الفار وينه ترا أفتحي فمّك ترا خنشوفه ...
ملاك : عينك ........ ها ، أأأ
طارق : ههههه شوفتي ياهبلة ...
"ملاك طارتلها منّه لين خلاص مشت بتخلّيه"
طارق : أسمعي ...
نجمية : مابتش تتلفّتله ....
طارق بصوت أعلى : أسمعي نجيك راه ...
ملاك : وصلت لباب المطبخ تلفّتت قبل لا تطلع هاه شن تبّي ...
طارق : نحبّك يامطقوقة ...
"وهي لأنها هبلة بدل ما تفرح تعصّبت عالأخر ومشت وهيّا متعصّبة بالرّسمى منّه "....
طارق : هههههه هي تو شن بيحزّها هي تو شن بدّير ياطارق هي هههه ياعليك حالا وخلاص المطقوقة هادي خلاص خدت عقلك ياطارق...
"شنهو"....
"تلفّت طارق وهو مصدوم من خوه إلّي وراه ".
أبوبكر : شنهو إلّي تقول فيه ...
طارق : شي شي شن إدّير إنت هني ...
أبوبكر : أني مفروض نسألك هالسّؤال مش إنت
طارق : ها...أني ....
ابوبكر : إيه إنت شن إدّير هني ها ...
طارق : خ.....خالتي تبّي توصّي حاجة وقالتلي تعالالي من إرّوشن ...
أبوبكر : بلحق ...
طارق : وإنت شن دخلك شن كنت إندير ها حول حول حول من قدامي أمشي ....
"مشي طارق وهو يحاول يحافض علي ملامح الغضب بش ما يبانش عليه الفرح "....
"هههه عليك مطقوق حتّى إنت يا طارق"
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀