حوش محسن
الساعة 12:34
صوة هاتفه يرن 📱🎶🎶🎶🎶🎶
.............................
حوش غزالة
بعد كمّلت غسيل شعرها
طلعت من الحمام وهيا لافّة الفوطة علي راسها
خشّت لدّار
خدت بطّانيّة وحطّتها علي المندار
خدت مخدّه
فتحت البطّانيّة وكيف جايّة بتحط راسها علي المخدة
يرن هاتفها 📱🎶🎶🎶🎶🎶🎶
قعدت إدّوّر فيه لين لقاته فوق طاولة التّلفزيون
شافت المتصل لقاته رقم من غير إسم
تمت المكالمة
حطّاته جنبها وكيف جاية بترقد
يرن مرّة تانية 📱🎶🎶🎶🎶🎶🎶
حطّاته علي ودنها
جاها ردّه
خايف انرن انقولك سامحني
اتسكر عليا اتفوتني وتجرحني
خايف انرن انقولك كيف حالك
اتسكر عليا وتقفله نقالك
مغرور واجد حافظه موالك
وفرصه جديده امعاك ماتمنحني
خايف انرن انقولك تعبان
ونطلب ارضاك تردني زعلان
اتسكر عليا اتقولي غلطان
بعدها اتكون انت اللي جارحني
خايف انرن انقولك مضايق
ومحتاج نحكي معاك عشر دقايق
تجاوب عليا اتقول ماني رايق
وردك يجي واعر ومايريحني
سعاد : كمّلت شِعرك ...
محسن : عارف غضبك وغيضك فاهمك لاكن ا
أني ماإتّصلتش بش نطلب منّك تسامحيني إتّصلت بش نقولّك إنّي ولا مرّة فكّرت إنّك تكدبي علي كل إلّي كنت نبّيه وقت بس وقت نفهم
سعاد : وقت تفهم شني يامحسن وقت تفهم إدَا كنت نكدب عليك ولاّ لا ....
محسن : أني أسف حقّك عليّا .....عطيني فرصة ...
سعاد قاطعاته وهي تقول
سعاد : مكانش فيه داعي ليه هادا كلّه ....
محسن : ......
سعاد : إنت قاعد تبرّر لروحك فنّهاية إنت سألتني وأنا جاوبتك وإنت ماصدّقتنيش يعني حتّى ولو إتّصلت إتّصلت بعد شني ...... أني وإنت خلاص معاد يصير منّا يامحسن كل واحد يمشي فحاله لهني وخلاص .......
سكّرت الخط
وخلاّته فحالة مايعلم بيها كان ربّي
هيا حاليا جرحاته
وكسراته
كبريائه تكسر
وكرامته إنهانت
محسن
إنت هنت
وكسرت
وجرحت
يعني
مش إنت بروحك تعاني منها
حتى هيّا
عانت منّك
ستة شهور
جفاا
💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔
أنت تقرأ
حياة مراهقة ليبيّة
Teen Fictionكان في خاطري أن أقول لكم لا أحد يقراء البدايات أذخلو في القصة ولاكن لابد من ذالك ... انا كفتاة فسن 19 أصبحت مؤمنة جداً بأن القدر لا يلهو ولا يمازحنا ..... وإن كل صدفة في حياتنا هي من تكتيك القدر ! أتوكَّأ على أرشيف تجاربي مع الخير المتنكر في لبا...
