حياة مراهقة ليبيّة

الجزء الرابع(القسم التاني)

حياة مراهقة ليبية ❣
إسراء_ أل_ شهوب
❤🧡❤🧡❤🧡❤🧡❤🧡❤🧡❤
جي عماد ...
طلّعتله مودة الصّفرا ...
وجي طارق طلّعتهاله مبروكةخالته ...
مريم : من بيجي توّا ؟.....
مودة : أنس شبحت لهبة ...... أسمعي هبة طلّعيهاله ....
هبة : باهي ...
خدت هبة غطاها وحطّاته علي راسها أوّل ماجي أنس طلّعتله ....
هو قعد واقف يشبحلها نزل عيونة لوطا شبح لقفطانها إلّي لونه أحمر دمّي نازل قعدمصدوم ....
أنس : إحم هاتي هاتي برّي خشّي الدّاخل شن طلّعك ....
هبة : طلعت نعطي فيك فالصّفرا هاك ...
أنس : من قالّك أطلعي خشّي قتلك ...
صوته ونبرة صوته خلّت الكل ينتبه رغم دوشة
النّساوين الدّاخل ...
مودة : أنس خيرك شن صار ....
أنس : ماصار شي تلفّت لهبة لقاها قاعدة واقفة هيّا قتلك خشّييييي .....
من الموقف مودة ...
لاحضت ..
عرفت ..
فهمت ..
وهبة ونضراته ليها عقّدتها ...
شبه الكل فهمو تصرّف أنس شن مقصود منّه
زيّ مودة إلّي ماقدرتش تتغاضا عنّه الموضوع وكان واضح تصرّفه زي وضوح الشّمش ...
وفيه يلّي ماكانش من الأساس فاضي
زي مرام إلّي لاهية بلحوسة هيا ومريم ....
وفيه يلّي مركّز عشرة علي العشرة
زي ملاك وسعاد يلّي خايفة عليها منهم زي ماخافت علي غزلان منهم .....
المهم ..
تمّو رفعو الصّفر وتعشّو
وخشّت رباب وملاك ومريم للمّاعين كمّلو
وهكّي تم اليوم ...
وخشّو رقدو ...
هيّا يا أطفال إلي النّوم
😅😅😅
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
طلعت شمس أليوم التّالي........
وزقزقة العاصفير ...
والرائحة خبزة الفطيرة تفحفح.....
ناضو مودة وملاك ومريم يوتّو فلفطور لرّجّاله وبعدها فطو النّساوين ...
شوي شوي وبدو الصّغار ينوضو ....
وتقلب الحوش من الهدوء إلي الدوشة ...
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
هبة : غزلان ......غزلااااان ...
غزلان : أه ه ه ه ه ...
هبة : كيف حالك اليوم كويّسة ؟...
غزلان : جعانة ....
هبة : شنو ؟؟!...
غزلان : جعااااانة....
هبة : 😂😂😂😂😂😂 باهي ياودّي نوضي توضّي وصلّي حاطّينا الفطور هي ....
غزلان : أخخخ ....باهي ....
ناضت غزلان للحمّام ...
تلفّتت هبة للجيهة التّانية تلقي سعاد عاطية بضّهر وفاتحة عيونها ودموعها علي المخدة
هبة بخوف مدّة يدّها وهزّت سعاد شوي ....
هبة بخوف : سعاااااااااد خيرك ؟!!!....
سعاد ناضت وقعمزت شبحت لهبة بعيونها المدمّعة تلفّتت ...
هبة زادت خافت من نضرات سعاد ...
هبة بخوف : سعااااد نكلّم فيك خيرك تكلّمي ماتخوّفينيش ...
سعاد : إذّكّرت حاجة ....
هبة : شن إذّكّرتي ؟....
سعاد : محسن ....
هبة : شنهوّا ......محسسسن ؟!!!....
سعاد : إيه ....
هبة : وشن دكّرك فيه ؟....
سعاد : مانعرفش فجأة هكّي جي علي بالي ...
هبة : .....؟؟؟
سعاد : كنت نفكّر لو لو عطيته فرصة يمكن كنت ....
هبة : يمكن شني ؟؟....
سعاد : يمكن لو عطيته فرصة وقتها ....أخخخخ ماعاش عرفت نحس فروحي مذنبة لأنّي ماعطيتاش فرصة ماسمعتاش ....
هبة : صح يمكن .....بس توّا خلاص معاش ينفع النّدم أبداً توّا فات قريب إسّبعة سنين خلاص يعني أنسي ...
"سبعة سنين"....
كلمة قعدت ترن فودن سعاد زيّ الجرس ...
"صح ياسعاد أنسي ...
أنسي لأنّه فات ومات ..
إنتي ماعطيتيشي فرصة ...
إنتي سكّرتيها من أوّل مرّه ...
يمكن كان معاك حق ..
يمكن لا ..
كيف بتعرفي باه ..
ماهو لازم تجرّبي ...
أساسا حبّكم ماتجاوجش حتّي مشكلة
من أوّل مشكلة ....
بانت فيه الشّقوق والنّدوب ...
يمكن ماكانش قوي وصافي ...
أو يمكن كان كبريائك طاغي ...
طاغي علي عقلك ..
علي قلبك ...
ماقعدش معاكم هلبا ...
الحياة محتاجة تجارب ..
مهما كان لغلط ...
إنتي قرّرتي تسكّري ودانك ...
إنتر قرّرتي ماتسمعيش مبرّراته ..
أعداره ..
وأسبابه ...
لاكن شن ينفع توّا ...
بعد سبع سنين شن ينفع ...
سبعة سنين ...
هوّا كل يوم يشوف فيك ...
كل يوم يصبّح فوجهك ...
سبعة سنين ...
كل ساعة ماقدرش يشيلك من باله
كل ليلة يرقد وهوا حامل دنب فرقبتة
وكسرة فقلبه ...
من برّا عايشين حياتكم ...
لاكن من داخل الله أعلم شن دار فيكم
حب مافاتش عليه شهر ....
قصيرة المدّة ..
لاكن خلّت جروح بليغة
ومع هذا ...
يبقى الوقت كفيل بمداوات الجروح ...
يبقى كفيل لنّسيان ....
لاكن رغم كل هالوقت ...
لا إنتي ياسعاد قدرتي تنسيه ...
ولا هوّا قدر يشيلك من باله ...
صعب ...
صعب دور الكبرياء ...
وقدّاش ياما ...
قلوب مليانة بلحب 💗💓
جفّفهامنّه ...
وخلاّها زيّ الزّهرة الذّبلانة ...
من غير
إمّيّه......💔💔"....
🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵
طلعت غزلان من الحمّام علي طلعت مريم من الدّار الأخيرة ...
مريم : غزلاااان صباح الخير كيف حالك ؟...
غزلان : بااااهي الحمد الله ...
☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘🍀
فنفس الوقت
هبة : هيّا ياسعاد أمسحي دموعك ماتخلّيش أي حد ينتبه هيا نوضي توضّي وصلّي هي ...
سعاد : باهي ...
ناضت سعاد من جنب هبة وهيّا تفكّر مش قادرة تنحّيه من بالها .....
هبة : أخخخخ ياربي ....
تخشّ عليها ملاك فجأة وهيّا غارقة فتفكيرها
ملاك : هبة...... ياهبة ....هيييي تسمعي فيّا
هبة : هاه....... خيرك ؟...
ملاك : هي تعالي النّساوين يراجو خيركم عطّلتو
وين سعاد وغزلان وأمي ؟...
هبة : أمي مع خالتي تفطر وسعاد ناضت للحمام وغزلان فدّار الأخيرة هيا وبناتها ....
ملاك :باهي هي نوضي خنّفطرو هي معاش وقت بيبدو النّاس يجو ...
هبة : هيّا هي ...
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
فدّار الأخيرة وين ماكانو الصّغار راقدين البنات
فاطمة : أمّي هي أمتا بتّمّي أييي توجع ....
غزلان : هي شويّة وإنتم ....
إسراء : مامااااا أني أمتى بتششوريلي شعري نبّيه رُكبْ ؟....
غزلان : هي بعد نفطرو تو نكلّم سعاد
تششورهولك باهي ....
فاطمة : هيّا ماما جيعانة ...
غزلان : هيّا هي قريب نكمّلّك الظّفرة شويّة بس
كمّلت غزلان شعر بناتها إتّلاتة ...
وطلعت وهمّا وراها ..
قعمزت علي صفرة الفطور مع خواتها وبنات خالتها وخالها ....
وتت مريم صفرة الشّيابين والعزايز بروحهم
بعد كمّلت جت قعمزت علي الصّفرة
هبة : من بيمشي اليوم يرفع الكسوة ....
مريم : قالت أمي السيّارات يسدّونا الكل ...
ملاك : معناها كلّنا بنمشو ...
مودة : إيه كلّنا ..... شبحت لهبة كيف تغمّس فلخبزة فالزيت وهيا سرحانة ....
قالت فنفسها
"علي من بس يالفعة تفوّتي فيه لاكن أني نعرف دواك شنهوّا" ....
كمّلو حوسة الفطور ....
وساووالحوش وضمّوه وتوّه وبخّروه ....
🧴
🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼
خشّت السّابتات إلّي جابهم معاد لمرته باش يحطّوهم فلمربوعة الدّخلانيّة ويسكّرو عليهم
☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘
بدو المعازيم يخشّو بشويّة لين الحوش تعبّا ...
الجيران ...
وصحاب العيلة ...
وولاد إلخال ولخالة والعم والعمّة
والقريب والبعيد ...
عزمو كل إلّي يقربلهم حتّى من بعيد ...
مبروكة : يابنات هيا جو أطلعو هيّا .....
🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱
لبست مودة محرمتها إستعدادا لإستضافة المعازيم ...
وإلّي تجي توقفلها ترحّب وتأهّل وتسهّل ...
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
إلّي هادي حايسة فروحها ...
غزلان ومرام قعمزو مع المعازيم فالصّالة
ومبروكة وغزالة كذالك ....
والباقي إيضيّف فالمعازيم
صفرة طالعة وصفرة خاشة للرجالة والنساوين ...
🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼
بعد كمّلت مودة بصّفرة الشّاهي مشت للكوجينة
خشّت تلقاهم حايسين فضّيافة والشّاهي ....
مريم : مودة وينك ؟...
مودة : هاني هني خيرك ؟....
مريم : أنس من بكري يبّيك أطلعي شوفي خيره ...
مودة : أخخخ شن هادا وقته هادا توّا ....
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
طلعت من باب الكوجينة للفيراندا
للّي واقف برّا بهيبته وطوله وعرضه
الكل مستغرب 🧐🤔🤔
قدّاش طوله ياتراى؟؟؟...
أني نقولكم 🤓🤓
طوله 187 😍😍
مودة : ها أنس خيرك ....
أنس : شن منو بيمشي ...
مودة : أني وأمي ومريم ومرام وخالتي غزالة هيّا وبنتها ورباب ومرة خالي حبيبة ومرة ولد خالتي خيرية ....
أنس : باهي باه أني راهو سيّاتي ماتحملش غير أربعة من تالي بس أسمعي حدّدّتيلي بدلتي العربية ....
مودة : تعرف نسيتها ......
أنس بصدمة : تي شن تقولي إنتي نسيتيها وشن ندير أني توّا أه خيرك ....
مودة : باهي باهي تو نتصرّف بسرعة ...
أنس : معاش فيه وقت أما بسرعة متاعك ... هادي هيا ساعة ونلقاكم واتيين أستغفر الله وخلاص .....
مشي من قدّامها وهوّا متكنطي عالأخّر يتمتم بكلمات ...
أنس : مش عارف أني خيرها هادي ....
مودة : ياربي خير بلوتي ننساها تو هادا معاش بيحز توّا ....
خشّت للكوجينة وهي حايرة ...
مريم : ها خيره شن يبّي ؟....
مودة : شن يبّي سألني علي من بيمشي البلوا هادا نسيتله حتّا بدلته العربية ...
مريم : شنهوّا تي كيف تنسيها ؟!.....
مودة : ماندري علي بلاي خيرني نسيتها ...
مريم : باهي إلّي ماعطاكش كف ..... مش فبابها توّا ....
تتلفت إيمين إيسار ...
تخش عليهم هبة وهيا فيدها بدلة خوها ....
هبة : بلّلهي يابنات ماتعرفوش وينه الحديد نبّي نحدّد بدلة خالد ...
شبحو مودة ومريم لبعض ....
مريم : إيه نعرف هاوّينه جنب الفريز الكبير فدّار الأخيرة...... هادي هبة بلّلهي نطلب منّك طلب ....
هبة : حاضر تفضّلي ...
مريم : والله مانا فاضيين وأنس بدلته مودة نست ماحددتهاله بلّلهي حدديهاله ....
هبة شبحت بصدمة لمودة وبعدين لمريم !!...
مريم : ها هبة عندك وقت ؟...
هبة : أه ....أاااا إيه إيه عادي عندي وقت .... هاتيها ....
مريم : تعالي ...
طلعت مريم من الكوجينة وطلعت وراها هبة
وأنضار مودة إتّبّع فيها ...
مودة مالقيت كان هادي ياكبدي حتّا إنت ياأنس مايطلع منّك حت  إنت ياأنس
🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵
أمّا الصّغار ....
هبة حددت بدالي محمد ولد أختها وخالد خوها وأنس ولد خالتها ....
تتأمّل فيها وتتخيّل فيه لابسها ...
علاش تتخيّلي ماهوا بتشوفيه بيها 🤣😅😅
وعند البنات ...
سعاد وحلت فإسراء وفاطمة
تششورلهم فشعرهم ....
إسراء : خالتي أني بنلبس خفتاني إليوم ولّاه ؟..
سعاد : لا لا الفيلّو نلبسوه غدوة في إلعرس ...
فاطمة : هيّا خالتي معاش وقت ...
سعاد : هيا هي ...
كمّلت تششوير شعرهم
ولبسو بدالي قونّات ولسواري حلوات عالموف السّواري بيض مافيهمش كمام .....
سعاد : هي توّا إنتي وياها وياها نوضو ألعبو هي ....
طلعو البنات من الدّار ...
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
تخش عليهم هبة وهيّا فرحانة قريب إطّير ...
هبة : سعاد ياسعاد ماريتيش خرساتي وخاتمي أه ؟..
سعاد وهيّا تمكيج فغزلان ترد عليها ...
لا لا ماريتهمش إنتي حطّيتيهم فجيب الشّنطة متاعك ....
هبة : إيه وتوّا جيت دوّرتهم مالقيتهمش ....
هبة : أسمعي والله ماعاد وقت خلاص برّي خودي من مرام ....
غزلان : لا لا، شن تاخد من مرام أسمعي أفتحي شنّطي تو تلقي فيها طاكم فالصو فوّتي بيه إلّيلة وغدوة ساهل ....
هبة : سلّملي وخيتي يارب ...
سعاد : إيه هيّا خيرك من بكري علي إتّحديد بسرعة هيّا معاش فيه وقت ....
هبة : إبتسمت لمّا سمعت كلمة تحديد إدّكّرت إنّها بدت تحب الكلمة ...
طبعا
ماهو حددتله بدلته العربية
تقول حددت بدلة راجلها 😂😂
☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘
خشّت إسراء لدار عليهم فجأه وهمّا فنص حوستهم ...
إسراء : خالتي نبّي لوج ...
ملاك : شنو شن تبّي ؟...
غزلان : تبّي ولاّعة عليهم الشّوارب مش لوج أطلعي خير ماإنّوضلك ...
إسراء : لا لا نبّي لوج أني نبّي لوج ...
ملاك : غار شن تبّي هادي ؟...
غزلان : تبّي روج ....
ملاك : هههههه ياودّي شن هوّا هوّا هي تعالي نديرهولك هي ...
غزلان : تو مش كنتي برّا تلعبي شن جابك ها عليك حصلة وإنتي إتّانية زيدي حلّي زيدي إنتي من هني وبوهم من هني ...
ملاك : أسمعي أمي وينها ؟...
سعاد : أمي من بكري وتّت روحها وقعمزت مع المعازيم فصّالة وإنتي وياها وأني هني نسهّدو تي هيّا بسرعة وإنتم حالا هيا بسرعة أنشطو وإنتم مرخيّات ...
إسراء : إيه هيّا بسرعة وإنتم مرحيّات هيّا هيّا
أوّل ماقالتها طول طلعت تجري ...
غزلان : بلّلهي أمي سعدودها ياحنّة لا مكياج لا شي رداها وقفطانها وتلبس دهبها وبس شن عندها تاني ...
🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱
فنفس االوقت فالدّار التانية
مودة : هي تو دوري ...
دارت مريم بعد ماربطتلها مودة الردي من تالي
مريم : ها شن ؟...
مرام : توحفة ملاّخير بطّيّحي عليهم كلهم ....
مودة : هي توّا المكياج إستلمي يا مرام ...
مرام : كان خلّيتيني نديرهولها قبل الرّدي خير تو كان يتلبّز الرّدي نمشو فيها ...
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
وفات الوقت وهما قايمين حرب عالمية تالته إلّي هادي لاهية فروحها ومسكّرين الدّيار ويتناقلو من دار لدار ....
🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱
كمّلت سعاد تجهيز خواتها التلاتة ...
وهيّا أخر وحدة فيهم ...
بعد كمّلت طلعو من الدّار ورا بعض ...
المهم
إلّي لبسو صدَّارات همّا مريم وغزلان ومرت خالهم حبيبة ومرت خو غزلان خيرية والباقي لبسو قفاطين سهريات ....
سعاد قفطان قهوي فضفاض نازل مغطّي الرجل وفيه حزام ...
ملاك قفطان قصير لركبة لونة أسود
هبة السّمّونيّة لبست قفطان قصير لرّكبة وأحمر
كيف طلع عليها وهيا بيضة .....
خيااااال
المهم
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
مرام بعد كمّلت أخر لمسة ولبّست مريم عبايتها وخمارها .....
مودة : هيّا هي ...
طلعت مودة من الدّار وهيّا شادّة أختها الكبيرة بش ماإطّيحش مش متعوّدة علي الكعب ...
تتلاقا فلممر هيّا وغزلان وسعاد وملاك وهبة ...
مريم : هيا وتيتو ...
غزلان : إيه هيّا ...
🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱
إستاقضو لمّا سمعو السيّارة أنس تبيّب وأنس يعيّط رقاله الزّيت 😅😅🤭🤭😝😝 ....
ويسقّد فيهم ......
طلعو مريم ومودة ووراهم هبة وبعدها سعاد ومرام وملاك وغزلان و غزالة ومبروكة وحبيبة مرت خوهم طلعو قبل البنات وركبو ....
خشّت سعاد وملاك وخيرية مرت خوهم فسيارة خوهم من تالي بينما غزالة ركبت من قدام
وحبيبة مرت خو غزالة ومبروكة ركبت فسيارة راجلها ......
ومرام فسيّارة راجلها ......
ومريم ومودة ومبروكة فسيّارة أنس ......
وغزلان مع بناتها ولدها فسيّارة مبروك راجلها .. أمّا هبة فأوّل ماطلعت قعدت واقفة لفت إنتباها
أنس وهوا سافن كمامه ....
كيف متعصّب ويحرك فيهم ويقولهم هيا عطّلتونا وقت وقت .....
البدلة وكيف طالعة عليه ...
نست إلّي حواليها للحضة قعدت سرحانة فيه هوّا بس ....
وهي كانت واقفة بين سيارة خوها ولد خالتها قعدة واقفة ....
أنس تلفّت لقاها واقفة وتشبحله
إستاقضت لما لقاته يأشّرلها ويبيّن متعصّب ....
أنس : هييييي إنتي أركبي هيّا خيرك واقفة هكّي أركبي بسرعة عطّلتينا هيّا ....
وأخيراً إستاقضت علي صوته
هبة : باهي حاضر ....
أنس : شد يدها لما جت بتفوت من جنبة بقوة شنهوّا ؟...
هبة : شي شي هيا هاني راكبة ...
أنس : تركبي من غير حرف أركبي وإنتي ساكته مرّة تانية تفهمي ولاّ لا ...
المرّة هادي تكنطت هبة من حركته معاها وخشّت وهي مغصورة من تكشيخته ودمعتها فعينها ...
المهم طول الطّريق وهمّا يبيّبو ويطلقو فالألعاب النّاريّة ....
وأنس يتعارك مع السّيّارات مايبّيش يعطّل يبّي يوصل بكري ...
وطبعا ماقدرش يشوفها أقصد يحط عينه فعينها
أمّه من جيهة وأخته من جيهة وطبعا هادا كلّه ومبروكة مش فاهمة شي ...
هادا كلّه علي أنضار مودة
أصلا مش فاهم حد غير مودة ...
حس علي روحه لمّا عصّب عليها
عن غير قصد بس هوا عارف إنها متكنطية
أساساً من غير مايعرف تكنطت ولا لا
الإنسان لما يدير الغلط حتّي وكان يتأخر بس يدرك إنه غلط مهما طوّل ....
قبل كانت مرّة مرّة تشبحله بس توّا مابتش حتّي تحط عينها فلمراية
حتّي بلغلط .....
وفعلاًهيّا صح خدت منّه موقف 😤😤😤😤
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
خشّو لحوازة أهل العروسة وإستقبلوهم بالزّكرة والدّربوكة ....
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
في قيطون النّساوين ...
خشّو مبروكة وبناتها وغزالة وبناتها وحبيبة وخيرية ...
قابلوهم خوات العروسة وأمّهم .....
أم لعروسة : يا أهلين بيكم يأهلين وسهلين ينسيبتنا أهلين نوّرتونا تفضّلو تفضّلو ...
مبروكة : السلام عليكم النّور نورك ياوخيتي النّور نورك كيف حالك ؟...
قعدو يسلّمو علي بعض وكل وحدة من خوات العروسة تعرف علي روحها من كبيرتهم لصغيرتهم لمبروكة ولأخر وحدة فنساوين العيلة لعريس ...
بعد كمّلو ترحيب خشّو للقيطون وقعمزو
حطّو السّباتات علي الكراسي ....
بعد كمّلو حطّانهم
بديي شوط الدّربوكة مرّة تانية ...
بعدين خشّو خوات لعروسة ...
فاتت ربع ساعة ...
بعدين طلعو بلعروسة وهيّا لابسة بودري وغامّين راسها برّدي البودري
يديدشو فيها بشّويّة
لين وصلت فلقيطو ....
وبدو يدربكو مرّة تانية
ويشّتو عليها .....
أخت لعروسة الكبيرة شدّت أم لعريس وخششتها بش ترقص
ياإمّيمة لعريس تعالي فرحانة وعطاك العالي ...
كراروها وراها أكثر من مرّة ....
ياإمّيمة لعريس تعالي فرحانة وعطاك العالي ...
الأخت الصّغير : وحوشنا تريّة علي تريّة ماداما إمّيميتنا حيّة ...
عاودوها وراها ...
حوشنا تريّة علي تريّة مادام إمّيمتنا حية ...
مودة : الله واحد الله علينا ياعوينة ماأضّرّينا ...
كلهم عاودوها وراها أكثر من مرّة ...
الله واحد الله علينا ياعوينة ماأضّرّينا ....
مرام : لاتبكي ولا تقولي أمي حصّلتيه ولد متسمّي ....
لاتبكي ولاتقولي أمي حصّلتيه ولد متسمّي ...
مرام : أوو لاتبكي ولا تقولي بعيد سيّارة ترفع وتجيب ....
لاتبكي ولاتقولي بعيد سيّارة ترفع وتجيب ...
سعاد : إشّشّشي عليها هيّا إشّشّشي زهر ومَّيّة ...
كلهم زغرطو عليها ...
وعاودوها أكثر من مرّة ...
إشّشّي عليها هيّا إشّشّشي زهر ومَّيّة ...
ألأخت لكبير للعروسة : هذا حد القدر معاكم نوّار الحوش عطيناكم ...
علت الأصوات مع الشتاوة ...
هذا حد القدر معاكم نوّار الحوش عطيناكم ...
تم شوط الدّربوكة التالت ...
وختموه بصّلاة علي النبي وزغاريط ....
صلى الله عليه وسلم
بعد هكّي ....
قعمزو العروسة علي كرسي
جو الصبّايا الصّغار بش يشدّو المراية قدّام العروسة ...
ولباقي دايرين قماشة لونها بودري وراها وحطّو القفّة إلّي فيها الحنه قدّامها هيّا ...
أخت لعروسة جت جنب أختها بش تساعدها إتطلّع يدّها من الرّدي وتحطّا فلقفّة ...
حطّت لعروسة يدها فلقفّة كمّشت بيديها وراق الحنّة الجافّة ورمتها وراها فلقماشة ....
كررت الحركة أكثر من مرّة ...
وبعد كمّلت قامو العروسة ودخلوها الداخل
وبعدين طلعو برّوزاطة ...
والعبمبر والحلويات والشّاهي والشّكلاطة
وضيفوهم ...
وودعوهم زي ماستقبلوهم بشوط دربوكة قوي
وهكذا تمّت القفّة
ركبو السّيارات
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
فطّريق ...
فسيارة أنس ...
إلّي مرّة مرّة يشبح للمراية القدّامية علي أمل يشبحها بس لا ...
هالمرّة خدت منّه موقف قوي ....
هبة حاليا تفكّر إنّه يلعب بيها
كل المواقف وإلّي صار خالّاها
تفسّر فعقلها هالتّفسير ....
بس ياتراى هل حيصير شي يخلّيها تغيّر تفكيرها 🤔؟؟....
☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘
وصلو للقطعة ...
والسّيّارات تبيّب ورا بعضها ...
أوّل سيّارة سيّارة أنس ...
وبما إنّ هبة كانت مقعمزة وراه
فهمّا الزّوز طلعو من نفس الجيهة ...
أوّل ماطلع تلفّت طول ...
شافها كيف طلعت ..
كيف فاتت من جنبة ..
ولا كأنّه في حاجة جنبها ..
من غير حتّا ما تشبحله طول من السّيّارة للفيراندا للكوجينة للدّار .....
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
فدّار الاخيرة ...
مودة : إيه شفتيها أختهم الكبيرة حركتها عجبتني ...
مرام : إيه ...
مودة : يبنات ...
تلفّتو مريم ومرام لمودة ....
مودة : نبّي نقوللكم علي حاجة ...
🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵
فنفس الوقت ...
هبة كانت تنحّي في خراساتها فدّار ...
غزلان : ماشاء الله عليهم الحق كويسين حتّى فمعاملتهم ...
سعاد : إيه عجبوني حتّى أختهم الكبيرة كويّسة ...
ملاك : إيه ......
وهادا كلّه وهبة مش لاهية بيهم ...
تفكّر ..
تفكّر ..
تفكّر فيه ....
فجأة طلعت من تفكيرها لمّا حاولت تنحّي الخاتم من صبعها ماباش يتنحّا كيف وصل فنصّ الصّبع أوحلْ ...
خشّو البنات التّلاته عليهم وهمّا فدّار ...
فاطمة : ماما نبّي عبمبر ...
غزلان : هيا جبتلكم لاكن قبل نحّو بداليكم وعلّقوهم تو نعطيكم هي برّو هي ...
سعاد : تعالي لمّورة اني نحّيلها بدلتها ونلبّسها هالشّقرا هي ...
تلفّتت غزلان تلقا هبة قّدّام المراية باين علي وجهها الخوف ...
غزلان : هبة خيرك ؟.....
هبة تلفّتت لغزلان ....
هبة : ياغزلان خاتمك وحل فصبعي خلاص معاش يبّي يتنحّا بكّل من يدّي ...
غزلان : نهارك أحرف تعالي تعالي ...
طلعت غزلان من الدّار وطلعت وراها هبة
تخش للكوجينة ...
تلقا مريم ومودة ومرام مع بعض واقفات
غزلان : مودة بلّلهي عليك مانلقاش عندك زيت الخاتم علق فصبعها ..
مودة : خيره ....
غزلان : الخاتم يبّي زيت ....
هبة : بدت تبكي لأن الخاتم عصر علي صبعها هلبا وهيّا تحاول معاه ..
غزلان : هبة خيرك اللّطف هي تو إنّحّوه ...
جت مودة بشيشة زيت الزيتون وحطت منه علي صبع هبة ....
وهكّي حاولت غزلان تجبدهولها لاكن زاد علق أكثر وعصر علي المفصل وعيّطت هبة عيطة واحدة وزادت تبكي خلعت كل الموجودين من معازيم ...
فنفس الوقت ....
البرّا من جيهة الكوجينة كيف جاي أنس يبي مودة يسمع صوتها من غير مايحس علي روحه من خوفه ...
من غير أي مقدمات ...
رجليه بدو يسرّعو فلخطوات
إندفع أنس وخش يجري للكوجينة
أول ماخش من الباب شافها كيف مقعمزة علي الكرسي وتبكي وجهها أحمر
أنس بخوف : خيرها خيرها ؟!!!..
مودة ومرام تخلعو من نبرة صوته
مرام : مافيها شي الخاتم علق فصبعها بس ...
أنس : كيف يعلق الخاتم كيف شن مافيها شي
حالا وخلاص فيكم حالا ....
طلع من الكوجينة وهوّا متعصب علي مخلوع علي خايف ....
طلع يجري للمخزن إلّي ورا الحوش ....
طول خش قعد يدوّر فيه لين لقي شنطت الأدوات تصليح ...
فتحها وخدي منها بينسة ...
رقيقة وحادة
يقطعو بيها فلحديد ....
بسرعة بسرعة سكّر الشّنطة وطلع وسكّر الباب وراه ...
خطواته خداته للكوجينة ...
خش طول ...
أنس : حوّلو حوّلو ...
خشّت غزلان الداخل ..
وقعدت هبة تشبحله من الصّدمة ...
أنس : مدّي إيدك بسرعة ...
شد يدّها فرق صبعها ودخّل الخاتم الداخل لماكانه حوّله علي المفصل بش يكون فيه فراغ شويّة ...
وخدي البينسة دخّلها بين صبعها وإلخاتم
ظغط علي الخاتم كسره بضربة واحدة بلبينسة الحادّة ...
وهكّي تكسّر الخاتم وطاح من يدها ...
أنس وهوا شاد إيدها بإيديه الزّوز ...
نسي الخطوط الحمراء ...
وقعد يتأمّل فيها ...
فدموعها إلّي نازلات قال: خيرك إنتي كيف أه كيف تلبسي حاجة مش قدّك مش مقاسك......
هبة وهيّا تمسح فدموها : مانحسباش مش قدّي خش بسرعة ...
أنس بخوف : لاحول ولا قوة إلا بالله وخلاص مرّة تانية ردي بالك صبعك قريب مشي فيها ....
"المشهد هادا كلّه صاير والبنات يتفرّجو عليه بصدمة "...
عادا مودة كانت شبه متوقعة ومانصدمتش
شبحتلهم الزّوز بعد ماكانو مش مصدّقينها عيونها تقوللهم شفتو ولاّه هادا إلّي كنت نحكيلكم عليه ....
إستاقض أنس علي روحة وطلع من نوبة الخوف إلّي صاباته فجأة لمّا حطّت مرام يدها علي كتفه ....
كان راكع قدّام هبة وهيّا مقعمزة علي الكرسي وشاد يدها مانتبهش علي روحه من الخلعة ...
هوا هني عبّر عن خوفة ...
قلقه وحبّه ...
أنس ماعبّرش بلكلام ...
كان طول الوقت يعبّر بالأفعال ...
من مواقف الغيرة الحادّة
لمواقف الخوف الشّديد ...
هادي كلّها مواقف تبيّن قدّاش أنس يحبّك ياهبة ...
مرام : صحّيت يا أنس ...
لقي روحه فجأة شاد يدها ...
فلت يدها ...
وناض فجأة طلع وخداته خطواته للباب ومنّه للفيراندا البرّا وبعدين للقطعة وطلع منها مرّة وحدة ....
الموقف إلّي ماوعاش علي نفسه وهوّا يدير فيه بدافع الخوف علي الإنسانة إلّي يحبّها خلاّه يتحشّم من نفسه ويطلع يهرب ...
لاكن توّا تبتت خلاص ...
من مني بتهرب يأنس ...
من خواتك ...
ولا منها هيا ....
طلع أنس من القطعة مرّة وحدة علي أنضار
طارق والرّجّالة كان يجري تقول واحد مخلوع والشّي هادا خوف طارق لحقه طلع معاه ...
🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵
يتبع ......
3582 كلمة ....