حياة مراهقة ليبيّة

الجزء الرابع (التكملة )

حياة مراهقة ليبيّة ❣
إسراء_ أل_ شهوب.
❤🧡❤🧡❤🧡❤🧡❤🧡❤🧡❤
يا ليبيا المقهوره ...بين البنات او كارطة والكوره .. ضاعوا شبابك

جيل انســــيه
جيل انتهى ماخـــــــير تلقى فــــيه
لايحترم روحـــــــه ولا والـــــــــديه
ولا يعد ربى شايـــــــفه بالـصــــوره
فالــعيب طايــــــح مرتمى بــــــيديه
ناسى الله او طلــــــــته وحضــــوره
ايدير الخطــــــا ويعيش فــــارح بيه
وما يندرى اللى صــار من مخسوره
يالــيبيا انســـــــى اعبـــــــاك عليه
ألجـــيلك حفــــرنا من زمان قـــبوره

جيل تــــوارا
وسط الحشيش اليوم راح اخسارا
عندا القهــــــــاوى مسكنه ودياره
وعندا الشيشه حرفــته او صيوره
لاهــــدف لا طمـــوح فى مشوارا
واخــــذ الدنيا لـــعب فى منظـوره
جاهـــل وضـــــايع ما سمع لدبارا
والقــــلب ميت فيه طافــــى نوره
يلزم علـــينا نوقــــفوا ابـــــجدارا
من كثر ما زايد الحـــال اخطــوره
إلا من رحم ربــــــــــــــــي وعصــــــــم
مع الاحترام للناس الطيبة والخيرة .......

#لمودر_الدرسي
اللهم صلي وسلم على نبينا محمد.
💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔
مرْ شهر كامل وغزلان ومبروك  برّا البلاد سياحة
ومريم على حالها
ومرام فحوشها تتشهى وتتوحم وبشير عاد فوق الفرحة فرحان غر شن تبّي بس 😉
بعد الشهر خش أول اسبوع فعرس خو مبروك
💐💐💐💐💐💐💐💐💐💐💐💐💐🎊🎊🎊🎊🎊🎊🎊🎊🎊🎊🎊🎊🎊
خش أوّل إسبوع فلعرس ...
عرس معاد
وطبعا معاد من أوّل يوم ماعاد شافو وجهه هرب 😅😅🤣🤣🤣🤭🤭🤭
ناضت مودة علي صبح ربي
وبدت تعجن فخبز الفطيرة.
خشّت للكوجينة وبدت تعجن
ناضت بعدها مريم خشّت طول للحمّام
أمّا سلسبيل وتغريد
راقدات مع فاطمة وإسراء ولمار فدّار الأخيرة
أمّامالك ومحمد راقدين مع الرّجّالة فلمربوعة ....
مبروكة مقعمزة فلممر الي يفتح علي الفيراندا الأماميّة تحسب فلفلوس إداكان فيه شي ناقص ولاّ لا
وبعدين ناضو الجماعة رجّالة وصغار وبدي الحوش يتقلب
وتّولهم فطورهم
وحطّو صفرتين لرجالة
ومريم وتّت صفرة ليها هي وأختها وبناتها وبنات خوها الكبير مبروك
فاطمة ولمار وإسراء
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
فدّار الأخيرة بعد ناضو البنات
فاطمة : إيه وحتى ني بابا شرالي خفتان طوييييل فيلّو
(قصدها قفطان )😅
سلسبيل : وأني خالي شرالي بدلة حلوة
تغريد : أني شريت لبسة قونّة وسوريّة
إسراء : وأني شريت فيلّو وحتّي لمار شرت فيلّو
أبيض زي العروسة ....
"فطومة"....
فاطمة : هادي عمتي مريم تنادي ولّا
سلسبيل : إيه شكلهم حطّو الفطور هيا نوضو ...بسرعة ....
ناضت تغريد وسلسبيل وفاطمة طلعو يجرو وإسراء شدّت لمار من يدّها طلعتها وراها
وصلت فاطمة للكوجينة ...
فاطمة : عمتي ناديتيني ....
مريم : إيه ناديتك هي تعالي أرفعي البخشة حطّيها فالدّار هي خنحط الفطور ....
فاطمة : حاضر ...
خدت البخشة رفعتها لدّار
كمّلو الرّجّالة فطورهم وكمّلو النساوين
غسلو الماعين ....
تلاقو البنات علي مودة إلي هادي تستنّا بدّور تخرطلها شعرها ....
طبعا شعر تغريد أسود وغزير زي فاطمة أمّا سلسبيل قهوي وخفيف وناعم عكس أختها شعرها أحرش ....
أمّا الشّقرات الحلوات لمار وإسراء
إلحمرات شعرهم غزير وأحرش
بعد كمّلت مودة خريط شعر سلسبيل وفاطمة وتغريد ...
جت لإسراء
مودة : هي ياسمّوحة قعمزي هي ...
إسراء : عمتي نبّي شعري يولّي ركب ...
(قصدها تبيه رطب )😅🤣
مودة : حاضر غدوه نششوره ونخلّيه ركب باهي هي تعالي تو نخرطوه هي ....
قعمزت إسراء ولمار جنبها تلعب
🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼
فات الصّبح وجت العشية
مودة : يمي يايمي راهو الحمص ناقص
مبروكة : باهي باه
طلعت من باب الكوجينة للفيراندا التّالانيّة
بش تكلّم عماد ولدها الصّغير واقف البرّا
مبروكة : وبصل وحمص ولحم ومشروب و ....
عماد : وشن تاني ؟...
مبروكة : جيب صابون تايت أووراكينة و خضرا وكسوة الغدي من كواشيك وأمّاس وماتنساش الموز والتّفّاح ....
وعندك إلّيم لازم ....
يقطع حديثهم ....
أنس : السلام عليكم ....
مبروكة وعماد : وعليكم السلام ...
أنس : هاشن القيطون مازال ماوصلش ....
عماد : كلّمتهم قالولي مع المغرب يوصل ...
أنس : باهي ....
مبروكة : جيبو مع بعضكم البظاعة
مش كل حد بروحة ...
عماد : ويوسف ومبروك ؟...
مبروكة : يوسف ومبروك عليهم الخرفان وحق القيطون ....
وإنت وياه هادم ....
عماد : اأأأ....... باهي وشن تاني ؟....
مبروكة : بتجيبو زكرة ولاّه ؟....
عماد : ههههههههه ، إيه إن شاء الله ....
مبروكة : وهي كل حد يحط لخوكم حاجة ....
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
كيف كمّلت كلام معاهم وجايّة بتخش من باب الكوجينة علي طلعة مودّة من باب الدّار يتقابلو فلممر ...
مودة : يمي ...
مبروكة : ها ؟...
مودة : بنركب فوق ...
مبروكة : إستنّي يجو خواتك سيّقو الحوش مع بعض بروحك هلبا عليك ....
مودة : باهي باه ....
مبروكة : إمشي سيّقي المخزن ونضّفيه ...
مودة : حاضر ....
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
فنفس الوقت
فمدينة أخراى
في سيّارة يوسف بعد ماركبو أخته وصغار أخته
يوسف : ها مانسيتي شي ؟....
مريم : لا لاه ...
يوسف : هاكي ...
"حطّلها فلوس"....
مريم : لا علاش يايوسف ؟!....
يوسف : أسكتى بعدين إنتي محتاجتهم ...
مريم : والله الحمد الله مافيش حاجة ناقصتني !.....
يوسف : ترا أسكتي خلاص هي واتيين؟...
"شبح يوسف لسلسبيل وتغريد ومالك
ردّو عليه"....
يوسف : هي شن نتوكلّو ؟....
مالك : تي هيّا يا خال ....
يوسف : هههههههههه ....
☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘
وصلت سيّارة يوسف وبعدها سيّارة بشير
كلكس بشير ليوسف وردّهاله يوسف
وطول الطّريق قعدو يكلكسو جايهم عرس
🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱
"أخخخخ ياكبادي نوّضولي مواجعي كل ماندكر عراس زمان وكيف كان الأمان توا العرس يعطل لساعة 12الرجالة يبدو إلي هادا خايف علي عياله"....🥺😭😭😭😭💔💔💔💔💔💔💔
فتحولهم الباب وطلعو من السّيارات الزوز
نزلو مريم ومرام وضبّطو بعض على سلام حار
مبروكةتلاقت هياّ ومريم فلباب وسلّمو علي بعض وكبّت مريم على راس أمها
مبروكة : كيف حالك يامريم ...
مريم : الحمد الله الحمد الله ...
كانت مريم تتصنّع الفرح علي خاطر بش ماتخوّفش أمها عليهاو مبروكة ماقدرتش تقعد هلبا عند بنتها لأن عرس ولدها قريب بس خلّت خوتها ديما يمشو يطّمنو عليها ويشوفو شن ناقصها وشن تبّي
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
وطبعا قررت غزلان تبات وتقعد فحوش أهل مبروك لأنّها حامل وتتعب لمّا تكون بروحها فلشّهور الأولة ولاّ الأخيرة ....
وخصوصا بعد ماسكّرة سته إسنين ماعاد جابت
وحم وعرس صعب هلبا يجو مع بعض
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
ومع أذان العصر خشّت سيّارة مبروك
خشّت سيّارة مبروك للقطعة وهي بلكلاكس
روّح مستعجل علي خاطر عرس خوه بعد ماكمّل
نزل من السّيّارة
دار وراها
سيارة مبروك تيوتا فيها من تالي زي القراج قجر هكي المهم زي سيّارات الميليشيات توّا إلّي يورّو فيهم في قنوات الأخبار سيّارات التّيوتا
والكنتر ...
دار مبروك من تالي فتح باب القراج
بش يطلع منه السّبيزة
خضرة ومشاريب وحاجت لعرس خوه
حامل ومحمل
وطبعا مبروكة كانت حاطّه فلحسبان إنّه أنس وعماد بيتكفّلو بيه هادا بس مبروك زاد عليهم مايبّيش حاجة فعرس خوه تنقص يبّي يوفر بزيادة ....
نزّل البضاعة
ودخّلوها ولاد خاله ومعاهم طارق للمخزن
وهما ماشين للمخزن
هوا مشي لباب الكوجينة البرّاني إلّي يطل علي الفيراندا
أوّل ماخش تجي قدّامه مرام
سلّمو علي بعض
مبروك : مرام ...
مرام : ها يامبروك ؟...
مبروك : كيف حالك ؟....
مرام بستغراب : الحمد الله كويّسة !....
مبروك : أسمعى أني ماشي وغزلان من الصّبح ماداقت شي جبتلها دجاجة ديريهالها ...
مرام تغيرت ملامحها للغيض : باهي علاش ماجبتلها لحم ...
مبروك : ماتقدرش تاكله تشهّت الدجاج أني بنمشي خدمة هي سلام ....
مرام قالت فنفسها هادا واكل هم حتّي شن تتشهّا : السلام ....
وطبعا معروف رد فعل مرام فلّحضة هادي
مافكرتش إنه يمكن الشي إلّي بدّيره يأثّر علي ولد مبروك
لا طول قالت
: هادا مايفكّر غار فمرته، وأخته قدّامه تقول صنم ...
من الغيض مشت للدّجاجة خدتها ودكّتها فلكناسة ....
ويناري علي غزلان قعدة فدّار هي مش تعبانة هلبا لأنها فأوّل شهر ليها هي ومودة لاكن مع هذا جاها الوحم بكري وصعب
وطبعا مودة ومبروكة دايرين روحهم بلكذب
يطلّو عليها مرّة مرّة من غير حتّي مايسألوها
🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵
مبروكة : مريم يامريم أسمعي أطلعي إنتي وأختك برّي سيّقي حوش خوكم بيفرّشوه هيا
مريم : حاضر هي ...
ناضت مريم هيا ومرام وغزلان وركبو فوق
وخلّو مودة لاهية بتستيف المخزن وتحط فلخظرة والسّبيزة للعرس ....
🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼
خشّت فتحية مرت يوسف من باب الكوجينةالخلفي وتلاقت هي ومبروكة ....
☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘
فتحية : السلام عليكم ...
مبروكة: وعليكم السلام ...
فتحية : وين مريم ومرام؟...
مبروكة: فوق ...
فتحية : نركب نعاونهم ؟...
مبروكة: برّي
مشت فتحية ركبت الفوق
وهيا راكبة لفوق
تشوف لوطا تلقي لمار تلعب بتراب
فتحية : لمار يالمار
لمار : ها ...
فتحية : ماما وين ؟...
لمار : ماما فوق !...
أشّرت بصبعها لحوش معاد فهمت فتحية وكملت تركب فدّروج
"حوش معاد فوق حوش عياله يعني فوق حوش بوه وأمه".....
"فتحية وغزلان بنات عم "....
"وحدة تقرب لعيال مبروك بنت عمه ووحدة بنت خالة"
🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱
تمّو إنّساوين تسيق حوش العريس
ونزلو
"غزلان كانت تعبانة هلبا ومش قادرة طول خشّت رقدة عكس مودة إلّي طول خشّت للكوجينة جاعت وتبي تاكل "
وهكّي مر اليوم وجي المغرب
☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘
وصل القيطون
وبدو فيه
عمادا وطارق وأنس وأيمن ومصطفي
أيمن ومصطفي ولاد خال معاد ومبروك وأنس وحتى ولاد خال طارق ....
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
بدو فيه طارق وأيمن وعماد
وأنس مشي لحوش خالته باش يجيبها
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
فلوقت نفسه
غزالة : إيه وحطّيلي رداي المورّد ردّي بالك تنسيه ....
هبة : باهي باهي .....إيه من بيرفعنا ؟...
غزالة : ولد خالتك هي وتّو رواحكم ماتعطّلوشي الرّاجل مش فاضي ....
هبة : باهي باهي علاش فرج مايوصّلنا ؟!..
غزالة : فرج بيوصّل مرته إليوم لحوش أهلها بيجي غدوة
🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼
وصل أنس بسيّارته وطبعا
كبر ماشاء الله بعد ماخش للكلّية العسكرية وزاد عرض بدي عبارة عن مكعب وسامة ودار لحية زاداته الطّينة ب لله 🤤
المهم
أنس : السلام عليكم عمّي معزكيف حالك ؟...
معز : أهلين أهلين الحمد الله كيف حالك إنت ؟..
أنس : الحمد الله هي ...
معز : غار أشرب طاسة شاهي ...
أنس : لا والله إن شاء الله المرّة الجايّة مستعجل هي قلهم يطلعو ....
معز : باهي باه ...
خش معز للحوش ...
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
شوي وطلعت هبة أوّل وحدة طلعت وراها أمها
وهوا كان عاطي بظّهر حس عليهم تلفّت...
وطبعا هبة ماعرفتاش أوّل ماتلفّت جمدت فمكانها ...
لحضة صمت عمّت المكان
وأنس قعد يشبح من دون أي حركة قعدو واقفين وهمّا يشبحو لبعض الوقت والعالم توقّف عند أنس ...
جت ملاك ورا هبة ودفّتها بش تستفيق شدتها من يدها وهي تقول لأنس
ملاك : أنس كيف حالك ؟...
إستاقضو الزّوز وركّزت هبة علي حركتها حطّت عينها لوطا وطول خشّت لسّيّارة وهي تتلمس فوجها ولاّ أحمر ....
أنس : الحمد الله كيف حالك إنتي 😳؟..
ملاك كويّسة هي نمشو ؟...
أنس : هي ...
ركبت غزالة من القدام بينما
خشّت ملاك وسعاد وهبة بعدين خش أنس
أنس : ها مانسيتو شي نتوكّلو ؟...
غزالة : إيه إن شاء الله هبة ...
هي أوّل ماقالت إسمها هوا تلفت تلقائيا شبحلها الحركة لفتت إنتباه كل إلّي فلسّيارة إلّاغزالة يمكن هيا إدّير فروحها ماتبّيش تشوف ....
كمّلت غزالة تقول : مانست شي هي توكّل وليدي توكّل ....
ملاك : إيه هي ....
طلعو بسّيّارة وأنس مرّة مرّة تجي عينه عليها زعميته بلغلط ويحوّلها ....
" هوا مش عارف روحه بشن يحس من أوّل نضرة شافها طول إنجدبلها وماحسّش بروحه لمّا ماقدرش ينحّي عيونه من عليها
ممكن فيه حاجة شدّاته ليها يمكن بداية لإعجاب وبعدين حب بس هوا من قبل معجب
إلتّغير إلّي غيّرأنس لفت إنتباه هبةهلبا كانت متقرّفه منّه هلبا بس توّا
زمان كان يطوّل فشعره لعند كتافه
كان يحط فسناسل وحدايد وخواتم
يحب يسمع الأغاني الأجنبية
وتوّا تغيّر يعني معاش بدي هاداكا الطّايش
المراهق إلّي مش واعي لتصرّفاته
بدي الرّاجل ..👨‍✈️
الرّزين 🔥
العاقل 🧠
حلق شعره 💇‍♂️
كبر لحيته 🧔🏻
وطبعا اللحية هي سرّجمال الراجل 👀
دار عضلات 💪🏻💪🏻
وزاد طول
تمام يعني التّغير هادا
مش بس أثّر عليه هوا
أثّر حتّي عليها هيا ....
التّغير خلاّها تنجدبله بعد ماكانت نافرة منّه خلاّها تشوفله بعد ماكانت مش عاطياته وجه بكّل وهوا لأنّه شايف كيف مش عاطياته وجه ماحبّش يقرّب حفاظاً علي كبريائه 💔
المهم وصلو لحوش خالتهم مبروكة
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
طلع أنس من السّيارة
وكيف جاية غزالة بتخطم من جنبه شد يدها
شبحتله
أنس : خالتي ماتمشيش من هني برّي من غادي
أشّر بصبعه علي باب الكوجينة ...
أنس بعد ماغزالة مشت تلفت لقي هبة ولبنات واقفات هبة تشبحله زي المسبوهة كشّخ عليها
أنس : هيا قلت شن قاعدة إنتي وياه بسرعة خشّي الداخل .....
إستاقضت علي صوته وهوا يكشّخ عليها تخلعت خشّت هبة هيّا وملاك وسعاد قعدو يشبحولها كيف تجري وسابقتهم وحاطّة شنطتها مضبّتها بيدّها وهمّا معاش لحّقو عليها يشوفو فيها كيف تمشي بسرعة وتتلفت من كثرة سخونة الموقف معاش عرفت موقف لا حسد عليه .....
خشّت هبة وقابلتها مريم من باب الكوجينة
أوّل ماخشّت ....
مريم : هبة أهلين وسهلين كيف حالك نورتونا وأنستونا كيف حالكم ؟....
هبة : أهلين أهلين الحمد الله ....
خشّت ملاك بعدها وهي تشبحلها ومركّزة معاها مش قادرة تلقط كلامها بسيف تتكلم من التّوتّر
بعد سلّمو وكمّلو خشّو يعوّلو مع بنات خالاتهم
وطبعا ليلة قبل العرس قررو يطيّبو عصبان
ويتعشّو بيه
☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘
فنفس الوقت
خشّت غزالة فدّار إلّي بنتها راقدة فيها
طول مشتلها بش تنوّضها
غزالة : غزلان ياغزلان بنيتي نوضي بسم الله خيرك بنيتي ؟!!...
غزلان : هاااااا....أه ه ه ه .....
غزالة : بنيتي خيرك وجهك أصفر تقول ليمة خيرك !؟...
"غزلان تتكلم من غير وعي منها دايخة وتفتح فعيونها بسّيف" ....
غزلان : أ ه ه ه ه ....
غزالة : ينهاري أني هبة ياهبة ..... ملاك سعاد وينكم تعالو ....
وإلّي تنادي عليهم فلكوجينة
هبة : أمي هادي تنادي ....
سعاد : تو أني نمشي نشوفها ...
خشّت سعاد الدّار
سعاد : هايمي خيرك ؟...
غزالة : خيرني البنت وجهها أصفر زي إلليمة برّي ديريلها ماتاكل جيبيلها حاجة فيها سكّر بسرعة ...
سعاد بخوف : خيرها ؟!!...
غزالة : تي بسرعة برّييييي ....
سعاد : باهي باهي حاضر ....
خشّت سعاد للكوجينة بسرعة
علي أنضار مريم وهبة
هبة : خيرك ؟...
سعاد وهي تفتح فثلاجة
سعاد : 😤مريم وين للحم 😑.؟...
مريم : فوق فلفريز ...
سعاد : باهي ...
خدت الّلحم بسرعة
مشت حطّاته علي الرخامة قرضاته
وحطت الزيت فلقلاية وقعدت تسخن فيه
وهذا كلّه ومريم خشّت الداخل قعمزت جنب خالتها
ومودة فلمخزن
ومبروكة البرّا مع ولادها تحسب وتوتّي
هبة جت جنب سعاد
هبة : هي إنتي خير بلاك إنّادي فيك من بكري لاتردّي لاشي طول حتى عبايتك مانحيتيها خشيتي بيها لزيت خير هذا كله جووووع ؟!!....
سعاد : لاجوع لاشي ...إنتي التّانية غزلان دايخة الدّاخل وجهها زي إلليمة من الصّبح مخلّينها لافطور ولا غدي والله مايتحشّمو ...
هبةبصدمة : مش معقوله ؟!....
سعاد وشن متوقعين يعني طبيعي تصرفاتهم معش ننصدم منهم خزي عليهم وإنتي التانية تعاليلي هني حركات السبهللة إلّي درتيهم قدّام الرّاجل ردّي بالك إدّيريها قدّام خواته تو يقعدو يدرّهو فلكبد .....
هبة : أنيييي !...
سعاد : إيه إنتي مبكري قعدتي واقفة تشبحيله زيّ المسبوهة خيرك شن طرالك ....
هبة : باهي باهي وإنتي عنكشتي فيّا ....
خشّت هبة لداخل لدّار تلقي ملاك جنب غزلان من جيهة وغزالة من جيهة
هبةبخوف : غزلااااان ........خيرك !!؟...
غزالة : هي خيرها سعاد لتو برّي جيبيلها عصير بسرعة ....
هبة : باهي باهي حاضر ...
وهكذا سكّرت الرّبع ساعة
سعاد وتتلها القلاية وحطتهالها فصفرة معاها صاسة عصير
خشّت بيها لدّار وحطتها قدامها
وبعد محاولات قامت غزلان روحها وبدت تاكل شوي شوي إستعادت وعيها وبدت تاكل بسرعة
غزالة : ضغطك كان نازل .....خيرك ماكليتي شي ؟!...
غزلان : أني ماقدرتش ناكل من الصبح نيتي مسكّرة ....
مريم : إيه غزلان من الصّبح كلْ مانقولها كولي تقولي ماعنديش نية مسكّرة ....
هبة : 😒😒😑😑 غار كان خدت حتّي طاسة عصير مشكورة ماقصّرتيش ....
مريم فنّصت فيها بصدمة
وسعاد وملاك قعدو يضحكو
"يعني يامريم علي مني الكذب إنتي حتّي الشّبح ماشبحتيلها غزلان" ......
🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼
فنفس الوقت البرّا
طارق يحط يدّه على كتف أنس
إلّي مقعمز علي دروج الفيراندا القدّامية إلّي إدّخل للصّالة والمربوعة الخارجية
أنس وهوا يدخّن يشبحله بعدين يرجع يشبح قدّامه
طارق : غار لااااااااا يراجل والله معاد عرفتك خيرك ؟!....
أنس : خيرني هاني قدّامك ....
طارق : لا لا قول قول خيرك شن صارلك ...
أنس : ماخير ني شي ياراجل خلّيني فحالى ...
طارق : لا عاد هكّي هلبا واضح المشكلة كبيرة ...
شبح أنس لطارق شبحة باردة وبعدين شبح قدّامه مرّة تانية ....
طارق : والله إلّاما تقولّي هي ماتخلّيني نحلف بطّلاق هي ....
"هوا يكمّل كلمته من هني
تطلع من أنس ضحكة من هني ضحكة من قلبه".
طارق : هي ها شن مقرر تقول ولاّ نحلف ....
أنس : على أساس قادر تحلف بيه إنت ملاك لما إطّلّعها من روحك كان حلفت ...
طارق : باهي باه كانك عارف إمّلا خلاص هيا قول خير بلاك وأسمع أخر مرّة نتطق إسمها ها ..
أنس : شن تبّيني نقول ....
طارق : قول بنت خالتي أي شي غير إسمها ...
أنس : .....؟
طارق : إيه ياودّي هي مش مقرّر تقول ولا نبرك عليك تو نطلّعها بسّيف عليك ...
أنس قعد يضحك : والله ماحد قادر يفهمني زيّك ....
طارق : باهي ياودّي فهمتك هيا خي قول شن فيه ؟....
أنس : يعني مافيش أمل نهرب خلاص علقت ...
طارق : والله لو من هني للصّبح إلّاما نطلّعها منّك هيا قول قول ....
☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘
مبروكة خشّت لدّار سلّمت علي غزالة
بس غزالة كانت متعصبة قريب تبرك عليها وتعطيها طريحة علي معاملتها لبنتها لاكن
"يظل العقل سيّد المواقف"....
وبعد ماتمّو البنات حوسة غزلان إلّي شدّت روحها شوي خشّو علي حوسة العصبان
ملاك : هييييي إنتي ....
هبة : سارحة تشوف فطنجرة العصبان ...
ملاك : إششششش هييييي إنتي حطّت يدها قدام عيون هبة بش تستاقض ...
هبة بإنزعاج : ها خير بلاك ؟..
ملاك : أني خير بلاي إنتي إلّي خيرك من أمتى ماجي أنس وصّلنا وإنتي هكّي سرحانة ؟...
هبة : أني أنس !؟....
ملاك : إيه إنتي وأنس شن فيه خيرك ؟....
هبة : مافيه شي ..
ملاك : مافيه شي غار هيا هيا قولي ؟...
هبة : مافيه شي قلت أني ...
ملاك : أمممم باهي شفتي أنس كيف ولّا حليلي عليه ماشاء الله عيني ما أضّرّه ؟...
هبة : فنّصت فيها ...
ملاك : ها شن تحسابيني فايت عليّا ياماما ...
هبة : خيرك شن تبّي ؟...
ملاك : قوليلي شن فيه بس ؟...
هبة : وهاني من بكري نقولّك مافيه شي خير بلاك معاي ؟!...
ملاك : قولي الحق ...
هبة : وشن نقولّك أني خيرك ملاك ؟!...
ملاك : حركاتك وشبحاته وكل شي يبيّن إنّه فيه حاجة ؟...
هبة : مافيه شي هوا إتغير بس لفت إنتباهي هادا هوا يعني لمّا شفته بعد مدّة كيف بدي قعدت مستغربة بس لا أكثر ...
ملاك : أمممممم مستغربة إدّيري حركات زيّ المسبوهة وبعدين علاش تستغربي ياحنّة طلع من الكلّيّة العسكريّة مش شكله بس بيتغيّر حتّي طباعه وإسلوبه وتصرّفاااااااااته .....
"علّت ملاك فلكلمة إلأخيرة بش تخلع هبة إلّي سرحانة ومبتسمة وهيا تسمع "....
هبة : خير بلاك ياملاك أه شن هادا تقول غولة والله مستغربة فطارق الحق ...
ملاك : حويته عليه أنس كيف ولّا ماشاء الله عليه وياسعد إلّي بتاخده ....
"هبة تكنطت بعد ماقالت ملاك كلامها "..
هبة : إيه باه وشن المطلوب منّي أني يعني لاش تقوليلي فيه الكلام هادا أه ....
ملاك : لالا،..... شي غار نحكي بس ...
هبة : لا تحكي لاشي هي لمّي فمّك ملاّخير ....
كمّلت هبة كلامها وسكتت ملاك وعلي وجهها إبتسامة ...
خشّت بعدين حبيبة عليهم وهمّا فنص هدرزتهم
سلّمت عليهم وخشّت تسلّم علي غزالة ومبروكة وغزلان ...
بنات غزالة علي العصبان
بينما باقي البنات والنّساوين
تلمّدو قبل يوم الغدي باش يديرو ويقشّرو البصل
فتحية ومريم ومرام ومودة وحتّي بنت خالهم كريمةوطبعا
جو قعمزو على قصعة البصل وهاتك ياهدرزة
وهمّا يقشّرو فلبصل
من يحب البصلة ؟...🥰
"أني أكثر حاجة نحبها فلغدى هيا البصلة"..❤
مودة : أني بنّسبة ليّا البصلة أحلي حاجة ...
هبة : وحتّي ني بدّات مع الكسكسي ....
مريم : إيه هيا هيا سكّدو رواحكم بسرعة خلّي نكمّلو ورانا سهرية هي ...
كريمة : ايه ....
مرام : سلّملي هالفارس نوتّو لعرسة وبنشوفوه عريس ....
مودة : أخخخ بيتنحّا حمل تقيل ...
مرام : هههههه هادا شن هامّك إنتي التّانية ههههههه ..
مودة : إيه ولله إنتي طلعتي منها بكري إنتي ومريم أني قعدت حاصلة فيهم إنديرلهم فكل شي والله سلامتهم كبار والّاه...... لاكن تقولى صغار بدّات أنس هادا بعد طلع من الكلية بدي دراه كبد ويتشرط هلبا ....
أوّل ماقالت مودة إسمه
هبة كانت واقفة علي طنجرة العصبان وعاطية بظّهر طووول تلفّتت تنفّسها زاد
أختها ملاك شبحتلها وسعاد حتي هياّ
كمّلت مودة تحكي
مودة : أنس هادا لا؛ ...... كان حاجة راحت ولاّ كان يوم الجمعة مانضّتش من الفجر وحدّدّتلّه بدلته العربية لالالالالا ياوخيتي نهاري أسود بعدين علي الأقل معاد باهي شوي يحدد فحاجته بروحه لاكن أنس وووه، ولاَااااا غير هكّي يبّيني بين الفطور والتّحديد والضّمّان نجري جري عرفتي مايخلّينيش علي راحتي فطوره يوتا قبل الكل عليك حصلة حصلت فيها ياربي أمتي يجي هاداكا اليوم إلّي نفتك فيه منّه😤😤😤😤😤😤😤😤😤😤😤😤😤😤...
مريم : 😂😂😂😂😂 يشحط فيك بش تطلعي مرأة فالحة وماتحشّميناش ....
مودة : 😑😑😑😑😐😐😐😒😒😒 ....
مرام : 😂😂😂😂😂 إيييه مابعدها بس إلّي بتاخده ..... بيبيّدها قبل لاتسكّر معاه الشّهر ....
مودة : أسكتي ساكته ريته يومها يهدرز مع طارق تعرفي شن قال ....
مريم : شن قال ؟؟..
مودة : قالّك عاد ياحنّة مرتي بنسفّرها وندلّعها ونديرلها شن ماتبّي .....
مرام : 😂😂😂 الحرث عليك توّا ومرته تدّلّع بعدين إنتي حمّري عيونك مش راخيتلي روحك بش مايركبش فوقك ويهدّك ....
وهمّا لاهيين يهدرزو علي أنس من هني
وهي قلبها يدق من هني تسمع في كل شي يتحكا كل شي يخصّه وعلي وجهها إبتسامة حلوة
"وملاك فايتتهم ومركّزة علي أختها كيف سرحانه أخر تركيز وشادة ضحكتها ".....
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
كمّلو إلنّساوين البصل
وطلعو إلّي هادي مشت للحمّام تغسل ويتوضّو بش يصلّو العشاء
المهم تمّو صلاة
وبدو فسّهرية
☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘
كريمة : هبة ملاك هي تعالو ...
ملاك : علاش ؟...
كريمة : هي بنديرو سهرية ...
ملاك : هي هانا جايين ....
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
طارق : هههههههههههههههههههه ...
أنس 😐😑😑😑😑🤨🤨🤨🤨🤨😒😒😒😒 .....
طارق : توّا هدا كلّه وفاتح باكو دخّان علي خاطرها خيرك .....
أنس : خيرني شن تقول إنت أه ....
طارق : وشن يعني إنت شن ناوي توّا ...
أنس : والله أني ياطارق كان بنقولّك من أمتى وأني مش قادر ننساها ...
طارق : وعلاش .....
أنس : شن علاش هادي شن هالسّؤال وبعدين مش عارف ياطارق كنت نحسابه مشاعر مراهقة لاكن اليوم لمّا شفتها ...
طارق : شوف أنس لو مش متأكّد من نفسك ماتضلم البنت ...
أنس : وهدا هوّ أني نبّي نفوّت وقت بش نتأكّد من نفسي ...
"وهمّايتكلّمو سمعو صوت تزغريط"....
أنس : بيبدو هادم ...
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
"نبدا البادي بصّلاة الهادي"...
صلّو علي النّبي
كريمة ونعيمة كل وحدة خدت دربوكة
ربطو الأحزمة وقعمزو
كريمة جنب أمها وخالتها
ومرام رغم إنّها حامل لاكن مازال بطنها مابرزتش
أوّل طقّة علي الدّربوكة طلعت من مرام تبّعتها كريمة وبدو يدربكو مع بعض ....
كريمة : هالّيلة المباركة معاي النّاس إمشاركة ...
طلقت أمها زغروطة وبدو معاها كلّهم يقولو فيها
كلّهم رددوها وراها هالّيلة المباركة معاي إنّاس مشاركة
ردادوها أكثر من مرّة ....
ملاك : يالله تمّمها علينا يالله بلفرح تبدّينا ....
زادت كريمة فصوة الدّربوك زادت قوة مع أصواتهم ...
وفي إلّي بدت تعيّط من كثر الحماس من أولها
قوي إشّوط وزادو تحمسو وشاشو
ناضت رباب وسعاد وربطو محارم وبدو يرقصوو ...
كريمة : إلّيلة بنت الخال تبان إلّيلة ترقص في إلميدان ...
إلّيلة بنت إلخال تبان إلّيلة ترقص في لميدان
مبروكة : يالعروسة غير تعالي حوش كبير وبابه عالي ...
كلهم رددوها وراها
ويالعروسة غير تعالي حوش كبير وبابه عالي
مبروكة : ويالعروسة غير تعالي حوش كبير وبستاراته ....
زغرطو كلهم مع الشتاوة إلّي قالتها
مودة : وين تميح عزوزك ميحي ياجعنّك عرصة ماإطّيحي ....
كلهم ردودوها بصوت عالي أكثر من مرة وزادت الأصواة علت والحماس زاد
مرام : حوش كبير وبستاراته يستلمك جيّة مولاته ....
كلهم رددوها وراها
حوش كبير وبستاراته يستلمك جيّة مولاته
مريم : هاوّها ياهاوّها إلعيلة هادا جوّها
كلهم رددوها وراها
هاوّها ياهاوّها إلعيلة هادا جوّها
عاودوها أكثر من مرّة وزادت السهرية
إييييييه.... هاااااااااااا
ياوِشكرارارا ياوِشكراراري إلّيلة نقيموها ونصلّو عاالنّبي ...
ياوِشكرارارا ياوِشكراراري إلّيلة نقيموها ونصلّو عاالنّبي
هبة : سلّمها وسلّم فارسها يلّي فلحوش مونّسها ...
زادت الأصوات ورددوها وراها أكثر من مرّة
سلّمها وسلّم فارسها يلّي فلحوش مونّسها
يا سلّمها وسلّم فارسها يلّي فلحوش مونّسها
سعاد : ألله واحد ألله علينا ياعوينة ماأضّرّينا
ألله واحد ألله علينا ياعوينة ماأضّرّينا
ملاك : إلويييه إلويه أو ماتخافيش عليه ....
إلويييه إلويه أو ماتخافيش عليه
خشّت فيها ملاك وبدت تشتّي
ملاك : أويالابس لحمرْ أو ياناوي عالشّر ...
أويالابس لحمرْ أو ياناوي عالشّر ...
وهكّي خلاص هبة معاش قدرت ناضت ربطت المحرمة علي خصرها وبدت عااااااد
وطبعا رقصها خوراااااااااافي
وهي ناضت زاد الحماس وبدو يعلو فصواتهم وين عاد صواتهم زي صوة ميمطا يضرب
سعاد : إلّيلة بنت الخالة تبان إلّيلة ترقص فلميدان ...
إجتمعو مع بعض وقالو
ولعت ويش يطفّيها ولعت ياحي عليها
ولعت ويش يطفّيها ولعت ياحي عليها
ولعت ولعت ولعت
ولعت من غير حطب ولعت يانار الحب
ولعت من غير حطب ولعت يانار الحب
مرام : هالسّروال عطيه دعاوي نازل عالسّيقان مساوي ...
هالسّروال عطيه دعاوي نازل عالسّيقان مساوي
مريم : زوز بزوز يامحلا اللوز ....
هيلة هبّا هيلة هبا إنزل لوطا دير شكوبّة
هيلة هبّا هيلة هبا إنزل لوطا دير شكوبّة
حبيبة : إشّيشّيه إشّيشّيه والنّوّار على رجليه
كلهم رددوها وراها أكثر من مرّة
إشّيشّيه إشّيشّيه والنّوّار على رجليه
ناضت مريم ترقص فرقص نص نص وتخمّس بيديها علي أساس خمسة وخميسة يعني فعين الحسّاد ........
كريمة : إلّيلة ليلة حنّايات وغدوة عند الغالي تبات .....
كلهم رددوها وراها
إلّيلة ليلة حنّايات وغدوة عند الغالي تبات
حتّى وكان سمينة شويّة زيّ الحوتة فصّونيّة ياحتّى وكان سمينة شويّة زيّ الحوتة فصّونيّة
وقفت هبة رقيص
بس كريمة حبّت تتغزّل
كريمة : غار زيد شوي مارينا شي ...
كلهم عيطو مع بعض وهبة ضحكت
وبدو يرددو فيها أكثر من مرّة
غاز زيد شوي مارينا شي
زادت الدربوكة وزادت الأصوات وبدو فلعياط
أووووها أووووووها إلّيلة بنقيمووووووها
أووووووها أوووووووهاإلّيلة بنقيمووووووها
أوووووووها أوووووووها إلّيلة بنقيمووووووها
نجّيها ونجّي فارسها يالّي فلحوش مونّسها
يانجّيها ونجّي فارسها إلّي فلحوش مونّسها
إلويييه إلوية وماتخافيش عليه ....
بعد قعمزت هبة شبحت لخالتها وقالت أم إلعيلة نجّيها عمار الحوش إلاّبيها .....
أم إلعيلة نجّيها عمّار الحوش إلاّ بيها ....
مرام : والعيلة شايشة ياناس إلعيلة بترقص فلكياس ....
إلعيلة شايشة ياناس إلعيلة بترقص فلكيّاس
وشكرارارا وشكراراري إلّيلة نقيموها ونصلّو عاالنّبي
ياوشكرارارا ياوشكراراري إلّيلة نقيموها ونصلّو عاالنّبي
هالسّروال عطيه دعاوي نازل عالسّيقان مساوي
هالسّروال عطيه دعاوي نازل عالسّيقان مساوي
ملاك : حتّى قرينا وتعلّمنا مادرنا شي إيحشّمنا
حتّى قرينا وتعلّمنا مادرنا شي يحشّمنا
وطبعا ملاك دارتها قصدا بش تغيض مودة ومريم لأنّهم ماقروش وماكانوش يبّو يقرو يعني دماغاتهم زي الحيط المشكلة مش هني المشكلة إنّهم كانو يعاركو فأمّهم كيف تخلّي بنات أختها غزالة يقرو مفروض تبطّلهم من القراية بس غزالة ما سمعت كلام حد واهتمت بمستقبل بناتها 😌👌🏻✊🏻
يابنيّة شورك مخطوبة حتّي رقصك دوبا دوبه
يابنيّة شورك مخطوبة حتّي رقصك دوبا دوبه
🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱
وهادا كله وأنس مقعمز فجّنان البرّا هوا وطارق سارح يسمع وهو مبتسم
والرّجّالة مقعمزين
فلقيطون البرّا يسمعو بس غالب عليهم صوة الهدرزة غالبة عليهم
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
نرجعو لسهريّتنا
مودة : ياميمة لعريس تعالي فرحانة وعطاك العالي ....
ياميمة لعريس تعالي فرحانة وعطاك العالي
مريم : يامربوك عليه ولد أمي إن شاء الله قبل الحول يسمّي
عاودوها وراها أكثر من مرة
مرام : الغالي درناله دولاب معاش يعلّق فوق الباب .....
الغالي درناله دولاب معاش يعلّق فوق الباب
ملاك تطلقها زغروطة مع تزامن ضحكات الباقي
كريمة : حلوة هادي عجبتني ....
مرام : صقع عليك كل جديد وحصري منّي أني
🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱
همّا قالوها من هني
وبدي أنس وطارق يضحكو من هنى
عجبتهم
أنس : أمتى حتّى ني يديرولي دولاب ....
طارق : ههههههههههه إنت سقّد روحك مش همّا ...
أنس : 🤣🤣🤣🤣 ....
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
نرجعو لسهريتنا مرّة تانية 😆😜
يامبروك عليه الدّار إن شاء الله يعبّيها صغار
يامبروك عليه الدّار إن شاء الله يعبّيها صغار
دوري ياخيمةالفراح دوري ماتخلّي مطراح
دوري ياخيمة الفراح دوري ماتخلّي مطراح
مودة : دوري ياخيمة ليبيّة دوري ماتخلّيش بنيّة ....
دوري ياخيمة ليبيّة دوري ماتخلّيش بنيّة
عاودوها وراها ....
حصّلتيه ولد متسمّي لاتبكي ولا تقولي يمي
حصّلتيه ولد متسمّي لاتبكي ولاتقولي يمي
لاتبكي ولا تقولي بعيد سيارة ترفع وتجيب
لاتبكي ولاتقولي بعيد سيارة ترفع وتجيب
وختموها بصّلاة عالنبي
الصّلات والسّلام عليك ياحبيب الله محمد
كملو زغرطو كلهم
وهكذا ختام السّهرية
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
ناضت كريمة ومرام ومودةومريم بش يديرو عشي العيلة كلهم ....
☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘
عماد : كمّلو شكلهم !..
طارق : إيه ...
ناض أنس خش للقيطون ...
وبعد شوي نادوهم بش يرفعو الصّفر
العشي ....
عصبان
وكسكسي مسقي
وبوريك الجبدة
وطاجين
☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘
جي عماد
طلعتله مودة الصّفرا
ومشي بيها
وجي طارق طلّعتهاله مبروكةخالته
مريم : من بيجي تو ؟..
مودة : أنس شبحت لهبة ...... أسمعي هبة طلّعيهاله ....
هبة : باه....
خدت هبة غطاها وحطّاته على راسها
أوّل ماجي أنس طلعتله ....
هوا قعد واقف يشبحلها نزّل عيونة لوطا شبح لقفطانها إلّي لونه أحمر دمّي نازل ....
أنس : إحممممم هاتي هاتي برّي خشّي الداخل شن طلّعك 😡🤬...
هبة : طلعت نعطي فيك فالصّفرا هاك .....
أنس : من قالّك أطلعي خشّي قتلك ....
🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼
يتبع ...
4813 كلمة ...