حياة مراهقة ليبيّة

الجزء الأول

ﺁﻵﺑﻞ ﺷﻴﺂﻟﺔ ﺁﺣﻤﻮﻝ .. ﻭ ﺁﻟﻘﻠﺐ ﺷﺂﻳﻞ ﻣﻮﺁﺟﻊ ..
ﻭ ﺁﻟﺸﻲ ﻟﻴﻪ ﻣﺪﻟﻮﻝ .. ﻭ ﺁﻟﻐﺪﺭ ﻑ ﺁﻟﻘﻠﺐ ﻭﺁﺟﻊ ..
ﻭ ﺁﻟﻤﻮﺕ ﻓﺂﺟﻊ ﻋﺠﻮﻝ .. ﻭ ﻣﺂﺣﺪ ﻡ ﺁﻟﻤﻮﺕ ﺭﺁﺟﻊ ..

عيش الدنيا وعيش حياتک
ماترسم واجد فے احلامک
لا تعشق لا دير غوالے
ل اتصدق ف لدنيا والے
وخلے حالک كيف احوالے
ما تقسملک غير اقسامک
عيش الدنيا وعيش حياتک

عـيـش الـدنيـا عيـش سعيـده

فـكك من جـو التنكيدة

ﻛﺎﻥ ﻟﻘﻴﺖ ﻋﺮﺏ ﺷﺎﺭﻳﺘﻚ 👌

ﻫﺎﻟﻮﻗﺖ ﻟﻬﺎ ﺻﻔﻲ ﻧﻴﺘﻚ 😉

كـلام واجـد عـنـدي يـاريـد💗😕

غـناوي ومـعاه  مجاريد 👏💃

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹

العين الے عزوتها هل 😍

      تعيش شريفه ماتنذل ❤️👏

عائلة إسراء
مبروك :  أب إسراء
غزلان :  أم إسراء
فاطمة : الأخت الكبيرة أكبر من إسراء بسنتين
لمار : الأخت االصغيرة بعد إسراء
محمد : الأخ الكبير أكبر من إسراء بسنة
عبدر الرحيم : الأخ المتوسط بعد إسراء بسته سنوات
منذر  : أخر العنقود
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀

سنة 2019
غزلان : إسراء إسراء ياإسراء نوضي نوضي . ..
إسراء : أههه، هاااا........ ماما ها شن تبي ....
غزلان : نوضي صلّي الفجر نوضي وتي روحك بتمشي للمدرسة نوضي.....

💮💮💮💮💮💮💮💮💮💮💮💮💮
Go to the past....
الدهاب إلي الماضي ....

قبل (18)سنة
عام( 2000 )

أيتها الحياة 💛
جاءتك طفلة حلوة كالبدر وجهها يفوحُ عذوبة وطُهر وعيناها بريئتان كالفجر ونفسها صافية كالنهر تملأ الدنيا أفراحاً وبشر وتجعل الحياة حديقة من زهر بارك الله لكِ فيها ورزقها البر والصلاح

أيتها المراءة 💗
ها قد رزقتِ بطفلة صغير فأشرقت الدنيا أنساً وحبوراً وأينعت الزهور وغردت الطيور وفرح القلب وانتشى بالسرور فتخيليها وقد صارت كبيرة وأصبحت في الحياة مشعل نور بارك الله لك فيها وجعل لكِ في تربيتها الأجر الكثير  .

بعد إنتضار دام تسعة أشهر ......
جائت بطلتنا لهذا العالم !........

💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐
🎊🎊🎊🎊🎊🎊🎊🎊🎊🎊🎊🎊🎊
يوم الإربعاء الساعة [10:23] ...
"خش بعد ماحول بوتيله العسكري"...
مبروك  : غزلان وينك ؟...
غزلان :  هاني هنى فِدّار....
"وصل لدَّار لقاها ترقد فبنتها "....
غزلان : نحطلك عشاك ؟...
مبروك : لا لا، تعشيت ...
"قعدة إدّور بعيونها غادي جاي تبّي تتكلم "...
مبروك : خيرك قولي فيه حاجة ؟...
غزلان : لا لا غار نبي نطلب منك ...
مبروك : قولى ؟...
غزلان : أني تعبت هلبا الصّغار كلهم ع روس بعضهم معاش عرفت شن معاش قدرت عليهم ...
مبروك : إيه شن تبي قولي هما كلهم كلهم تلاتة بس ؟...
غزلان : إتّصلت بيّا أختى وقالتلي جيبي إسراء  عندي وخليها وإنتي ألهي بلباقييين ....
مبروك : وإنتي خيرك أه تلاتة مش قادرة عليهم شن بنقول على أمي أني سبعة على روس بعضنا قداش تحملت مسكينة ....
"وإنتي شن قلتيلها "
غزلان : إلحق قلتلها شور بوها ...
مبروك : إلبنت قاعدة صغيرة ماسكّرتش خمسة شهور وين عقلك إنتي ...
غزلان : شن بندير أني أه شن بندير تعبت  واللّهي تعبت الحوش من جيهةوإنت من جيهة والصغار من جيهة وقاعدين صغار هما ... سلامتهم على روس بعض أكبر وحدة عمرها سنتين قولي أه وين بنقبل أني وين أه وخواتك مايبّوش يعاونوني عليهم أسمع ياديرلي حل ياخليني أني ندير حل ....
"مبروك سكت قعد يفكر فكلامها بعدين "...
مبروك : باهي باه، وإنتي معاش سكتى خلاص تو نرفعها لخالتها غدوة هذا يلّي فالحتلي فيه إنتي صغارك مش قادره عليهم من تو شن بدّيري بعدين عليك حصلة وخلاص ....
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
مودة : يمي شفتي يمي هالمكلوبة هادي تبي تفضّي روحها ....
مبروكة أم مودة : إيه هادي مش ناوية على خير ربي يستر وخلاص ....
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
"مكالمة هاتفية" ....
مرام : شنو شن قلتي بياخدوها خلاتها ؟!!...
مودة : إيه دارت العيب فينا ...
مرام : تو نوريها توتشوف هالكلبة هادي كان ماربّيتها ماعاد نبدى إسمي مرام أسمعي قولى لأمي أني غدوه جاية ...
مودة : باهي ......
🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵
"صباح اليوم التالي "....
الباب يطقطق،
مبروك : ها ها........هاني جاي ...
"تفاجأ بعد مافتح الباب لقي راجل أخته بشير"
مبروك : بشير أهلين !!...
بشير : السلام عليكم كيف حالك كيف حال صحتك ؟...
مبروك : الحمد الله كيف حالك إنت شن أخبارك ؟!....
بشير : الحمد الله ،الحمد الله ...
مبروك : تفضل إتفضل ....
بشير : لا لا، صحيت صحيت جيت قلت  خنسلم على مبروك ....
مبروك : سلمك ...
بشير : هي في أمان الله ...
مبروك : مع السلامة ...
"خش وسكر الباب" ...
مبروك : مرام جت !!..
أوّل مرّة تجي من الفجر إن شاء الله خير......
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
مبروكة : شن تقولي إنتي ؟!!....
مرام : يمي معقولة تخلّي إلبنت عند خالتها بعدين أني تعبت من سيرة الحمل يايمي نبي ع لأقل نبّي من يونّسني وقت لما بشير يطلع يخدم والحق إسراء خشّت قلبي البنت ...
مبروكة : وراجلك ؟...
مرام : لا لا بشير عادي بلعكس مرحب بلفكرة قلت نخليها عندنا بدل ماتمشي وهاديكا غزلان إدّير روحها زعماتك هيا المسكينة .....
مودة : خير مادّيري ...
مرام : ها شن؟..
مبروكة : ماندري عليه !!...
مرام : قولى بتقوليله اليوم ...
مبروكة : تو نشوف !!.......
🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵
غزلان : صباح الخير ...
مبروك : صباح الخير ...
غزلان : وتّيتلها ساكوها وكل شي أمتى بترفعها؟...
مبروك : شويّة بعد العصر ...
غزلان : مش قلت بترفعها الصبح؟...
مبروك : كنت لاكن تو جت مرام بنسلم عليها وبعدين بنرفعها ...
"بانت ملامح الصّدمة على عيون غزلان إلي حاولت تخفيهم من خوفها على بنتها "..
غزلان بستغرا : أختك!...
مبروك : إيه أختي خيرك 🤨؟..
غزلان : لا لا، غار إستغربت بس أوّل مرّة إدّيرها أختك تجي بكري؟!!....
مبروك : إيه أوّل مرّة !!...
"ركزت غزلان على روحها بعدين عدلت ملامحها المصدومات وقالت بشي من الرّيبة والشّك والخوف : باهي تو حتى ني نمشي نسلم عليها ...
مبروك : هي ماشي تبي حاجة ؟...
غزلان : سلامتك ...
" ربي يستر على بنيتي 😣😖 "...
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
" مكالمة هاتفية "...
غزالة : شنو!!!.....
غزلان : زي ماسمعتي يايمي ...
غزالة : وشن جابها هادي شن تبي؟!!....
غزلان وهي تبكي : والله ماندري على بلاها يمي خايفة يايمي ...
غزالة : لا لا، بنيتي لا ماتبكي ماتخافي إن شاء الله خير ، إن شاء الله مايصير شي ....
غزلان : شن إن شاء الله مايصير شي هادي أكيد سمعت بيا بنبعتلكم إسراء تو تاخدها مني يمي، تو تقول هادي ماتبّي بنتها ...
غزالة : لا لا، شن تاخدها منك لا لا ،ماتخافيش إن شاء الله لا ...
غزلان : ليها قريب تلاتة سنين من تجوّزت لتو ماحملت تو أكيد بتلعب براسة تاخد بنتي .......
سكّرت عزالة المكالمة وهيّا تخمم فبنتها خايفة خايفة يرجع يتكرر سيناريو بنتها منال
إيه ماقتلكمش علي منال أخت غزلان الكبيرة إلّي تزوّجت وأوّل ولد جاباته خداه منها راجلها وعطاه لأخته يعني تخلّى علي ولده عخاطر أخته خدت أخته الولد وقعد معاها والشّي هادا خلاّ منال تخش فحالة نفسيّة لدرجة إنها فلحضة كانت حتنتحر وترمي بروحها من فوق حوشها كيف لأن ولدها الأول فرحتها الأولي خدوه منها كبدها وتعبها وحملها وجيابها الأول خدوه منها لاكن الحمد الله ماصارش  ولهذا السّبب  غزالة خايفة خايفة علي بنتها غزلان تعيش نفس المئساء ....
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
مبروك : يمي ...
مبروكة : خش خش مافي حد ...
مرام : خش مبروك ...
مبروك : يامرحبتين وأهلين ...
مرام : كيف حالك وخيّي...
"جت ضبّطت خوها بيديها الزوز حضناته وقعدت تسلم عليه تقول أوّل مرة تشوفه "...
مرام بعد كمّلت سلامها إلي زعميتك حار : شن حالك يامبروك ، كيف حال غزلان ،والصغار حالكم باهي ؟...
مبروك وبادية على وجهه علامات الإستغراب :
باهي باهي ، الحمد الله حالنا باهي كيف حالك إنتي ، وبشير حالكم باه أه !..
مرام : الحمد الله ، الحمد الله شني فطرت ولا نديرك ؟..
مبروك : لا لا، مستعجل بنمشي للعمل قلت نخطم نسلّم عليك ...
مبروكة : أسمع بنكلّمك فموضوع ...
"شبح مبروك لمرام طول"....
مبروكة : لا لا ماتخافش مش على مرام  ...
مبروك : على شنو ؟..
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
فاطمة : ماما مام ...
غزلان : ها خيرك؟..
فاطمة : مام مام ...
غزلان : تبّي تاكلي جعانه باهي هي ....
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
"حوش عيلة غزلان" .....
هبة : أمي زعما تاخدها ؟...
غزالة : بسم الله أفتحي فمك بلخير وإنتي ديمة متشائمة إن شاء الله ، لا تاخدها ، ولا يصير شي ...
هبة : ياربي، إن شاء الله تحمل وتفكنا منها ...
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
مبروكة : ها شن قلت؟.....
مبروك : والّلهي يايمي أني قلت جيّة مرام مش هكي !!...
مبروكة : قالت تبي تخلّيها عندها ...
مبروك : وأني اليوم كنت رافعها لخالتها ....
مبروكة : أختك تعبت من فكرة الحمل  خليهاعندها لين يسخّر ربي....
مبروك : تو نفكّر ونقولها ...
مبروكة بنفاد صبر : الشّور شورك إنت يامبروك ، بعدين أما أحسن إهني قريب ولا غادي فأخّر الدّنيا ...
مبروك : سكت قعد يفكّر فكلام أمه وإستنتج إن أخته أأْمن وقريبة....
🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵
"السلام عليكم "...
مودة من فوق نفسها : وعليكم السلام
" خشّت غزلان بعد ماشبحت لمودة بربع عين:
عمتي كيف حالك؟...
مبروكة : باهي الحمد الله ، كيف حالك إنتي والبنات؟...
غزلان : الحمد الله ، حالنا باهي ...
"خشّت مرام"...
مرام : السلام عليكم ...
غزلان : وعليكم السلام ...
مرام : كيف حالك ؟...
غزلان وهي تسلم عليها : الحمد الله ، كيف حالك إنتي يامرام؟...
مرام : الحمد الله، الحمد الله، كويّسه شن حال إسراء ؟...
" كيف قالت كلمتها غزلان بدت تفهم وتأكّدت من سبب جيتها والخوف بدي يلعب فقلبها "....
غزلان : باهية، الحمد الله ؟!!...
"غزلان من الدّاخل : 😟😨😰😱😣😖"...
"لاكن من برّا هذا وجها : 😅😅😅😅"...